Eleanor Olifant çox yaxşıdır - Gail Honeyman - SizinKitab

Kitab haqqında

“Eleanor Olifant çox yaxşıdır” kitabı son illərin ən yaxşı romanlarından biri hesab olunur.
Eleanor Olifantın həyatında, doğrudan da, hər şey qaydasındadır: o, mühasib işləyir, bazar günləri içki içir, çərşənbə günləri isə uzaqlarda yaşayan anasına zəng edir. Günlərin birində konsertə yollanan Eleanor gözəl geyimli, yaraşıqlı bir musiqiçiyə vurulur və bundan sonrakı həyatını öz təsəvvüründə dəyişir.
Əslində isə o, keçmişi unutmağa, kədərin və yuxusuzluğun öhdəsindən spirtli içki içərək gəlməyə çalışır.
Sosial həyata adaptasiya ola bilməyən Eleanor Olifantın incə yumorla nəql edilən həyatı tədricən uşaqlıq travması, sevgi və tənhalıq haqqında kədərli və təsirli hekayətə çevrilir – heç bir oxucunun laqeyd qala bilməyəcəyi bir hekayətə...
Səhifə sayı - 464
ISBN 978-9952-38-052-1
Cild - Yumşaq

Saxta - Ece Erdoğuş - SizinKitab

Kitab haqqında

Oxuyacaqlarınız tamamilə xəyal məhsuludur. Onların reallıqla əlaqəsini yalnız həyatımızda baş verən qəribə təsadüflərin mövcudluğu ilə əlaqələndirmək olar. Bundan əlavə, bəzi filmlərdən, romanlardan və mahnı sözlərindən də yenə eyni təsadüflər nəticəsində təsirləndiyimi söyləməkdən çəkinmirəm. Bunlardan ilk ağlıma gələnlər Zinqo Kosoviçin “Həyat Yoldur”, Sabrina Albinin “Zamanın Mənasını Yaratma Metodları”, Marvell Josettinin “Təbiət-Tanrı” kitabları, Kenni Beacenin “Heç nə ola bilməmək” və “Tarixdən qurtulanlar?” filmləri, “İronik Melodiyalar” qrupunun “A Lost Man on Earth” (Yer üzündə itirilmiş bir insan) albomudur. Başqalarını tapmağı isə sizə tapşırıram.
Səhifə sayı - 144
ISBN 978-9952-36-996-0
Cild - Yumşaq

Səndən sonra - Jojo Moyes - SizinKitab

Kitab haqqında

Kitab 27 yaşlı Luiza Klarkın həyatından, sevdiyi insana sədaqətindən bəhs edir. O, qəza nəticəsində iflic olmuş imkanlı bir oğlana – Bil Treynora qulluq edir. Yəni işinin adı xəstə baxıcısıdır. Ona qulluq etdiyi müddətdə aralarında sevgi yaranır. Oğlan ağrılara dözə bilməyib intihar edir. Bundan sonra Luiza onu unutmağa çalışsa da bacarmır. Xarici ölkələrə səyahət edir, müxtəlif adamlarla tanış olur, ancaq onu unuda bilmir, vətəninə qayıdır. Doğma şəhərindən aralıda yerləşən Londonda, bir barda iş tapır. Sevdiyi oğlan ona pul qoyub gedir, həmin pulla ev alır. Bir gün fikirli halda yaşadığı binanın damına çıxarkən səs eşidib diksinir, ayağı sürüşüb damdan yıxılır, sağ qalır. Luiza dama çıxanda onu qorxudan səsin sahibi Lili Houqton-Millerdir – Bilin qızı. O, ölənəcən qızının varlığından xəbər tutmayıb. Universitet illərində sevdiyi qız ondan hamilə qalır, ancaq münasibətləri pozulduğundan bunu gizlədir. 16 yaşlı Lili atasının kim olduğunu, intihar etdiyini, ona qulluq edən qızın adını internetdən öyrənir, axtarıb Luizanı tapır. Anası onu başa düşmədiyinə görə o, evdən qaçır, Luiza ilə birgə yaşayır. Bir gün Luizanın da evindən qaçır… Luizanın çətin günləri başlayır… Çətinliklə də olsa, Lilini tapır. Lili səhvlərini başa düşür. Luiza yenə də sevir. Sem adlı bir həkimi. O həkim ki, Luiza damdan yıxılanda onu təcili yardım maşınında xəstəxanaya çatdırmışdı… Əsər xoş sonluqla bitir. Bilin vəkili Luizaya Amerikada yaxşı iş tapır. Luiza Amerikaya işləməyə gedir, ancaq bilir ki, onu Londonda sevdiyi insan gözləyir. Əsər yeniyetmələr üçün daha maraqlı ola bilər.
Səhifə sayı - 480
9789952362107
Cild - Qalın

