Filologiya üzrə fəlsəfə doktoru Firudin Qurbansoyun "Ulduz elmi və Orta əsrlər Azərbaycan ədəbiyyatı" adlı monoqrafiyası bu mövzuda yazılmış ilk əsərdir. Əsərdə ulduz elminə dair kifayət qədər geniş məlumat verilir, onun tədqiqat sahələrinin özünəməxsusluğu araşdırılır.
Minilliklər boyunca təşəkkül tapan və təkamül edən bu elmin həm nəzəri, həm də təcrübi sahələri son illərdə inkişaf edib. Azərbaycan şairləri orta əsrlər elm və təhsil sisteminə müvafiq olaraq, ulduz elminə dair bilikləri də öyrənir, yeri gəldikcə, bundan öz əsərlərində bədii deyim vasitələri şəklində istifadə edirdilər. Ulduzlar haqdakı biliklər və onun poeziyada əksi məsələsi bu kitabda faktiki materialların bazasında təqdim olunur.
Kitabda kosmosun insanın xarakterinə, səhhətinə təsiri məsələsinə də yer ayrılıb. Geniş oxucu kütləsini maraqlandıran bir sıra məsələlər də əsərdə öz əksini tapır.
Ümid edirik ki, fars, ərəb, türk və rus dillərindəki elmi-nəzəri və praktik qaynaqlardan istifadə olunmaqla yazılan bu əsər kitab rəfinizdə layiqli yerini tutacaq.

Sağlamlıq üzrə mütəxəssis, psixoloq Kelli Makqoniqalın işi insanlara stressin öhdəsindən gəlmək və həyatlarında pozitiv dəyişikliklər etməyə kömək göstərməkdir. Ö, tələbələrinin seçimə nəzarət uğrunda apardığı mübarizəni illərlə müşahidə edəndən sonra anladı ki, insanların iradə gücü barədə inandıqlarının əksəriyyəti onların uğurlarını əslində sabotaj edir. Məsələn, iradə gücünü ləyaqət kimi görməyimiz bizi ən ciddi hədəflərimizdən yayındıra bilər.
Makqoniqal bunun əvəzində tələbələrinə özünənəzarətə təsir edən bioloji funksiyaları, əqli tələləri və sosial amilləri anlamağı təklif edir. O, psixologiya, neyrologiya və iqtisadiyyat kimi sahələrin ən son yeniliklərindən istifadə edərək Stenford Universiteti Davamlı Araşdırma Proqramı üçün "İradə gücü elmi" adlı kurs yaratdı. Tələbələr onu həyatı dəyişdirən kurs kimi təsvir edirlər. Bu kurs "İradə gücünün instinkti" kitabının əsasıdır. Bu kitab "əsl iradə gücü nədir, o necə işləyir və niyə vacibdir" suallarına cavab vermək üçün anlaşıqlı struktur qurur.
Öz diqqətimizə nəzarət etmək bacarığımız, emosiyalarımız, iştahamız və davranışımız təkcə bizim sağlamlığımıza, maliyyə təminatımıza, əlaqələrimizə və peşəkar uğurumuza təsir etmir. Onları həm də təlimləndirmək mümkündür. "İradə gücünün instinkti" məqsədlərimizi müəyyən etmək, özünənəzarəti gücləndirmək və bir ömür dəyişiklik etmək üçün bizə addım-addım irəliləməyə imkan verən proqram təqdim edir. Bu dəyişikliyin nə olmasının fərqi yoxdur: bunlar arıqlamaq, maliyyə vəziyyətinin yaxşılaşdırılması, stressin azaldılması, təxirəsalınmaların qarşısının alınması, yaxşı valideyn olmaq, yaxud da diqqətin toplanması kimi məsələlər ola bilər.

