Ali məktəblər üçün dərslik, ikinci nəşr

"İqtisadi və sosial coğrafiyanın əsasları" bu sahədə Azərbaycan dilində hazırlanan ilk dərslik olaraq, tələbələrə lazımi biliklərin əldə edilməsində kömək edəcəkdir. Məzmunca mürəkkəb, planetar miqyaslı məsələləri əhatə edən bu dərsliyin hazırlanmasının əsas məqsədi tələbələri insanın məkanda fəaliyyət xüsusiyyətləri haqqında biliklərlə təmin etməkdir.

Dərslikdə iqtisadi və sosial coğrafiyanın elmi əsasları və inkişaf istiqamətləri göstərilmişdir. Görkəmli alimlərin ideya və nəzəri baxışlarının təhlilinə xüsusi diqqət yetirilmişdir. Dərsliyin hazırlanmasında müxtəlif fənlərə aid (fiziki coğrafiya, iqtisadiyyat, sosiologiya, siyasət, tarix, ekologiya, geologiya və s.) ədəbiyyatdan geniş istifadə edilmişdir.

Əsasən ali məktəb tələbələri üçün nəzərdə tutulan dərslik coğrafiya müəllimləri və bu sahə ilə maraqlanan geniş oxucu kütləsi üçün də faydalı ola bilər.

"Dərslik Azərbaycan dilində ilk dəfə təqdim olunmaqla, tələbələrə bu sahədə lazımi biliklərin əldə edilməsində yaxından kömək edəcək. Müəllif gündəmdə olan miqyasca geniş, məzmunca mürəkkəb problemləri kifayət qədər sadə dildə qələmə alaraq, insanın məkanda fəaliyyətinin fərqli cəhətlərini ətraflı izah etmişdir. Bu dərslik tələbələrlə yanaşı coğrafiya müəllimləri, iqtisadi və sosial coğrafiya ilə maraqlanan mütəxəssislər və geniş oxucu kütləsi üçün də çox dəyərli kitab hesab edilə bilər".
Akademik Asəf Nadirov

"Professor Çingiz İsmayılovun elmi-metodik və praktik baxımdan yüksək səviyyədə yazılmış bu kitabı bəzi yenilikləri ilə, əslində, İqtisadi və Sosial Coğrafiya elminin dinamikliyini, üstünlüklərini və müasir inkişaf meyillərini bir daha göstərən işıq yandırmışdır".
Professor Arif Salmanov

"Coğrafiyanın bu sahəsi çox dinamik bir sahə olduğundan, iqtisadi coğrafiyaya dair yeni nəzəriyyələr, elmi baxışlar və yeni məlumatların tələbələrə çatdırılması çox vacib məsələdir. Bu baxımdan, Çingiz İsmayılovun müəllifi olduğu bu vəsaitin tələbələr üçün çox dəyərli dərslik olacağına heç bir şübhə yoxdur".
Professor Mehrəli Fərzəliyev

"Coğrafiya elminin əsas aparıcı sahələrindən olan, cəmiyyətlə təbiət elmlərinin qarşılıqlı əlaqədə olduğu iqtisadi coğrafiyanın nəzəri məsələlərinin öyrənilməsinə həsr olunmuş dərslik bu sahəni tədris edən müəllimlər, sahə mütəxəssisləri, eləcə də, uyğun ali təhsil alan tələbələr üçün olduqca vacib və sanballı metodik vəsaitdir".
Dosent Nəriman Paşayev

Azərbaycan ərazisicə böyük ölkə olmasa da, unikal və təkrarolunmaz təbii şəraitin müxtəlifliyinə görə diqqəti cəlb edən məkanlardandır. Ölkə ərazisinin şimal və şimal-qərbdən Böyük Qafqaz sıra dağları, cənub və cənub-qərbdən Talış və Kiçik Qafqaz dağları, şərqdən Xəzər dənizi ilə əhatə olunması onun kompakt bölgə çərçivəsində təbii şəraitinin və təbii ehtiyatlarının zənginliyini müəyyən edir.

Respublikanın ərazisindən regionun ən iri çaylarının (Kür və Araz) keçməsi, böyük əkin sahələri, dağətəyi və sahil ərazilərinin mövcudluğu ölkənin əlverişli təbii şəraitini səciyyələndirərək, burada müxtəlif növ təbii ehtiyatların mənimsənilməsinə şərait yaratmış və ölkənin cazibədar məkana çevrilməsinə səbəb olmuşdur.

Təsərrüfat sahələrinin ərazi üzrə ixtisaslaşması, yerləşdirilmə xüsusiyyətləri və inkişaf səviyyəsi respublika ərazisində 10 iqtisadi-coğrafi rayonun ayrılmasına imkan yaratmışdır. İqtisadi rayonlar arasında olan fərqli insan və təbii resurs potensialı, infrastruktur və maliyyə imkanları onların hər birinin ayrılıqda ölkənin iqtisadi inkişafındakı yerini müəyyən edir.