Qulluqçu - Ketrin Stokett - SizinKitab

Kitab haqqında

Kitab irqi ayrı-seçkiliyin yaratdığı mənəvi problemlərdən, onun insan talelərinə təsirindən bəhs edir.
Gənc qız Skiter universiteti bitirib doğma Ceksona qayıdır. O, yazıçı olmağı arzulayır. Amma yaşadığı şəhərdə onun kimi ədəbli qızların əsas vəzifəsi ərə gedib evin qayğısını çəkməkdir. Skiter isə axınla üzmək fikrində deyil.
Qaradərili qadın Eybilin ömrü boyu ağların evində xidmətçi olub, 17 uşağa dayəlik edib. Yeganə oğlunu itirmiş qadın artıq həyatdan heç nə gözləmir. Amma Eybilinin ağdərili ev sahiblərinin görə bilmədiyi bir dünyası var və özü də fərqinə varmadan bu dünyanın xəyal dənizində üzür.
Minni onun rəfiqəsidir. Eybilindən fərqli olaraq, onun sərt xarakteri və acı dili var, bu səbəbdən qulluqçuluq etdiyi evlərdə başı çox bəlalar çəkib. Ağdərili xanımları təkəbbürlü davranışına, onların qaradərililəri alçaltmasına tab gətirə bilməyən Minni gizli-gizli övladlarının başqa bir dünyada yaşamasını arzulayır.
İki qaradərili qulluqçunu və ağdərili gənc qızı haqsızlığa qarşı duyduğu hisslər birləşdirir. Həmin dövrdə çox riskli olan bu mübarizədə onları nələr gözləyir? Üç qadın bütün dünyaya qarşı çıxa biləcəkmi?

Səhifə sayı - 560
ISBN 978-9952-38-038-5
Cild - Yumşaq

Brida - Paulo Coelho - SizinKitab

Kitab haqqında

Kitab Ay Ənənəsini öyrənmək istəyən gənc irlandiyalı xanım Brida O’Fernin gerçək və qəribə həyat hekayəsidir. Romanın əsasında Koelyonun öz axtarışları ‒ həyatda özünü, öz məqsədini axtarmaq ideyası durur. Yazıçı öz qəhrəmanlarının dili ilə inam və din, cadugərlik və magiya haqqında fikirlərini bildirir, bunları ehtiraslı sevgi söhbətləri ilə oxucuya təqdim edir. Sadə və canlı bir dildə yazılmış bu əsərdə cadugərlik insan qəlbinin dili ilə danışır.
Səhifə sayı - 240
ISBN 978-9952-36-974-8
Cild - Yumşaq

Gözlərindəki sirr - Eduardo Sacheri - SizinKitab

Kitab haqqında

Zorlanaraq öldürülmüş 23 yaşlı qadının qətli, bu cinayət hadisəsinə səbəb olan məqamlar gənc məhkəmə işçisini sarsıdır və illər sonra o bu haqda kitab yazmaq qərarına gəlir.
Bu ancaq Latın Amerikasında baş verə biləcək bir ehtirasın tarixçəsidir: bir kişi sevgisini necə ifadə edir? Biri susur, digəri evlənir, üçüncü isə öldürür... Bu hadisə cinayət yerinə tədqiqat üçün çağırılan məhkəmə işçisinin həyatını büsbütün dəyişir. Və dəyişən yalnız onun həyatı deyil...
Qeyd edək ki, roman əsasında çəkilmiş eyniadlı film 2010-cu ildə nüfuzlu “Oscar” mükafatına layiq görülüb.
Səhifə sayı - 304
ISBN 978-9952-36-591-7
Cild - Yumşaq

