Ağ diş - Cek London - SizinKitab

Kitab haqqında

Povest yarı canavar balası olan itin başına gələn əhvalatlardan bəhs edir. Yazıçı bu povestində itin daxili aləmini, onun hər bir hissiyatını ustalıqla qələmə almışdır. Ağ diş öncə acınacaqlı həyat sürür, lakin əsərin sonuna yaxın o, xoşbəxt həyata nail olur. Bu əsərdə ədib öz fikirlərinə də yer vermişdir. Bu isə "Ağ diş"i oxunaqlı edən amillərdən biridir. Cek London bu əsəri ilə demək istəyir ki, heyvanla insan arasında fərq yoxdur. Yəni heyvanda insan kimi şüura sahibdir, düşünür və hər bir hissi duya bilir. Əsərdə həmçinin insanın vəhşiliyi, onun ədalətsiz həyat qanunları pislənir və yazıçı bu əsərlə insanın heyvandan daha vəhşi olduğunu bildirmək istəyir..
Səhifə sayı - 196
9789952364811
Cild - Yumşaq

Məntiq qaydaları - Çingiz Abdullayev - SizinKitab

Kitab haqqında

Üç epizoddan ibarət romanın birinci epizodunda dincəlmək üçün Marselə getmiş Dronqoya dostu və həmkarı – professor Stiven Rossdan qəfil telefon zəngi gəlir- o, Avropanın «şərab kralı» kimi tanınan məşhur milyonçu Edvard Harrisonun onunla təcili görüşmək istədiyini Dronqoya çatdırır. Dostunun xahişindən keçə bilməyən Dronqo istirahətini yarımçıq qoymalı olur və Rossla birgə milyonçunun Monpelyedəki qəsrinə yollanır. Mister Harrison Dronqoya Londondakı seyfindən müəmmalı şəkildə oğurlanmış çox qiymətli sənədlərin axtarışıyla məşğul olmağı və bunun müqabilində ona bir milyon funt qonorar təklif edir. Dronqo təklifdən imtina edir, lakin geri qayıtmağa hazırlaşarkən milyonçunun evində son dərəcə gözlənilməz hadisələr baş verir – cəmisi bir neçə saatdan sonra öz villasında, qapısı içəri tərəfdən bağlı otaqda mister Harrisonun meyiti aşkar olunur- ertəsi gün isə təxminən eyni vəziyyətdə onun otuz yaşlı gözəl xanımı Anna Harrison qətlə yetirilir. Cinayət işlərinin təhqiqatıyla məşğul olan polis komissarı Dyubuanın səyləri heç bir nəticə vermir, lakin Dronqo polis komissarının bacarmadığı çətin işə girişib, çox qısa bir müddətdə bu müəmmalı qətllərin sirrini açmağa və qatili tapmağa müvəffəq olur.
İkinci və üçüncü epizodlarda Dronqo daha çətin, daha mürəkkəb situasiyalara düşür və daha müəmmalı cinayətlərin təhqiqatına cəlb olunur. Bir-birindən fərqli şəkildə törədilmiş amansız qətllərin üstünü açmaq, qatili ifşa etmək ilk baxışda mümkünsüz görünsə də, Dronqo öz çevik ağlının və ona heç vaxt etibarsız çıxmayan dəmir məntiqinin sayəsində bu işlərin öhdəsindən məharətlə gəlir.
9789952266351
Cild - Yumşaq

Arzulardan sonrakı şəhər - Şərif Ağayar - SizinKitab

Kitab haqqında

Minilliklərin o üzü və bu üzü… Tarix, mif, din, yalan və həqiqət… Dəyişməyən ümid – Arzular. İnsan əlini daim naməlum sabahlara uzadır, sabahlarsa bitmir. Bu, min il əvvəl də beləydi, bu gün də belədir, sabah da belə olacaq. Dəyişən zaman, məkan və görüntüdür. Ruh sirli yolunu davam etdirir və daim azadlıq axtarışındadır. «Arzulardan Sonrakı Şəhər» bizi günümüzün və uzaq-yaxın tariximizin mənzərəsi fonunda həqiqətin azca aralanmış qapısından düşən işığa çağırır. Onun çatdırmaq istədiyi mesaj millətindən, dilindən, inancından asılı olmadan hamımıza ünvanlanıb: savaş əbədi məğlubiyyətdir, bəşəriyyət ondan vaz keçmədən Arzulardan Sonrakı heç nəyi yaşaya bilməyəcək.
Səhifə sayı - 232
9789952363197
Cild - Yumşaq

