Hekayə oxumaq adını-sanını eşitdiyiniz məşhur yazıçıların irihəcmli əsərlərini oxumağa başlamazdan qabaq əla dequstasiya imkanıdır... Hekayə oxumaq heyrətamiz sürətlə virtuallaşan çağdaş dünyanın ən ciddi məsələlərindən biri olan ünsiyyətsizlik və özgələşmə problemlərinə qarşı çox yaxşı antivirusdur... Hekayə oxumaq özünü inkişaf etdirməyin, zövqü cilalamağın ən sadə, amma sınaqdan çıxmış yoludur... Hekayə topluları bizə dözümlü, təmkinli, demokratik olmağı öyrədir: dünyagörüşü bir-birinə daban-dabana zidd olan yazıçıların əsərləri iki yerdə – kitab rəflərində və hekayə toplularında “dava-dalaşsız”, “dinc yanaşı” dura bilirlər. Və nəhayət, hekayələr bunu qulağımıza asta-asta pıçıldayır: elə sən özün də bir hekayəsən...
Azərbaycan dilində
Yumşaq üz qabığı
320 səhifə
Ölçü: 130x198 mm
SizinKitab
Nüzhətül-məcalis - Camal Xəlil Şirvani - SizinKitab
Əsas qiymət
16.80₼
/
Nüzhətül-məcalis - Camal Xəlil Şirvani - SizinKitab - SizinKitab
XIII əsr müəlliflərindən Cəmaləddin Xəlil Şirvani tərəfindən hazırlanan və Şirvanşah Əlaəddin Fəriborza (hakimiyyət illəri 1225-1251) ithaf olunan "Nüzhətül-məcalis" ("Ürəkaçan məclislər") adlı topluya 291 şairin 4085 rübaisi cəmlənib. Onların 2212-si farsca yazan 116 azərbaycanlı müəllifə məxsusdur. Bura Xaqani, Nizami və Məhsəti kimi tanınmış müəlliflərlə yanaşı adı ədəbiyyat tarixində qeyd olunmayan bir çox ədiblərin rübailəri daxildir. Bu şairlərin çoxu Azərbaycanda tanınmır. Bu sırada Şəms Sücasi, Şərəf Saleh Beyləqani, Rəşid Beyləqani, Seyyid Şərəfəddin Beyləqani, Səfi Beyləqani, Bürhan Gənceyi, Camal Gənceyi, Rəşid Gənceyi, Əmir Nəcib Ömər Gənceyi, Qazi Şihab Gənceyi, Rəziyyə Gənceyi, S'əd Gənceyi, Nəcməddin Əbdüləziz Gənceyi, Sədr Zəngani, Əziz Əli Şirvani, Bəxtiyar Şirvani, Tiflisi Şirvani, Camal Hacı Şirvani, Seyf Tiflisi, Yəmin İsfəhani, Əsir Abdullah Umani, Şeyx Hüseyn Səqqa və digərlərinin adını çəkmək olar. Bura toplanan rübailərin mövzu və ideya-məzmun çevrəsi genişdir. Onlar 17 əsas bölmə (bab) və 96 qisim (nəmt) üzrə təsnif və təqdim olunur. Orta əsr təzkirələrinin, cüng və digər ədəbi topluların bu cür müfəssəl təsnifatına ilk dəfə burada rast gəlinir. Azərbaycanlı müəlliflərə aid olan rübailərin ana dilimizə filoloji tərcüməsi ədəbiyyat tariximizin açılmamış səhifələri ilə tanışlığa imkan verəcək.
Azərbaycan dilində
Yumşaq üz qabığı
360 səhifə
Ölçü: 195 X260 mm
SizinKitab
44 Fəsil - Kollektiv müəllif
Əsas qiymət
9.90₼
/
44 Fəsil - Kollektiv müəllif - SizinKitab
Bu kitab Azərbaycan tarixinə əbədi yazılacaq 44 günün
möcüzələrindən bəhs edir. 44 günün möcüzələri deyəndə
göz önünə Vətən müharibəsi, torpaqlarımızın azadlığı,
müqəddəs amallar uğrunda canından keçən əziz şəhidlərimizin
dünya hərb tarixinə yazılacaq parlaq qələbəsi və bu arzuların
çin olması üçün Ali Baş Komandanın müdrik sərkərdə
istedadına güvənərək, onun rəhbərliyi altında yumruq
kimi birləşərək, düşmənin başına“Dəmir yumruq”
endirən Azərbaycan xalqının dəyanəti gəlir təbii ki...
Kitaba daxil edilmiş hekayələri oxuduqca haldan-hala
düşəcək, gah sevinib fərəhlənəcək, gah da mütəəssir olub
kövrələcəksiniz. Burada müxtəlif müəlliflərin hərəyə
bir hekayəsi olmaqla 44 əsər toplanıb. Bu hekayələrdə
44 günlük müqəddəs savaşın ayrı-ayrı epizodlarının,
şəhid, qazi və əsgər valideynlərinin, döyüşçülərin, əzizlərini
Vətən uğrunda döyüşə yola salmış insanların hiss
və həyəcanlarının hər müəllifin özünəməxsus istedad və
ustalıqla qələmə aldığı bədii təsvirini görəcəksiniz. Bu
kitab dünyada dillərdə dastan olmuş 44 günlük savaşda
xalqımızın gücünü və rəşadətini vəsf etmək yolunda bir
töhfədir, möhtəşəm Qələbəmizə bir heykəldir. İnanırıq
ki, bu yazı abidəsi oxucuların zövqünü oxşayacaq.