Övladlarım - Güzəl Yaxina - SizinKitab

Kitab haqqında

“Övladlarım” müasir dövr Rusiya ədəbiyyatı tarixinin ən parlaq debütantı, “Züleyxa gözlərini açır” bestsellerinə görə “Böyük kitab” və “Yasnaya Polyana” mükafatlarının laureatı olmuş Güzəl Yaxinanın yeni romanıdır.
Volqaboyu, 1920-1930-cu illər. Qnadental koloniyasında müəllimlik edən əslən rusiyalı alman Yakob Bax çoxdandır dünyadan qoparaq, ucqar bir qəsəbədə sevdiyi qadından ona yadigar qalmış qızı Ançeni böyütməklə yanaşı, möcüzəvi və eyni zamanda faciəvi surətdə reallığa çevrilən nağıllar yazır.
Səhifə sayı - 480
AB 022051 / İN 0457
Cild - Yumşaq

Daş evlər - Seyran Səxavət - SizinKitab

Kitab haqqında

Oxucu “Daş evlər” romanında müxtəlif taleli insanlarla – müharibə veteranı Fərhad kişi, tələbə Akif, evdar qadın Zəkiyyə xala, taksi sürücüsü Əhməd, professor Əsgərzadə, tələbə qız Reyhan kimi maraqlı surətlərlə rastlaşır. Yazıçı onların qaynar həyatını maraqla təsvir edir.
Səhifə sayı - 512
AB 022051 / İN 0536
Cild - Yumşaq

Güllələr demədi - İsa İsmayılzadə - SizinKitab

Kitab haqqında

Kitabda 60-cı illər ədəbi nəslinə mənsub olan şair və publisist İsa İsmayılzadənin seçmə şeirləri toplanıb.
Şair İsa İsmayılzadə dünyaya hamı kimi gəlsə də, hamı kimi yaşamadı. Uzun ömür yaşamasa da, uzunömürlü əsərlər qoyub getdi. Şeirləri kimi Vətən üçün darıxan şair ömür adlı yolun yarısında çox sevdiyi, hüsnünə poetik libas biçdiyi doğma yurduna döndü... Dünyaya yenidən qayıtmaq üçün...
Səhifə sayı - 128
AB 022051 / İN 0558
Cild - Yumşaq

Qara kitab - Orhan Pamuk - SizinKitab

Kitab haqqında

“Qara kitab” romanı ədəbiyyat üzrə Nobel mükafatı laureatı Orhan Pamukun şah əsəridir...
Qalib uşaqlıq sevgisi, dostu, əmisi qızı, sevgilisi və itkin arvadı Röyanı qarlı bir qış günü İstanbulda axtarmağa başlayır. Uşaqlıq illərindən bəri yazılarını heyranlıqla oxuduğu yaxın qohumu, qəzetdə işləyən Cəlalın köşə yazıları bu axtarışda ona işarələr verəcək, yoldaşlıq edəcəkdir.
Oxucu bir yandan hər bacası, hər küçəsi, hər adamı başqa sirli aləmin əlamətlərinə çevrilən İstanbulda Qalibin axtarışlarını, rast gəldiyi adamları təqib edərkən, bir yandan da bu araşdırmaları ayrı-ayrı əlamətlərlə, qəribə əhvalatlarla tamamlayan Cəlalın köşə yazıları ilə qarşılaşır...
Səhifə sayı - 496
978-9952-26-397-8
Cild - Yumşaq

