Xüsusi polis agenti Qay Rolandı illər öncə yoxa çıxmış, tanımadığı bir adamın axtarışına çıxmağa kim vadar edir? Uzun illər məruz qaldığı amneziya ­xəstəliyimi?
Axtarış boyunca bu şəxs haqqında ətraflı məlumat toplayır. Bəlkə də, bu şəxs elə onun özüdür. Əvvəlki adı Pedro Mkevoy olan bu şəxsin gənclik illərinin Deniz Kudrez, Freddi Hovard de Luz, Qay Orlou, Dede Vildmer, Skuffi, Rubiroza, Sonaşitze kimi tanışları da, onun öyrənmək istədiklərinin şahididirlər

İblislərin ənənələri - Çingiz Abdullayev - SizinKitab

İraqda vacib danışıqlar aparan Rusiya nümayəndə he­yətinin rəhbəri Fərhad Seyidov xəbər tutur ki, ondan İsrail kəşfiyyatı gizlicə istifadə edir. Gözlənilir ki, ələkeçməz terrorçu əl-Rəşidi onunla görüşmək istəyəcək. Fərhadın üzüyünə montaj edilmiş radiomayakın siqnalı nəticəsində buraxılmış raket təhlükəli terrorçunu məhv edəcək. Bu zaman Seyidovun özü də öləcək, amma bu, mürəkkəb əməliyyatın qüsurlarıdır. Bu cür variant nə Seyidovu, nə də onun köməkçisi olan Xarici Kəşfiyyat Xidmətinin zabiti Alyona Sizıxı qane edir. Onlar özlərini bu çirkin oyundan kənarlaşdırmaq üçün əllərindən gələni edirlər. İsraillilərin Rusiya nümayəndə heyətinin tərkibinə daxil edilən casusu isə əməliyyatın uğurla nəticələnməsi üçün əlindən gələni edir. Bu məsələyə əl-Rəşidi müdaxilə edəndən sonra vəziyyət gözlənilmədən dəyişir. 

Saturnun tövbəsi - Çingiz Abdullayev - SizinKitab

Çingiz Abdullayevin “Mənim gözəl alibim” və “Üçüncü variant” kitablarının qəhrəmanı Solaxay ləqəbli killerin mifologiyanın qəhrəmanı Saturna nə kimi bənzəri ola bilər?

Nə vaxtsa o, Rusiyanın ən yaxşı killeri olmuşdur. İndi isə dövran dəyişib. Heç kimin ağlına gəlməz ki, etibarlı, nüfuzlu amerikalı maskası altında “istefaya çıxmış” və keçmişi unutmağa qərar vermiş cinayətin superpeşəkarı gizlənir. Lakin bəzən UNUTMAQ ÇOX ÇƏTİNDİR. Bəzən keçmiş QAYIDIR. Və killer heç gözləmədiyi bir zamanda YENİ “SİFARİŞ” alaraq yenidən oyuna girməyə məcbur olur. Oyuna girir, lakin bu oyunda o, yalnız ovçu deyil, həm də qurbandır. Tapşırığı yerinə yetirdikdən sonra onu aradan götürmək üçün kiminsə gəldiyini hələ başa düşmədən… Kiminsə – çox yaxın birinin… Həddən artıq bir yaxınının…

Bankir, iri və zahirən kifayət qədər uğurlu şirkətin rəhbəri öldürülüb. Bu cürətli cinayətin arxasında kim dayanıb? Rəqiblər? Ola bilər. Yaxud… yaxud? Yaxud qətlin mənbəyi Vətəndaş müharibəsi alovu ilə yanan Qafqazda gizlənib? İki eyni əhəmiyyətli, həqiqətə uyğun versiya. Amma onlardan hansı həqiqidir? Yeni işə başlamış “xüsusi agent” Dronqo elə məhz bunu öyrənməlidir…

Mario Puzonun 1969-cu ildə çap olun­muş “Xaç atası” ro­ma­nı onu bütün dünyada məşhurlaşdırdı. Əslən si­ci­liyalı olan Vito Kor­leo­ne klanı haq­qın­da ya­zılmış bu roman in­­di­yə kimi də mafiya haq­qın­da ən yaxşı əsər sayı­lır. Onun ba­laca oğlu Maykl pro­fes­sor olmaq istəyir, lakin şərait elə gətirir ki, atasının varisi olur…

