Eston yazıçısı və ictimai xadimi Kersti Kivirüütün “Küləklər şəhəri” romanı sovet hakimiyyətinin qurulması ərəfəsində Azərbaycanda baş verən hadisələrdən və o dövrdə Bakıda yaşayan əcnəbilərin həyatından, onların xüsusi maraqlarından bəhs edir. Yarımçıq qalmış işlərini həyata keçirmək üçün sonrakı illərdə yenidən Bakıya can atan insanlar burada öz cənnətlərini axtarıb tapmağa çalışırlar. Əsər Azərbaycanın müasir dövr tarixinin müəyyən taleyüklü məqamlarına da işıq tutur. Macəra və detektiv janrında yazılmış romanın süjeti dramatik hadisələr üzərində qurulub. Bununla yanaşı, əsərdə azərbaycanlı idmançı Rüfətlə eston qızı Anneliisin sevgi hekayəsinə də geniş yer verilib.