İş adamı və səyyah Fərid Novruzi dünya səyahətini uğurla başa vuran ilk azərbaycanlıdır. O, dünya səyahətinə adi vaxtda başlamayıb. Fərid 2020-ci ilin yanvar ayında uzaq səfərə çıxmağa hazırlaşanda nə özünün, nə də başqa kiminsə ağlına gəlməzdi ki, ölüm daşıyıcısı olan qorxulu bir virus ortaya çıxacaq və onun da planlarına xaincəsinə müdaxilə edərək marşrutunu gözlənilməz dərəcədə dəyişəcək. Bunun da nəticəsində səyyah sərhədlərdə çoxsaylı problemlərlə qarşılaşacaq, yük maşınında böyük məsafələr qət edəcək, boş və kimsəsiz hotellərdə gecələyəcək... 

Bütün bunlara baxmayaraq, Fərid Novruzi heç bir çətinlikdən çəkinməyərək, təhlükələrdən qorxmayaraq, öz yoluna davam edib və 158 gün ərzində təyyarədən istifadə etmədən, yalnız quru və su yolu ilə 60 min kilometrdən çox məsafə qət edib, Yer kürəsinin “başına dolanaraq” öz dünya səyahətini dünya standartlarına uyğun şəkildə uğurla başa çatdıra bilib. Bu kitab həmin səyahət vaxtı onun başına gələn olduqca maraqlı və gözlənilməz macəralardan bəhs edir. Oxucunu əvvəldən axıra qədər gərginlikdə saxlayan kitabı birnəfəsə oxuyacağınıza əminik.

Entoni Robbins bunu “şəxsi nailiyyət haqqında yeni elm” adlandırır. Siz isə bunu “indiyədək qarşılaşdığınız ən yaxşı şey” adlandıracaqsınız. Əgər nə vaxtsa daha yaxşı həyat xəyal etmisinizsə, “Hüdudsuz güc” sizə arzuladığınız və layiq olduğunuz fövqəladə keyfiyyətli həyata nail olmağın, eləcə də şəxsi və peşəkar həyatınızı idarə etməyin yollarını göstərəcək. Entoni Robbins öz kitabları, lent yazıları və seminarları vasitəsilə milyonlarla insana sübut edib ki, zehninizin, düşüncənizin gücündən istifadə etməklə həyatınız üçün istədiyiniz hər şeyi edə, ona malik ola, onu yarada və əldə edə bilərsiniz. O, ölkə rəhbərlərinə, olimpiya oyunları iştirakçılarına və peşəkar idmançılara, kinoulduzlara və uşaqlara hədəfə necə nail olmağın yollarını göstərir. O, şəxsi nailiyyət haqda elmi “Hüdudsuz güc” vasitəsilə coşğunluqla aşkara çıxarır və sizə aşağıdakıları öyrədir:

• əslində nə istədiyinizi üzə çıxarmağın yollarını

• uğurun yeddi yalanını

• qorxu və fobiyaları bir neçə dəqiqə ərzində aradan qaldırmaq üçün beyninizi yenidən proqramlaşdırmağın yollarını 

• görüşdüyünüz istənilən şəxslə dərhal qarşılıqlı münasibət yaratmağın sirlərini

• başqasının uğurlarını təkrarlamağın yollarını

• zənginliyin və xoşbəxtliyin beş açarını

“Hüdudsuz güc” beyin üçün inqilabi fitnes kitabıdır. Bu kitab sizə emosional və maliyyə azadlığı əldə edərkən, liderliyə, özgüvənə və digərləri ilə əməkdaşlığa nail olarkən yüksək bacarıq nümayiş etdirməyin yollarını addım-addım göstərəcək. Bu kitab özünüzü və dünyanızı kökündən dəyişmək üçün sizə bilgi və cəsarət verəcək. “Hüdudsuz güc” uğur erasında yüksək performans üçün bir bələdçidir.