Unutmağa kimsə yox - Kamal Abdulla - SizinKitab

Kitab haqqında

“Unutmağa kimsə yox” son illərin ən çox dartışılan əsərlərinin (“Yarımçıq əlyazma”, “Sehrbazlar dərəsi”) müəllifi olan Kamal Abdullanın hələlik son romanıdır. Əsər dil, ideya, üslub baxımından analoqu olmayan bir faktdır.
Kolumb Hindistan axtarıb Amerikanı kəşf edən kimi gənc alim naməlum bir çiçəkli yazıda hamının gözlədiyi müharibələrin, padşahların,sərkərdələrin tarixini yox, bir sevgi məktubunu deşifrə edir.
Paralel dünyalar, möhtəşəm ahəng, hadisələrin üfüqü, çiçəkli yazı… Bütün bunlar ilk baxışda sadə bir hadisənin fonunda əsər boyu canlı kimi nəfəs alır.

Endirim faizi - 30 %
2000031564630
Səhifə sayı - 528

Donor - Amal - SizinKitab

Kitab haqqında

Yaşar Dilarənin eşqi ilə yanır, lakin nə qədər çalışsa da Dilarədən bir cavab ala bilmir. Və hadisələr elə cərəyan edir ki, o, Dilarəni xilas etdiyi zaman öz sağlamlığını itirir. Yaşar həm ömürlük ayağından şikəst qalır, həm də qaraciyər donorunun tapılmayacağı təqdirdə həyatını itirmə təhlükəsilə qarşılaşır. Bütün ümidlərin tükəndiyi anda donor tapılır. Yaşar sağalıb ayağa dursa da, iki şey onu narahat edir: Dilarənin bundan sonra ona olacaq münasibəti və donorun kimliyi…
Səhifə sayı - 192
9789952362749
Cild - Yumşaq

Una və Selincer - Frederik Beqbeder - SizinKitab

Kitab haqqında

Bəşəriyyəti xilas edə biləcək ən böyük xoşməramlı yaşantı – sevgi və qan-qada, ölüm, od-alov, dağıntı mənbəyi – müharibə... Frederik Beqbederin “Una və Selincer” romanı yazarın bu iki mövzunu tarixin yaddaşına köçürmək istəyindən yaranıb. Amma buna bənzər bütün yaradıcılıq nümunələrindən fərqli...
Əsərdə bu iki mövzu bir-birini təqib etmir. Heç biri digəri ilə məcburi bağlılıqda – vəhdətdə də görünmür. Hərəsi öz spesifik çalarlarının axarında inkişaf edir. Bağlılıq... bağlılıqsa, hər iki mövzunun eyni insanın taleyində kəsişməsindədir.
Səhifə sayı - 308
9789952360257
Cild - Yumşaq

Sıfır sayı - Umberto Eco - SizinKitab

Kitab haqqında

Umberto Eko “Sıfır sayı” əsərində İtaliyanın son illərdəki tarixini gözdən keçirir. Bu əsərdə oxucular “Gladio” adlı gizli təşkilatdan, Roma papasının qətlə yetirilməsindən, hökumət çevrilişlərindən, terror təşkilatlarıyla xüsusi xidmət orqanları arasındakı müəmmalı əlaqələrdən xəbərdar olacaqlar. Umberto Eko bu əsərdə İtaliyanı idarə etmiş faşist hakimiyyətini dərindən araşdırır və mövzunu Mussolininin üzərində qurur.
Yazıçı 1992-ci il İtaliyası ilə Mussolini İtaliyası arasında müqayisələr aparmaqla yanaşı, pis jurnalistliyin insanları necə bir fəlakətə sürükləyə biləcəyini də incə detallarla oxucuya izah edir. “Sıfır sayı” əsəri bir çox dolaşıq və müəmmalı hadisələri bir yerə toplayaraq İtaliyanın son əlliillik tarixi haqqında oxucuda fikir yaradır.
Bu gün vicdanlı jurnalistliyin əhəmiyyətini dərk etmək istə­yənlər, xalqın xəbərləri olduğu kimi deyil, müəyyən adamların istədiyi kimi almasının bir ölkənin taleyini necə dəyişdirdiyini görmək istəyənlər Umberto Ekonun “Sıfır sayı” əsərini mütləq oxumalıdırlar.
Səhifə sayı - 172
9789952362565
Cild - Yumşaq