Gözəl mənzərələri və münbit torpaqları olan Siciliya fəlakətlər girdabında boğulur. Mafiya, kilsə, kommunizm – nəyin bahasına olursa olsun hakimiyyəti ələ keçirmək uğrunda qanlı mübarizə aparır. Sadə insanlarsa yaşamaq uğrunda mübarizəyə qalxıb. Siciliyalıların qəzəbi, yoxsulluğu, eyni zamanda məğrurluğu və ailə dəyərləri, yoxsa mafiyanın qanunları üstün gələcək? Baş qəhrəman, siciliyalı Robin Hud, Gilyano sadə xalqın yeganə ümid yeridir! Doğma vətənlərini sevən, amma vətənin naz-nemətindən məhrum olan insanların pənahıdır! 20 yaşlı gənc Salvatore Gilyano xalqın qanını soran hər kəsə – mafiyaya, korrupsioner hökumətə, saxtakar kilsəyə qarşı mübarizəyə qalxıb. Amma bu mübarizədən kim qalib çıxacaq?

“Siciliyalı” romanı dostluq və ədavət, sevgi və nifrət, “susmaq” və “qisas almaq” haqqında kitabdır.

Bank kassirini güllələyən adam CCTV-də (nəzarət videomüşahidə sistemi) qeydə alınıb. Harri istintaqa başlayır, lakin köhnə tanışı olan qızla axşam yeməyindən sonra, ən azı son 12 saatı xatırlaya bilməyəcək vəziyyətdə yuxudan oyanır. Sonra qız yatağında ölü ölü olaraq tapılır. Harri hədələyici e-maillər almağa başlayır: doğrudanmı kimsə onu qızın ölümü ilə hədələməyə çalışır?

Harri Hole Rakellə bağlı kədərini azaltmaq üçün bütün diqqətini işinə yönəldib. O, indi tamamilə tənhadır – həmkarları onu sevmir, köhnə rəis gedib, təzəsi isə intizamı hər şeydən üstün tutur. Harri bu məsələdə gücsüz olsa da, qətlləri əla araşdırır. Osloda beynəlxalq killer peyda olur, xeyriyyə konsertində Qurtuluş Ordusunun əsgəri güllələnir… Ağlagəlməz dərəcədə dolaşıq cinayəti araşdırmaq və özünəməxsus şəkildə ədaləti bərpa etmək üçün Harri çoxsaylı məşum sirləri açmalıdır.

Osloda sammit zamanı güllə ilə vurulan amerikalı xüsusi agentlə bağlı qalmaqalı ört-basdır etmək üçün polis müstəntiqi Harri Holeni Təhlükəsizlik Xidmətinə keçirirlər. Hole orada gizli silah ticarətçiləri ilə neonasistlər qrupu arasında əlaqəni üzə çıxartmalıdır. Harri olduqca şübhəli bir əlaqənin izinə düşür: Osloda kimsə çox böyük pul ödəyərək xaricdən qaçaqmalçılıq yolu ilə optik nişangahlı killer tüfəngi almışdır. Fövqəladə intuisiyaya və məntiqə sahib olan Harrinin həmkarı Ellen Yeltenin cinayətin izinə düşməsi ona həyatı bahasına başa gəlir, lakin inspektor Harri Hole təhqiqatı davam etdirir.

Gənc qadın Oslodakı mənzilində qətlə yetirildikdə və onun göz qapaqları altında beş guşəli ulduz şəklində qırmızı brilyiant aşkar edildikdə, Harri köhnə düşməni Tom Völerlə birlikdə istintaqı aparmağa təyin olundu. Osloda seriya qətillər törədən qrup müəyyən olunduqda, Harri özünü əyyaş etinasızlığından qurtarmağa məcbur oldu.
Sakit və mürgülü Norveçdə seriya qatil mövzusunda material tapmaq demək olar ki, mümkün olmadığı halda, Yu Nesbö həyəcan və təşviş doğuran bir roman yaratmışdır. Detektivin üç baş qəhrəmanının qarşıdurması əla qurulub: öz şəxsi və psixoloji problemlərini anlamağa çalışan yüksək intellektual müstəntiq- Norveç polisinin fəxri olan polis inspektoru və hər beş gündən bir gözəl qadını qətl edən və “niyə” sualına heç bir cavab verməyən manyak. Süjetin sonu gedişatından da gözlənilməz olur və daha ciddi sirrləri ortaya qoyur.