Biz haradan gəlmişik, nə üçün yaşayırıq, hara gedirik? Mən nə vaxt, harada, necə öləcəyəm? Cənnət və cəhənnəm deyilən bir yer varmı?
İnsan oğlu özünü dərk edən gündən indiyə qədər bu əbədi suallara cavab axtarıb. Hətta nə fəlsəfə ilə, nə də dinlə maraqlanmayanlar belə - savadlılar da, savadsızlar da; qadınlar da, kişilər də; varlılar da, kasıblar da; millətindən, dinindən, irqindən asılı olmayaraq, hər kəs nə vaxtsa özünə "Ölümdən sonra həyat varmı?" sualını verib, "o biri dünyanın" mövcud olub-olmaması haqqında söylənən fikirlərə heç vaxt biganə qalmayıb, ümumiyyətlə, həyatın ən sirli, ən müəmmalı, ən möcüzəli, ən acı, ən qorxunc, eyni zamanda ayrılmaz bir parçası olan "ölümün" nə olduğunu dərk etməyə çalışıb.
Əlinizdə tutduğunuz bu kitabda sizi narahat edən bu əbədi suallara cavab tapacaqsınız. Bu cavablar nə filosofların, nə din xadimlərinin, nə peyğəmbərlərin, nə müqəddəslərin, nə də materialistlərlə idealistlərin cavablarıdır. Bu suallara cavab verənlər nə vaxtsa bizim kimi həyatda yaşayan, sonra isə ölüb bu dünyanı tərk edən insanların bizim "o biri dünya" adlandırdığımız bir məkanda yaşamaqda davam edən ruhlarıdır. Oxucu insanı ölümdən sonra nələrin gözlədiyini ilk dəfə olaraq bu kitabdan oxuyacaq, həqiqəti məhz ruhların dilindən dinləyəcək, bunun bir növ canlı şahidi olacaq. "Ruhlarla söhbət"i oxuduqca dərk edirik ki, ölümü başa düşmədən həyatın mənasını anlamaq mümkün deyil, eləcə də həyatı başa düşmədən ölümü anlamaq qeyri-mümkündür.
Spiritizm nəzəriyyəsinin fundamental əsəri olan "Ruhlarla söhbət" ilk dəfə 1857-ci il aprelin 18-də Parisdə işıq üzü görüb. Məşhur medium Allan Kardekin tərtib etdiyi bu kitabda müəllifin özünün və onun medium həmkarlarının həyatı tərk etmiş insanların ruhlarına verdikləri həyat və ölüm haqqındakı 1000-dən çox sualın cavabları əks olunub. "Ruhlarla söhbət" nəşr olunduğu gündən indiyədək Fransada, Avropada, eləcə də dünyanın digər ölkələrində müxtəlif nəşriyyatlar tərəfindən, müxtəlif dillərdə, milyonlarla tirajla çap edilib və indi də çap olunmaqdadır. Azərbaycan oxucularına ilk dəfə təqdim olunan - bəzi ölkələrdə müqəddəs bir kitab kimi qəbul edilən bu kitab 1857-ci il Paris nəşrindən tərcümə olunmuşdur.

İblislərlə dolu dünya elmin şam işığında  - Karl Saqan

Psevdoelmin mifləri, "Yeni çağ" düşüncəsi və təəssübkeşliklə elmin sınanıla bilən fərziyyələri arasındakı fərqi bilməsək, texnologiyanın getdikcə daha çox rol oynadığı həyatımızda rasional qərarları necə verə bilərik?
Karl Saqan tarixə və mədəniyyətə geniş perspektivdən baxaraq, cadugərlik, dua ilə şəfa, iblislər və UNO-lar kimi geniş yayılmış illüziyaları analizlə ifşa edir. Çağımız "informasiya dövrü" adlandırılsa da, mövzusu "yadplanetlilər tərəfindən qaçırılma" və ekstrasenslik olan psevdoelm geniş yayılır, müştərək hallüsinasiyalar diqqət çəkir və ciddi qəbul edilir. Saqan ağılsızlığın siren nəğməsinin sadəcə səhv yola dönmək yox, həm də fundamental hüquqlarımızı təhdid edən qaranlığa qərq olmaq mənasına gəldiyini çox sərrast şəkildə izah edir.