Məsumiyyət muzeyi - Orhan Pamuk - SizinKitab

Kitab haqqında

“Həyatımın ən xoşbəxt anıy­mış, bilmirdim…” Tür­ki­yə­nin Nobel mükafatı laureatına sahib olan yazı­çı­sı Orxan Pamukun altı ilə yazdığı gözəl eşq romanı bu sözlərlə başlayır.
“Məsumiyyət muzeyi”ni oxuyarkən yalnız eşqlə deyil, ev­lilik, dostluq, intim mü­nasibətlər, şəhvət, ailə və xoş­bəxtliklə bağlı bütün düşün­cələrinizin yerindən oynadığını və hekayənin cazibəsindən heç ayrılmaq istəmədiyinizi gö­rəcəksiniz…


Səhifə sayı - 728
2001090754635
Cild - Qalın

İtmiş gül - Serdar Özkan - SizinKitab

Kitab haqqında

Serdar Özkanın ilk və ən bəyənilən romanı “İtmiş gül” oxucularına gənc bir qızın hekayətini nəql edir.
Antuan de Sent Ekzüperinin bütün dünyada böyük səs-soraq oyatmış “Balaca şahzadə” romanına bənzəyən “İtmiş gül”də Balaca şahzadənin yerini gənc bir qız tutur və onun sirli səyahəti oxucuları ovsunlayır.
Təxminən 44 fərqli dilə tərcümə olunan və bir çox ölkədə satılan roman klassiklər cərgəsinə daxil olmağa namizəd və mütaliəyə layiq bir əsərdir. Gənc qızın səyahəti zamanı özünüzü tapacaq və həyata olan baxışınızı mütləq dəyişdirəcəksiniz.
Səhifə sayı - 184
9789952360158
Cild - Yumşaq

Firəngistan Məktubları - İsmayıl bəy Qasparlı - SizinKitab

Kitab haqqında

Türk dünyasının böyük fikir adamı İsmayıl bəy Qaspralının (1853-1914) trilogiya şəklində qələmə alınan “Firəngistan məktubları” romanı qardaş Krım-tatar ədəbiyyatının klassik nümunələrindən biri sayılır. Əsas hissələri XIX əsrin sonunda qələmə alınan bu əsərdə İslam dünyasının problemləri, tarixi inkişaf yolları diqqət mərkəzinə çəkilir. Ustalıqla qələmə alınmış roman realist, utopik və ictimai-siyasi çalarların zənginliyi ilə seçilir. Kitab ədəbiyyat həvəskarları, geniş oxucu kütlələri üçün nəzərdə tutulub.
Baxış sayı - 1834
9789952269819