Ölkəmizin təbii şəraitinin zənginliyini qorumaq və gələcək nəsillərə çatdırmaq üçün ətraf mühitin mühafizəsi və bu istiqamətdə aparılan işlər xüsusi əhəmiyyət daşıyır. Bu baxımdan, respublika ərazisində milli parklar, qoruqlar, xüsusi mühafizə olunan ərazilərin yaradılması və genişləndirilməsi təbii mühitin mühafizəsi sahəsində prioritet istiqamətlərdən hesab olunur.
Bütün bunlar və başqa məsələlər kitabda dərindən araşdırılaraq və hərtərəfli işlənilərək, geniş oxucu kütləsinə təqdim edilir.

Altı fəsildən ibarət olan bu kitabda ulu dilin təşəkkülü və protodillərə ayrılması, protodillərin dialekt parçalanması əsasında dil ailələrinin yaranması, şumer-türk varisliyi, e.ə. III-I minilliklərdə protoazərbaycan dilinin inkişaf yolu - Azərbaycanda etnik tərkib və dil məsələləri, ümumxalq Azərbaycan dilinin (III-V əsrlər), sonrakı mərhələdə (VI-VIII əsrlər) Azərbaycan şifahi ədəbi dilinin formalaşmasını şərtləndirən amillər nəzərdən keçirilmiş, ilk dəfə olaraq təşəkkül dövrünün ölməz abidəsi olan "Dədə Qorqud"un dilinin sintaktik quruluşu geniş tədqiq edilmişdir. Son fəsil Azərbaycan yazılı ədəbi dilinin meydana çıxma tarixinə həsr olunmuşdur.
Bu çapda əsərin üzərində yenidən işlənmiş və о, yeni faktlarla zənginləşdirilmişdir.
Kitab ali məktəblərin müəllim və tələbələri, gənc elmi işçilər, Azərbaycan xalqının tarixi və dilinin mənşəyi ilə maraqlanan oxucular üçün nəzərdə tutulmuşdur.

"Müşahidə etdiyimiz nəhəng sosial və ekoloji disbalansı aradan qaldırmaq üçün cəmiyyətlərimizin dərin dəyişikliklərə ehtiyac duyduğunu zənn ediriksə, bütün bu problemlərin sizin və mənim kimi ali təhsilli insanlardan qaynaqlandığını unutmamalıyıq! Belə qənaətə gələ bilərik ki, cüzi dəyişikliklər sənaye dövrünə xas olan, bütün ölkələrdə hələ də təhsil sahəsinin əsas istiqamətini formalaşdıran məktəb modelinin tam yenilənməsi ilə müqayisədə daha böyük əhəmiyyət kəsb edir.
Con Edvardsın və Bill Martinin araşdırmaları göstərir ki, dünyanın müxtəlif yerlərində müəllimlər və icmalar təkmilləşdirilməsinə onilliklər sərf olunan təlim vasitələrinin və metodlarının bütün növlərini nəzərə almaqla bu işin öhdəsindən daha yaxşı gəlir. Bunun üçün vahid model və ya cavab mövcud deyil. Gələcəyin təhsili təbiətin müxtəliflik və əlaqəlilik prinsiplərini təcəssüm etdirəcək. Sözügedən prinsiplər uşaqların anadangəlmə müdrikliyinə əmin olmağa və əbədi hüququmuz sayılan mərhəmət hissinin və intellektin formalaşdırılması sayəsində bəşəriyyət tarixində yeni səhifə aça biləcək gələcək nəsillərin yetişəcəyinə inanmağa əsaslanır".
- Təlim üzrə menecer Piter Senqe, "Beşinci fənn" kitabının müəllifi

"Uğur qazandıran məktəblər" kitabı effektiv liderlik və məktəbdə təhsil sisteminin yenilənməsi üzrə çox faydalı materialdır. Bu müəlliflər hədəfləri xəyallardan hərəkət planına çevirməyin yolunu bilir. Bu, nəzəriyyə deyil: Con və Bill çoxsaylı mühitlərdə köklü dəyişiklikləri faktiki olaraq idarə ediblər. Biz bu kitabı oxumaqla strateji tövsiyələrdən inama layiq liderlərin gündəlik fəaliyyətlərinə qədər geniş əhatəli unikal müdriklik xəzinəsinə sahib oluruq".
- Con Safye, tədris prosesinin yaxşılaşdırılması istiqamətində tədqiqatların əsasını qoyan şəxs, "Bacarıqlı müəllim" kitabının müəllifi

Dərs vəsaitində assimmetrik təhdid mənbəyi olan beynəlxalq terrorçuluq fenomeni, ABŞ-ın ona qarşı ikitərəfli və çoxtərəfli mübarizə doktrinasının mahiyyəti, məzmunu və forması araşdırılmış, onun tətbiqi istiqamətləri və reallaşdırılması mexanizmləri tədqiq olunmuşdur.
Kitabda rəsmi Vaşinqtonun həm 11 sentyabr terror aktlarına cavab olaraq atdığı addımların, həm də Əfqanıstanda və İraqda həyata keçirdiyi antiterror müharibə kursunun siyasi analizi verilmişdir.
ABŞ-ın terrorçuluq əleyhinə siyasətinin İran vektoru və Azərbaycanın beynəlxalq antiterror koalisiyasında iştirakı məsələləri də dərs vəsaitində elmi təhlil süzgəcindən keçirilmişdir.
Dərs vəsaiti müəllimlər, tələbələr, diplomatlar, xarici siyasət məsələləri ilə məşğul olan mütəxəssislər və geniş oxucu kütləsi üçün nəzərdə tutulmuşdur.