Sənə yazmadım, səni yazdım - Dilşad Talıbova - SizinKitab

Kitab haqqında

Əsərdə başqa-başqa dünyalardan olan fərqli siniflərə məxsus iki gəncin sevgi hekayəsindən bəhs olunur. Məhəbbət, dost itkisi, ailə, ayrılıq acısı, mənəvi sarsıntılar, peşmanlıq, müharibənin gətirdiyi müsibətlər, nəhayət, bağışlaya bilməməklə bağlı bütün duyğularınızı yerindən oynadıb dərin düşüncələrə daldıracaq bir roman. Ona ən yaxın olan insanlar arasında seçim etmək məcburiyyətində qalacaq Səmranın seçimi həyati seçimdir – valideynləri, yoxsa sevdiyi oğlan...Ümumiyyətlə, sevgiyə ikinci şans vermək olarmı? Arzularını darmadağın, xəyallarını alt-üst edən, peşman edən sevgiyə... Bağışlamaq olarmı bu sevgini? Yoxsa bağışlamayıb bir ömür itmiş xoşbəxtliyinin ağrısını çəkməyə məhkum olmaq? Əslində bağışlayacağın bu sevgi sənin ən ülvi arzundursa, bağışlamaq gərəkmirmi?!
Səhifə sayı - 192
2001378494635
Cild - Yumşaq

Çünki səni sevirəm - Guillaume Musso - SizinKitab

Kitab haqqında

Beş yaşlı Layla Los-Ancelesdəki ticarət mərkəzlə­rinin birində yoxa çıxır. Düz beş il sonra Layla müəm­­malı şəkildə itdiyi yerdəcə tapılır. Qızcığaz hə­yatdadır, sağlamdır, lakin danışmır.
Uşaqlarına yenidən qovuşmanın sevincini yaşayan valideynlərin beynində bir sıra cavabsız suallar dolaşır: bu beş il ərzində Layla harada idi, kiminlə idi və ən başlıcası necə oldu ki, qayıtdı və yaxud onu kim, nə səbəbə qaytardı?
Səhifə sayı - 336
AB 022051 / İN 0485
Cild - Yumşaq

Qumluqdakı qadın - Kobo Abe - SizinKitab

Kitab haqqında

Yapon ədəbiyyatının ən böyük söz ustalarından biri olan Kobo Abenin “Qumluqdakı qadın” romanının bütün dövrlərin 100 ən yaxşı əsəri siyahısına daxil edilməsi təsadüfi deyil. Mental və cismani qütblərin münaqişəsi üzərində qurulmuş, həşərat kolleksiyası toplayan kişinin və qumluqdakı kiçik kənddə tənha yaşayan qadının kədərli tarixçəsi olan əsər oxucu qəlbinin dərinliklərinə sirayət edir, son cümlələrinədək intizarda saxlayır.
Səhifə sayı - 208
AB 022051 / İN 0533
Cild - Yumşaq

Paskual Duartenin ailəsi - Kamilo Xose Sela - SizinKitab

Kitab haqqında

Nobel mükafatı laureatı, dünya şöhrətli ispan yazıçısı Kamilo Xose Selanın “Paskual Duartenin ailəsi” romanında sərt gerçəkliklə üzləşən “kiçik adamın” faciəsi təsvir edilib. Roman İspaniyada qadağan olunduğundan, ilk dəfə Argentinada nəşr edilib və müəllifə böyük şöhrət qazandırıb. Bu əsər ayrı-ayrı ölkələrdə yüz otuz dəfə nəşr olunub və bu günə qədər də İspaniyada müxtəlif dillərə tərcümə edilən kitabların siyahısında birincidir.
Səhifə sayı - 128
AB 022051 / İN 0509
Cild - Yumşaq

İki ölü üçün mazurka - Kamilo Xose Sela - SizinKitab

Kitab haqqında

“İki ölü üçün mazurka” romanında ucqar qalisiya əyalətində cərəyan edən hadisələr oxuculara kitabdakı çoxsaylı personajların xatirələri və söhbətləri vasitəsilə çatdırılır. İki yerli sakinin qətli və qatildən intiqam almağa can atan insanların duyğu və düşüncələri romanın əsas süjet xəttini təşkil edir.
Səhifə sayı - 256
AB 022051 / İN 0508
Cild - Yumşaq