Şah və Sultan - İskender Pala - SizinKitab

Kitab haqqında

Vurğunluq…
Gözəllik…
Eşq və savaş. Təkcə könüllərin yox, alınların,
sümüklərin və gözlərin od tutub yandığı savaş.
Qəhrəmanlarını – Yavuz Sultan Səlimi də, Şah İsmayılı da
tarixin pilləkənində bir pillə aşağı endirən, bir pillə yuxarı qaldıran savaş.
Çaldıran.
İndi Çaldıran nə 500 il geridə, nə 500 il irəlidədi.
Savaş meydanında sehrbazın gördüyü nəydi?
Qızılbaşlıq!
Sünnilik!
İqtidar ehtirası.
Eşqin çöküntü kimi dondurduğu zaman!
Qorxu? Bəs o?
Yazıçı bir az da qorxuların üstünə gedəndi.
Tarix irəliyə doğru açıldıqca ağacın kökləri də görünəcək.
Ələvi də, Sünni də o kökə bağlıdı. O torpaqda birdi.
Kölgələr böyüyübsə, işığa yox, qorxuya qalib gəlmək lazımdı.
Daha nəsilləri qaranlıq və tutqun işığın hegemonluğu boğmasın.
Bir daha eşq!
İqtidar atının belində küləyə və alova doğru gedən iki hökmdar.
Şah və Sultan…
Dünya incisi zərif və əsil-nəcabətli qadınlar… Andlarına sədaqətli kişilər.
Nağıl qədər həqiqət.
Sehrləyici olduğu qədər ümidverici.
İsgəndər Palanın
“Şah və Sultan” romanı hər cümləsi eşqlə oxunacaq kitabdı…
Səhifə sayı - 384
9789952266023
Cild - Yumşaq

Sufle - Aslı E.Perker - Əsli Perker - SizinKitab

Kitab haqqında

Əsli E. Perkerin “Sufle” romanı təhkiyə tərzinə görə novator bir əsərdir. Romanda hadisələr üç ayrı-ayrı ölkədə – Fransada, Amerikada, Türkiyədə cərəyan edir. Əsərin qəhrəmanlarını ümumi bir cəhət birləşdirir – onların hamısı depressiya girdabına yuvarlanıb. Hərəsinin öz həyat hekayəti var. Oxucuya elə gəlir ki, qəhrəmanlar əvvəl-axır rastlaşacaq, görüşəcəklər və final onların hamısını əhatə edən ümumi sonluqdan ibarət olacaq. Ancaq belə olmur, qəhrəmanlar görüşmür və onların hamısı düşdükləri durumdan bacardıqları kimi çıxmağa çalışırlar.
Müəllif obrazını yaratdığı insanların simasında insanların bütün çətinliklərə sinə gərməsini, ən ağır depressiv durumdan çıxmaq üçün həyatda çox sadə tutarqaları olmasından bəhs edir.
Tərcüməçi - Arzu Həsənli
978995226681133
Səhifə sayı - 344

Cariyə - Gül İrepoğlu - SizinKitab

Kitab haqqında

Hazırlaşın! Başqa bir zamana, XVIII yüzilə, I Əbdülhəmid dövrünə, sirlərlə dolu bir məkana, Osmanlı hərəmxanasına gedirik… Eşqin onu hər şeydən fərqli eləyən və o heç dəyişməyən sehrinə gedirik…
Cariyə və hərəmxana. Bu iki anlayışla əlaqədar xeyli kitab oxuduq, amma səthi olan məlumatlarla kifayətlənmək məcburiyyətində qaldıq. Gül İrepoğlunun “Cariyə”si bu mənada çoxlarından fərqlənir. Bu romanda mütəxəssis olmaq və yazmaq istedadı bir-birilə ahəng təşkil eləyir. Quramalıq və tarixi gerçəklik vəhdət halını alan bu kitab+ oxucuya sənədli təsir bağışlayır.
Tərcüməçi - Nəriman Əbdülrəhmanlı
9789952269574
Səhifə sayı - 224

Banan Səsləri- Ece Temelkuran - SizinKitab

Kitab haqqında

Müharibə həyatları necə dəyişir? Bölünmüş şəhərlər ümidləri necə məhv edir? Xoşbəxtlik hansı xatirələr içində azıb? Yoxsulluğu uniforma ilə gizlətmək olurmu? Və bananlar böyüyərkən səs çıxarırmı? Hara məxsus olduğunu anlamağa çalışan Dəniz, öz cinsi kimliyini sorğulayarkən Filipinaya aşiq olan Maruan, Hizbullah aşiqi erməni qız, məktubları ilə Şatila düşərgəsindəki həyatı, müharibənin iç üzünü, sevgisini ifadə edən Həmzə Yaxın Şərqin lənətini göstərməyə yetərdimi?
Banan səslərini yazmaq üçün doqquz ay Beyrutda yaşamaq kifayət idimi?
Səhifə sayı - 304
978-9952-36-520-7
Cild - Yumşaq

