Osmanlılar Avropada ayaq basdıqları son sərhədin Vyana olmasına baxmayaraq, Asiya, Afrika və Avropa qitəsində hüdudu 20 milyon kvadrat kilometri keçən böyük bir mülkün sahibi olmuşdular. 600 ildən çox çəkən hakimiyyətləri dünya tarixinin əhəmiyyətli səhifələri olaraq yaddaşlara həkk olunub. Bu zaman çərçivəsində eyni sülalədən olan 36 padşah hökm sürüb. Yaradıcısı Sultan Osman Qazidən sonuncu padşah VI Məhməd Vəhdəddinə qədər kimisi cəmi 97 gün, kimisi də uzun zaman – 46 il hakimiyyətdə qalmış bu sultanların tarixi sözün həqiqi mənasında çox maraqlı və bir o qədər də ibrətvericidir. “Osmanlı Sultanları” adlı bu araşdırma Anadolu Səlcuqlu sultanlarının tarixindən bəhs edən “Anadolu Səlcuqlu Sultanları” adlı kitabın davamı sayıla bilər. Səhifə sayı - 352 ISBN 978-9952-38-005-7 Cild - Yumşaq