Mən yoxam - Qurban Yaquboğlu - SizinKitab

Kitab haqqında

Özümü cər-cəmləyib kitaba qısa bir müqəddimə yazmağa da cəsarət elədim. Bəzi vacib qeydlərsiz, düşünürəm, iş yarımçıq olar.
On üç yaşımda ilk şeirimin rayon qəzetində çap olunduğu zamandan təxminən otuz yaşıma qədər roman yazacağımı heç vaxt düşünməmişdim, ilk kitabımın nəsr kitabı olacağı da əsla ağlıma gəlməzdi. Ancaq izahı heç özümə də bəlli olmayan, güman ki, təbii bir bioloji-psixoloji prosesin zoru sayəsində otuz yaşımdan başlayaraq keçmiş yaşantılar – insanlar, hadisələr, əhvalatlar düşüncəmə, yaddaşıma dolanda onları yalnız yazmaqla dünyamdan ehtiramla yola sala, bu üsulla dincliyə qovuşa biləcəyimə ümid bağladım. Uzun bir roman yazmaq fikri məndə bir ehtiyac kimi, beləcə, özünə meydan tapdı, roman ideyasının üfüqləri – çap eləyib saxlamadığım, yaxud yazıb əlyazmalarını itirdiklərimdən tutmuş, yazdıqlarım və yazacaqlarıma qədər, “hər şeyi bir əsərdə” ifadə eləmək iddiasınacan genişləndi.
Sonra romanın həm xəyalımda planlaşdırdığım, həm də kom­püterdə yazdığım hissələrində xeyli ixtisarlar apardım.
İndi əlimdə-ovcumda qalanları oxucuya təqdim eləməkdə qərarlıyam. Qəribəsi budu ki, yalnız bir kitabla kifayətlənmək planım da, deyəsən, dəyişəcək. Birincisi, xeyli yazılarım, köşələrim, o cümlədən şeirlərim bu kitabdan kənarda qaldı, ikincisi, yazmaq istədiklərim yenə var. Ömür sona çatmamış yazılar bitən deyil.
Səhifə sayı - 296
978-9952-36-490-3
Cild - Yumşaq

Köln tətilləri - Remfas Asab - SizinKitab

Kitab haqqında

Vəli Aydınlı psixoloqdur, DTK məktəbində təhsil alır, xaricdə işləyir, SSRİ dağıldıqdan sonra isə Azərbaycana köçür, Milli Təhlükəsizlik Nazirliyinin analitik şöbəsinin əməkdaşı olur. Əmək fəaliyyəti dövründə topladığı sənədlərə görə Vəli ölkənin ən məşhur simaları və xarici kəşfiyyat agentləri haqqında olduqca təhlükəli məlumatlar daşıyıcısına çevrilir. Azərbaycanı məcburən tərk edib, Almaniyada məskunlaşır və kifayət qədər dramatik şəkildə nəticələnən çoxsaylı intriqa və təhlükəli sərgüzəştlərə cəlb olunur.

Yarımçıq qalan işlər Vəli ilə Otarini tələm-tələsik Kölnə qayıtmağa vadar edir və burada onlar “Ağ Qardaşlıq” rezidentinin izinə çıxmağa və Fatimənin azad edilmə əməliyyatını başa çatdırmağa ümid edirlər. Fatimənin azad edilməsi tamamilə gözlənilməz bir şəkildə baş verir, lakin Vəli üçün o, artıq əlçatmaz olur. Yeganə təsəllisi əvvəllər varlığından xəbəri olmadığı oğlu ilə tanışlığı olur. Vəlini ləğv etmək əmri almış keçmiş həmkarları ilə onu təqib ­etməyə davam edirlər.
Səhifə sayı - 448
AB 022051 / İN 0499
Cild - Yumşaq

Parfümer - Patrik Züskind - SizinKitab

Kitab haqqında

“Parfümer” dünyada ən çox oxunan romanlar­dandır. Dün­ya­nın 35-dən çox dilinə tərcümə edilib, yüksək ti­raj­la satılıb. Qəh­rəmanın fi­zio­loji şikəstliyi fonunda XVIII əsr Fran­sasının, eləcə də, Avropanın sirlərindən danışan roman insan cildli əcaib Jan-Batist Qre­nu­yun bütün dünyanı və onun qa­nun­larını alt-üst et­mə­sinin səbə­bini ortaya qoyur.
Səhifə sayı - 256
978-9952-26-756-3
Cild - Yumşaq