Eşqin kimyası - Muriel Maufroy - SizinKitab

Kitab haqqında

Fransız yazıçısı Müriel Maufroyun bu romanı həmişə səmimiyyəti və bədii keyfiyyətilə seçiləcək. Şəms Təbrizini ilahi eşqlə sevən Kimya xatunun qısa, ancaq bənzərsiz ömründə baş verənləri oxuculara bundan yaxşı çatdırmaq, yəqin ki, mümkün deyil.
Bu roman Şəms Təbrizinin, Mövlananın və Kimya xatunun dünyasına insanı riqqətləndirən mistik səfərdi.
Səhifə sayı - 272
978-9952-26-492-0
Cild - Yumşaq

Möhtəşəm Qetsbi - Frensis Skott Fitscerald - SizinKitab

Kitab haqqında

Möhtəşəm Qetsbi» romanı Amerika ədəbiyyatındakı «Caz Əsri» adlandırılan dövrün ən məşhur və tipik əsərlərindən sayılır. Hadisələr XX yüzilliyin 20-ci illərində Lonq-Aylenddə və Nyu-Yorkda cərəyan edir. Bəllidir ki, Birinci Dünya müharibəsindən sonra Amerika misilsiz iqtisadi çiçəklənmə dövrünü yaşayırdı. Eyni zamanda, spirtli içkilərə qoyulmuş qadağa bir çox butlegerləri milyonçular cərgəsinə çıxarıb, mütəşəkkil cinayətkarlıq üçün geniş imkanlar açırdı. Romanda varlılara və onların eyş-işrətinə dəbdəbəsinə öz heyranlığını gizlətməyən Fitscerald, həm də qeyri-məhdud materializmi, amerikan mənəviyyatını, o cümlədən insan təbiətinə xas olan laqeydlik və biganəliyi məzəmmətləyir.
Frensis Skott Fitscerald müasirlərinin şüurunda təkcə yazıçı kimi deyil, həm də öz dövrünü təcəssüm etdirən canlı əfsanə kimi qalmışdır. O, ötən əsrin 20-ci illərində amerikan gəncliyinin pərəstişgahı idi, gənclər ona öz dünya duyumlarının parlaq ifadəçisi kimi baxırdı. Ona bəslənən bu rəğbət indinin özünəcən yaşayır və hətta bugünkü Amerika ədəbi tənqidi onu «Caz Əsrinin» tərənnümçüsü saymaqda bu gün də israrlıdır. Artıq heç bir şübhə yoxdur ki, F.S.Fitsceraldın yaradıcılığı Ş.Andersonun, E.Heminqueyin, T.Vulfun əsərləriylə bərabər, amerikan düşüncə tərzinin böyük bir dövrünü özündə əks etdirir və yüksək estetik dəyər baxımından olduqca əhəmiyyətlidir.
Tərcüməçi - Nadir Qocabəyli
9789952265217
Səhifə sayı - 184