Harvardın görkəmli simvoloqisti Robert Lenqdon xəstəxanada ayılanda bu sözlər qulaqlarında səslənirdi. Harada olduğunu, bura necə gəldiyini anlamırdı. Şeylərinin arasından çıxan qəribə əşyanın da bura necə düşdüyündən xəbəri yox idi.

Ölümlə hədələnən Lenqdon gənc həkim Sienna Bruksla Florensiya şəhərində təhlükəli təqiblərə məruz qalır. Yalnız Lenqdonun tarixin gizli keçidləri və qədim sirlərdən xəbərdar olması onları naməlum təqibçilərin pəncəsindən qurtara bilər.

Dantenin sirli və möhtəşəm şah əsəri olan “İlahi komediya”dan bir neçə sətir onlara renessans dövrünün məşhur abidələri, rəsmləri və tikililərində gizlənmiş kodlar zəncirini aça bilmək üçün yol göstərəcəkdir. Bu tapmacanın cavabları ilə onlar bəlkə dünyanı dəhşətli təhlükədən xilas edə bilərlər.

Dünya klassik ədəbiyyatının ən əzəmətli əsərlərindən sayılan Cəhənnəm-dən qaynaqlanaraq yazılan bu kitab Den Braunun ən mükəmməl romanı hesab edilir. Misilsiz məzmunu kitabın ilk səhifəsini açdığınız andan onu bağlayanadək sizi ondan ayrılmağa qoymayacaqdır.

Pola Hokinsin “Qatarda qız” kitabı sirlərlə dolu bir detektivdir, lakin bununla belə, onu psixoloji triller də adlandırmaq olar. Burada personajlar çoxdur və hər birinin də öz sirləri və günahları var.
Əsərin baş qəhrəmanı Reyçelin xeyli ağır bir taleyi var. Onun həyatında hər şey uçuruma yuvarlanmış kimidir. O ərindən ayrılmış, işini itirmiş və içkiyə aludə olmuşdur. Hər gün səhərlər özünü içkiylə ovundurur. Onun bir əyləncəsi var – qatarla Londona gedib, orada, sadəcə, veyillənmək. Qonşuları isə düşünür ki, onun işləri qaydasındadır və o hər gün işə gedir.
Qatarla gedərkən o, yeni evliliklə xoşbəxt olan keçmiş ərinin evini müşahidə edir. Amma qonşu ev də onun diq¬qətini çəkir, Reyçel hesab edir ki, orada ideal bir ailə yaşayır. O, hətta öz qəhrəmanlarına adlar da uydurub – Ceyson və Cess. Onların həyatı bizim baş qəhrəmanın istədiyi bir arzu, xəyaldır.
Lakin günlərin birində hər şey dəyişildi. Reyçel qatardan gördü ki, Cess tanış olmayan bir kişi ilə evin bağçasında öpüşür və ertəsi gün qız yoxa çıxır, bu barədə bütün qəzetlər yazırlar. Reyçel də həmin ərazidə baş vermiş bir hadisənin şahid olur.

Hələ dünən Treysi xoşbəxt bir gəlin idi və övladını sevən ana olmağa hazırlaşırdı. Lakin öz yaxınlarının satqınlığı onun həyatını kökündən dəyişdirdi.

Bu gün o, ən çətin oğurluqlar üzrə ixtisaslaşmış oğrudur.

O, həyatını qıranlardan, hakimiyyət və var-dövləti olanlardan qisas alır.

Lakin – yeni təhlükəli oyunda o qurban ­deyilmi?

Tanınmış iş adamı Paşkov köhnə Yeni ili keçirmək məqsədilə şəhərdən kənar bağ evində qonaqlarını yığır – demək olar ki, yalnız yaxın adamlarını. Amma ziyafət başlanmadan əvvəl onu öz otağında bıçaqla qətlə yetirilmiş vəziyyətdə tapırlar. Ən əlverişlisi təsadüfi qətldən şübhələnməkdir – içəri girən oğruya maneə törədən Paşkov onun tərəfindən bıçaqlanır və cani qaçıb gedir. Lakin bu işin araşdırılması məşhur mütəxəssis Dronqoya həvalə olunur və o aydınlaşdırır ki, həmin gecə bağ evində yığışan "qatı dostlar" kimi adlandığımız insanlar olub –sən demə onları bir-birilərindən olduqca çox köhnə ədavətlər ayırırmış. Bu isə o deməkdir iş belə tezliklə bağlanmayacaq…