Azərbaycan dilində
ISBN: 978-9952-540-34-5
Yumşaq üz qabığı
368 səhifə
Ölçü: 130x198 mm
Qiymət:9.90 AZN
SizinKitab
Güney Azərbaycan ədəbiyyatı antologiyası - Pərvanə Məmmədova
Əsas qiymət
12.90₼
/
Güney Azərbaycan ədəbiyyatı antologiyası - Pərvanə Məmmədova
Güney Azərbaycan ədəbiyyatı Ümumazərbaycan ədəbiyyatının tərkib hissəsi olmaqla, eyni zamanda özünəməxsus xüsusiyyətlərə də malikdir. Ona görə də Azərbaycan ədəbiyyatşünaslığında Güney Azərbaycan ədəbiyyatının müxtəlif dövrlərinə dair çoxcildlik antologiyalar nəşr edilmişdir. Təqdim olunan antologiyanın yeniliyi ondan ibarətdir ki, o, son otuz ildə Güney Azərbaycanda yazıb-yaradan ədəbi nəslin yaradıcılığını əks etdirir. Burada yüzə yaxın şair və yazıçı haqqında avtobioqrafik məlumat və əsərlərindən örnəklər verilmişdir. Bu yaradıcılıq nümunələri İranla bərabər, dünyanın müxtəlif ölkələrində yaşayan Güney Azərbaycanın çağdaş şair və yazıçılarının yaradıcılığının ümumi mənzərəsini aydın şəkildə əks etdirir.
Antologiyada həm xalq şeiri üslubunda və divan ədəbiyyatı tərzində yazılmış, eyni zamanda Avropada ötən əsrin 60-cı illərində formalaşan "fləş fikşn" (Flash Fiction) üslubunda yaranan və minimalizmə, kiçik həcmə əsaslanan nəsr əsərləri, özündə postmodernizmin bəzi imkan və açılım-çevrilmələrini əks etdirən şeirlər vardır. Güneydə ədəbi eksperimentləri ilə tanınan, poeziya sahəsində xüsusi ədəbi tərz, üslub yaratmağa nail olan Hüseyn Süleymanoğlunun "Bilimsəl", Nadir Əzhərinin "Donuq şeir planı" və Ziba Kərbasinin "Nəfəs" şeirləri yeni, avanqard yanaşmalara nümunədir. Antologiyada toplanan əsərlər ədəbi aləmdə müasir Güney Azərbaycan ədəbiyyatının əsas meyilləri, məzmunu və dili haqqında da ətraflı təsəvvür yaradacaqdır.
Azərbaycan dilində
Yumşaq üz qabığı
364 səhifə
Ölçü: 145x205 mm
SizinKitab
Xalqın şairi
Əsas qiymət
4.50₼
Satış qiyməti
3.50₼
/
Xalqın şairi
Bu kitabda şeirləri çap olunan gənc şairlər “Xalqın şairi” söz müsabiqəsinin qalibləridir. Müsabiqədə yaşından və yazdığı şeirin janrından asılı olmayaraq, Azərbaycanın bütün bölgələrindən olan yüzlərlə poeziya həvəskarı iştirak edib. Əsl söz festivalı, söz bayramı olan bu müsabiqə ədəbi mühitdə böyük canlanma yaradıb. Ən uzaq dağ kəndində və yaxud şəhərdə yaşayan şair təbiətli gənclərin yaradıcılıq potensialı, bədii təfəkkürü, dünyaya baxışı ədəbi ictimaiyyət üçün maraqlı olub. Əsərləri geniş oxucu kütləsinə indiyə kimi məlum olmayan neçə-neçə gənc istedad məhz “Xalqın şairi” müsabiqəsi sayəsində üzə çıxarılıb və ədəbi ictimaiyyətə tanıdılıb.
Yumşaq üz qabığı
Ölçü: 125x185 mm
Azərbaycan dilində
SizinKitab
Kafkadan Rilkeyə qədər
Əsas qiymət
7.90₼
Satış qiyməti
6.50₼
/
Kafkadan Rilkeyə qədər - SizinKitab
Əsərləri “Kafkadan Rilkeyə qədər” kitabında təqdim olunan müəlliflərin bir qismi Azərbaycan oxucularına yaxşı tanışdır. Müəmmalarla dolu Kafka yaradıcılığı, insanı onun özündən daha yaxşı tanıyan Svayqın psixologiyanın ən dərin qatlarına sirayət etmiş novellaları, Rilkenin lirik-kövrək əsərləri xüsusilə son dövrlərdə bir neçə dəfə nəşr olunub. Ancaq Peter Handke, İlze Ayxinqer, Marianne Qruber, Radek Knapp kimi adlar Azərbaycan oxucusu üçün, demək olar ki, təzədir. Ümid edirik ki, müxtəlif nəsillərin yaradıcılığının ən yaxşı nümunələrinin, müxtəlif yazı maneralarına malik müəlliflərin əsərlərinin cəmləndiyi bu toplu ilk cəhd kimi istər ərazisinə, istərsə də əhalisinin sayına görə Azərbaycana çox yaxın olan bir ölkənin böyük ədəbiyyatı haqqında dolğun təsəvvür yaradacaq.