Əcnəbi qadın - Sergey Dovlatov - SizinKitab

Kitab haqqında

“Əcnəbi qadın” romanı qeyri-adi yumorla yazılıb. Əsərin qəhrəmanı Marusya Sovet ittifaqında Kommunist Par-tiyasına sadiq bir ailədə doğulub. Təminatlı həyat onu sıxır. Sa-dəlövhlük onun yolunu Avropaya, oradan isə Nyu-Yorka aparıb çıxarır. Əsərdə Marusyanın timsalında sovetlərdən gedən mü-ha-cir-lə-rin həyatı təsvir olunur. “Əcnəbi qadın” əsərində bir cümlədə eyni hərflə başlayan iki söz yoxdur. Tərcümə edərkən müəllifin üslubu qorunub. Sovet mühacir-yazıçılarının “üçüncü” dalğasının nü-ma-yən-də-si, adı Azərbaycan oxucularına az-çox tanış olan Sergey Dovlatov 1941-ci ildə, ailəsinin evakuasiya edildiyi Ufada doğulub. Son-ralar yenidən Leninqrada qayıdıb. Filologiya fakültəsini bitirib. İlk hekayələrini yazan gündən “dissident” sayılıb. Sovet ədə-biyyat jurnallarında çap olunmaq cəhdləri baş tutmayıb. İlk kitabının yığımı DTK-nın sərəncamı ilə məhv edilib. Çörək pulunu jurnalistikadan “çıxarıb”. 1976-cı ildə bir sıra hekayələri Qərbdə, “Kontinent”, “Zaman və biz” jurnallarında çap olunub, buna görə SSRİ Jurnalistlər İtti-fa-qından xaric edilib. 1978-ci ildə Avstriyaya, sonra ABŞ-a mühacirət edib. Nyu-York-da yaşayıb, ilk vaxtlar qalmaqallı “Yeni amerikalı” qəzetin bu-raxıb. Səksəninci illərin ortalarında Amerika oxucuları arasında məşhurlaşa bilib, hekayələri dəfələrlə “mötəbər və nüfuzlu” “New Uorker” jurnalında çap olunub. Onu da deyək ki, rus yazıçılarından heç biri heç vaxt bu jurnala “yaxın buraxılmayıb”. Dovlatov istisna təşkil edir. 1990-cı ildə Nyu-Yorkda ürək çatışmazlığından vəfat edib. On iki illik mühacir həyatı ərzində Dovlatovun ABŞ və Avropada on iki kitabı nəşr edilib. Rusiyada onu “samizdat”a və radiodakı verilişlərinə əsasən tanıyırdılar. Hazırda Moskvada Dovlatovun çoxsaylı kitabları nəşr edilib, “Seçilmiş əsərlər”i buraxılıb. Biz, Azərbaycan oxucularını S.Dovlatovun hansı əsəri ilə tanış etmək barəsində düşünərkən müəyyən tərəddüddən sonra onun “Əcnəbi qadın” romanını seçdik. Bu vaxta qədər onun Azərbaycan dilində yalnız bir neçə heka-yəsi Natiq Səfərov tərəfindən tərcümə olunub
Səhifə sayı - 128
9789952266641
Cild - Yumşaq

Mən öldürürəm - Corco Faletti - SizinKitab

Kitab haqqında

Bu əsər son onilliyin ən məşhur italyan romanıdır. Kitab dükanlarında görünəndən iki il sonra iki milyon yarım tirajla satılıb, digər dillərə tərcümə olunanda isə başlanğıc tirajı yüz min nüsxəni keçib.
"Mən öldürürəm" romanında hər şey var – gərginlik və maraqlı süjet, kazino, "Formula- 1" yarışları, Şubertin, Tom Uaytsın musiqiləri, Monte-Karlonun təkrarolunmaz gözəl mənzərələri… Hadisələrin mərkəzində isə özgə üzlərinin kolleksiyasını toplayan müəmmalı
gecə qatili dayanır.
Baxış sayı - 1155
9789952266122
Endirim faizi - 30 %

Kömək edin , bağışlayın - Frederik Beqbeder - SizinKitab

Kitab haqqında

Frederik Beqbeder, avropa ədəbiyyatı ulduzu, ”99 frank”, ”Məhəbbət üç il yaşayır.”, “Windows on the World”, “Romantik xudbin” kimi dünya bestsellerlərinin müəllifi, bu illər ərzində Rusiyaya etdiyi qalmaqallı səfərləri ilə məşhurlaşmışdır. Onun bu səfərləri hər iki paytaxtın gecə klublarında və dəbli barlarında yaşanan qızğın sərgüzəştləri ilə yadda qalıb. O öz yeni romanını da məhz Rusiya haqda yazmışdır. Bu romanın işıq üzü görməsi Fransada böyük qalmaqala səbəb olmuşdu.
Beqbeder öz oxşarı, “99frank” romanının qəhrəmanı Oktav Povan­qonu yenidən səhnəyə çıxarır. Bacarıqlı və arsız reklamçı bu dəfə Rusiyaya gəlir: o, dünya kosmetika sənayesinin nəhəngi üçün yeni “reklam siması” axtarır. Qar, gözəllər və kokain burağanında gicəllənən Oktav qəfildən, özü də hiss etmədən fədakarcasına aşiq olur. Ümüdsüz anlarında o, Müqəddəs İsa məbədindən olan tanış bir keşişə tövbə edir və eyni zamanda öz sərgüzəştlərini şərh edir. “Kömək edin, bağışlayın!” hadisələrin iç üzünü “rus” zəmnində açan roman-etiraf, dəb, qlamur və incə pozğunluq diktaturasına tabe olan bir dünya haqqında paradoksal, istehzalı bir mətn, bir də Turgeniyevsayağı və Beqbedersayağı məhəbbət haqqında bir xatirədir.
Səhifə sayı - 240
9789952265019
Cild - Yumşaq