Tanınmış dinlər tarixçisi Karen Armstronq "Mifin qısa tarixi" adlı bu yığcam əsərində miflərin paleolit dövründən müasir dövrə qədər məruz qaldığı dəyişiklikləri tədqiq edir.
"İnsanlar həmişə miflər yaradıblar" deyən müəllif insanların miflərə həmişə ehtiyac duyduğunu, ancaq əkinçilik, ovçuluq və şəhərsalma kimi böyük dəyişikliklər zamanı mifləri gözdən keçirib yenidən şərh etdiklərini göstərir.
"Miflərə hazırkı yadlaşmamızın tarixdə analoqunun olmadığını" düşünən Armstronq "mythos" ilə "logos"un düşmən qütblərə ayrılması nəticəsində XX əsrin dağıdıcı miflərinə meydan verildiyini yazır. Mifin bir sənət növü olduğunu vurğulayan müəllif dünyanı şər miflərdən qorumaq üçün sənət adamlarının gətirəcəyi təzə nəfəsə ehtiyacın olduğunu qeyd edir.
Bu əsər mifik təfəkkürün tarixi inkişafının xülasəsi olmaqla bərabər, "logos" və "mythos" tərəfdarlarının antaqonist münasibətləri bir kənara atıb qarşılıqlı anlayış zəminində dialoq qurması istiqamətində təşəbbüs də sayıla bilər.

“...Tanrı nədir, tanrı nə istəyir? Kimi sevir, kimə nifrət edir? Biz özümüzdən asılı olmadan, qeyri-şüuri şəkildə bu prinsiplərdən çıxış edib özümüzə apofeoz yaratmağa çalışırıq və əslində, dünyamızı çalxalayan, onu sarsıdan dini münaqişələrin çoxu həmin səbəbdən baş verir... 

...İbtidai dövrün tanrıları çox nadir hallarda əxlaq prinsiplərinə rəvac veriblər. Onlar insan əxlaqı kimi xırda şeylərə baş qoşmurdular, bunlardan çox yüksəkdə dayanırdılar. Mesopotamiya və Misir tanrıları çox amansız və aqressiv idilər. Onlar insanlara, sadəcə, şıltaq istəklərini həyata keçirmək üçün qamçıladıqları qul kimi baxırdılar. Yunan tanrıları insanla oyun oynayan kobud, məğrur, şıltaq varlıqlar idi. Yəhvə ondan başqasına tapınan hər kəsi qırıb-çatmağı əmr edən qısqanc bir tanrıdır. Allah ona qarşı çıxan hər kəsə misli görünməmiş cəza vəd edir – həm bu dünyada, həm də axirətdə. Ən yaxşı halda əxlaqın fövqündə dayanan, ən pis halda, sadəcə, əxlaqsız olan bu tanrılar insanlar  üçün əxlaq mənbəyi ola bilərmi? Necə ola bilər?...”

***

“Əhatə dairəsinə, qarşıya qoyulan hədəflərə görə son dərəcə cəlbedici, iddialarına görə çox təzadlı olan “Tanrı: bəşər tarixi” araşdırması bəşərin lap əzəldən Tanrını özünə bənzətməyə çalışdığını vurğulayır və bəyan edir ki, artıq buna son qoymağın vaxtıdır. Rza Aslan parlaq istedadı ilə ərsəyə gətirdiyi bu kitabında onun qələmindən umduğumuz qeyri-adi əlvan boyalarla bizi düşünməyə vadar edir, zənn və gümanları darmadağın edir”.

Bart Denton Erman 

“İsa necə Allah oldu” kitabının müəllifi