Səbət
“1984” romanı dünya ədəbiyyatının ən çox tərcümə olunan və ən çox oxunan əsərlərindən biridir. 100-ə yaxın dilə çevrilmiş bu romanda totalitarizmin dəhşətləri və diktaturanın insan həyatını məhv edən qansızlıqları böyük ustalıqla təsvir olunub. Əsəri oxuyan hər kəs onun ilk cümləsindən sonuncusunadək gərginlik içində qalır və kitabı əlindən yerə qoymaq istəmir. İnsanı tilsimləyən səbəblərdən biri də odur ki, 73 il əvvəl yazılan əsəri oxuduqca müasir dünyanın ayrı-ayrı guşələrində hələ də bu məşhur antiutopiya romanında təsvir edilmiş cəmiyyətə oxşayan quruluşların olduğunu görürük. Müəllifin təqdim etdiyi cəmiyyətin əsas şüarları bunlardır:
Müharibə – sülhdür!
Azadlıq – köləlikdir!
Cəhalət – qüvvədir!
Yalan – həqiqətdir!
Məhəbbət – ölümdür!
Bəs “qaranlığın olmadığı yerdə” görüşməyə ümid edən, daha işıqlı gələcəyin mövcudluğuna inanan Uinston Smit və onun sevgilisi Culiya bu istəklərinə çatacaqmı? Daim onlara “baxan” Böyük Qardaşın baxışlarından gizlənə, onları fasiləsiz izləyən teleekrandan yayına, tiranın həmişə başlarının üstündə olan dəmir pəncəsindən qurtula biləcəklərmi?...
Azərbaycan dilində
372 səhifə
Ölçü: 130x198 mm
Yumşaq üz qabığı