99 frank - Frederik Beqbeder - SizinKitab

Kitab haqqında

"99 frank” romanı reklam biznesinə acı satiradan ibarətdir. Reklam ticarətin, iqtisadiyyatın, istehlakın təkanverici qüvvəsidir. Bu qüvvənin məqsədi sizi ehtiyacınız olmayan, amma dəbdə olan şeylərin arzusuna salmaqdır. Ən əsası, minlərlə mənfəətpərəst insanları yalnız bir məqsəd – bu məhsulu sizə satmaq birləşdirir.
Oktav məhşur reklam agentliklərinin birində mətn yazarı işləyir və dediyi kimi, dünyanı zibilləməklə məşğuldur. O, dünyanı yaradıcı şəkildə, zövqlə, böyük ustalıqla zibilləyir. Onun həyatı reklam yaradıcılığından, qlamurdan, kokain və qadınlardan ibarətdir. Onun gəliri istənilən şəxsin ən böyük arzusudur. Belə olan tərzdə həyatdan başqa nə istəyəsən? Bəs əsərin baş qəhrəmanı özünü xoşbəxt hiss edirmi?
Şübhəsiz ki, “99 frank” romanı Frederik Beqbederin ən yaxşı romanlarından biridir. Əsər avtobioqrafik xarakter daşıyır, 2000-ci ildə kitab ilk dəfə işıq üzü görmüş və yazıçının işlədiyi məhşur reklam agentliyindən qovulması ilə nəticələnmişdi.

Tərcüməçi - Çimnaz Vəliyeva
9789952265057
Səhifə sayı - 308

Cəmilə - Orxan Kamal - SizinKitab

Kitab haqqında

Romandakı hadisələr 1934-cü il Adanasında yoxsul bir işçi məhəlləsində baş verir. Bu insanlar acından ölməmək üçün toxuculuq fabrikində ağır şərtlər altında işləməyə məcburdurlar. Cəmilə ağıllı, gözəlliyi ilə hamını heyran qoyan bir qızdı, qardaşıyla birlikdə bu fabrikdə çalışır. Ağır əmək Cəmiləgilin məhəlləsindəki insanların həyat eşqini zərrəcə azaltmır, onlar sevinclərini, kədərlərini birlikdə bölüşürlər.
Fabrik sahibi və onun adamlarının hiyləsinə aldanan işçilər üsyana qalxırlar.
Maraqlı hadisələr fonunda yazıçı Cəmilə ilə Katib Necatinin eşq hekayəsini şirin dillə təsvir edir.
Tərcüməçi - Nizami Zöhrabi
9789952269413
Səhifə sayı - 200

Qiyamət - Çingiz Aytmatov - SizinKitab

Kitab haqqında

Çingiz Aytmatov qəhrəmanlarının hər biri öz qəlbində Təbiətin bir parçasını yaşatmağa məhkumdur. Ədib «Qiyamət» adlı romanında daha irəli gedir və öz oxucusunu inandırır ki, Yer üzünün harasında olur olsun, bəşər övladının başına gələn bəlaların əsas səbəbi – elə insanın özü olmaqla yanaşı, onun Təbiətdən qoparılmağı, öz xoşuna, ya zor gücünə Təbiətdən ayrı düşməyidir…
Baxış sayı - 1524
Yumşaq
Endirim faizi - 30 %

Yeni Qahirə- Nəcib Məhfuz - SizinKitab

Kitab haqqında

Nəcib Məhfuzun “Qahirə romanları” silsiləsinə daxil olan “Yeni Qahirə” romanı təhsili yenicə başa vurmuş, gələcəyə ümid və həyacanla baxan dörd gəncin hekayəsidir. Dördü də istedadlıdır. Dördü də cəmiyyətin “orta təbəqəsi”-nə aiddir. Universiteti bitirən gənclər acı bir həqiqətlə üzləşirlər – nazirlikdə onların bilik və istedad baxımından layiq olduğu yerlər artıq tutulmuşdur… nazirin qohumları tərəfindən.
Roman Misirdə gedən sosial-iqtisadi dəyişiklikləri, şəhərin yenidən tikilib dəyişilməsini deyil, yeni nəslin, yeni ictimai-fəlsəfi baxışların yaranmasını əks etdirir. Romanın baş qəhrəmanı Məhcub əl-Daim oxucu qarşısında heç bir mənəvi dəyərləri olmayan və yalnız özünü düşünən xudbin bir obraz kimi dayanır. Məhfuzaqədərki Misir nəsrində heç vaxt hamı tərəfindən qəbul olunmuş dəyərləri Məhcub qədər ələ salan, təhqir edən bir obraz olmamışdır. Özünə rəhbər tutduğu şüar isə onun əsl kimliyini göstərir: din+elm+fəlsəfə+mənəviyyat=cəfəngiyat! Müəllif romanda iblis libası geyinmiş Məhcub, onun sevdiyi qadın və mənəviyyatsız nazirlə yanaşı, Məmun Ridvan, Əli Taha, Əhməd Bədir kimi qəhrəmanları da verməklə cəmiyyətin, bəşəriyyətin, insani dəyərlərin hələ də məhv olmadığını göstərir.
Səhifə sayı - 248
9789952268041
Cild - Yumşaq

Məhəbbət üç il yaşayır - Frederik Beqbeder - SizinKitab

Kitab haqqında

Romanın baş qəhrəmanı kübar həyatdan yazan jurnalist Mark Marronyedir. O əmindir ki, məhəbbət üç il yaşayır: əvvəl insanlar bir-birini ehtirasla, sonra incə və dostcasına sevirlər- və nəhayət bir-birinə darıxdırıcı olurlar. Romanın birinci hissəsində təsvir olunan belə baxışların səbəbi ondan qaynaqlanır ki, görünür Mark heç zaman üç ildən artıq sevməmişdir.
O, çox gözəl bir qız olan Anna ilə evlənir, lakin birgə həyatlarının üçüncü ilində Anna az qala ikrah hissi oyatmağa başlayır, o isə başqa bir qadına – Alisaya dəlicəsinə vurulur. Alisa da onu sevir, lakin başqası ilə yaşadığına görə Markla gizlində görüşür. O isə, öz növ­bəsində, tamamilə əmindir ki, məhəbbət üç ildən sonra bitəcək və ayrı­lacaqlar. Romanın sonunda baş qəhrəman yazır ki, Alisa ilə artıq üç ildir ki birlikdədirlər və o, birgə həyatlarının üçilliyini qorxu içində gözləsə də, məhəbbət əvvəlki kimi yaşayır.

Baxış sayı - 1290
9789952266436
Endirim faizi - 30 %

Soyuq qəhvə - Əhməd Batman - SizinKitab

Kitab haqqında

Gözlərin içimi isidəndə, küləyin qəhvəmi soyutması arzusuyla…
Dünyanın ən yaxşı insanı sən deyilsən, ən yaxşı sən olsan da, fərqi yoxdur, ölümsüz deyilsən. Hamımız bir az əskikik. Kimdən nə qədər əskik olduğumuz, nəyə nə qədər gecikdiyimiz məlum deyil. Məlum olan bir şey var ki, hamımız ölməzdən qabaq başımızı qatırıq. Həyat kaset kimidir, başa yığırıq, çətinliyə düşən kimi gizlənirik.
Başımızı qatanda kitabların qəhvəni soyutması və öz cümlə­lərini cibinə qoymağın arzusuyla, yaxşı yol…
Səhifə sayı - 240
9789952362978
Cild - Yumşaq