Difai fədailəri - Sabir Rüstəmxanlı - SizinKitab

Kitab haqqında

Azərbaycanın ictimai fikir tarixinin ən nəhəng simalarından olan Əhməd Ağaoğlu 1905-1907-ci illər erməni-müsəlman davasında erməni terrorunun qarşısını almaq, ermənipərəst şar idarələrinin xəyanətkar anti-Azərbaycan siyasətinə cavab vermək üşün "Difai" adlı bir partiya və ya müdafiə təşkilatı yaratmışdı. Bakıdan Batuma, Qarabağdan - Dağıstana geniş şöhrət qazanan təşkilatın on minlərlə üzvü var idi. "Difai"nin meydana çıxması ilə Qafqazda qüvvələr nisbəti Azərbaycanın xeyrinə dəyişdi. "Difai fədailəri" romanında o dövrün adamlarını müdafiə hərəkatına qoşan səbəblər, Azərbaycanı xilas etmək yolunda ziyalılarımızın apardığı şətin və şərəfli mübarizə əksini tapmışdır.
Səhifə sayı - 432
ISBN 978-9952-26-118-9
Cild - Yumşaq

Auşvitz döyməçisi - Heather Morris - SizinKitab

Kitab haqqında

Heather Morris hazırda Avstraliyada yaşayan Yeni Zelandiya vətəndaşıdır. Bir neçə il Melburnda böyük bir dövlət xəstəxanasında işləmiş, bu müddətdə ssenarilər yazmışdır. Morris 2003-cü ildə "danışılmağa dəyər hekayəsi ola biləcək" Lale Sokolov adında yaşlı bir kişi ilə tanışır. Bu tanışlıq onların ikisinin də həyatını dəyişdirir. Sokolov həyatının ən özəl xatirələrini Morrisə əmanət edib danışaraq həm də özünü tanıma yoluna çıxır. Morris “Auşvitz döyməçisi”ni roman olaraq yazmadan öncə Sokolovun əhvalatını beynəlxalq yarışmalarda ilk sıralarda yer tutan bir ssenari kimi də yazmışdır.
Morris “Cilkanın yolu”, “Ümidin hekayəsi”, “Üç bacı” əsərlərinin müəllifidir.
Səhifə sayı - 304
AB 022051 / İN 0432
Cild - Yumşaq

Xəzan vaxtı - Əsli Perker - SizinKitab

Kitab haqqında

Aslı Perkerin “Xəzan vaxtı” romanında Osmanlı İmperatorluğunun süqut etdiyi dövrdəki hadisələrdən bəhs edilir. Müəllif siyasi qütbləşmələri, qeyri-müəyyənlikləri, Osmanlı İmperatorluğunun son dövründəki gündəlik həyatı, İstanbul və Anadolunun vəziyyətini bir gənc qızın dilindən təsvir edir.
Əsərin baş qəhrəmanı Handan özünü mübarizəyə həsr etmək arzusundadır. Sevimli atası – Osmanlı paşasından gizli şəkildə qatıldığı təşkilatda Handanın vəzifəsi əhəmiyyətli məktubları sahiblərinə çatdırmaq və saraydakı qiymətli əsərləri müttəfiqlər ələ keçirmədən Anadoluya aparmaqdır. Anadolu yollarında özünü, həyatı, siyasəti və sevgisini daha yaxşı anlayan Handan öz xəyallarına sahib çıxa biləcəkmi?
Səhifə sayı - 408
AB 022051 / İN 0464
Cild - Yumşaq

Kağız qız - Guillaume Musso - SizinKitab

Kitab haqqında

Məşhur yazıçı Tom Boyd həyatının çətin anlarını yaşayır. Sevdiyi qadından ayrıldıqdan sonra nəinki artıq yaza bilmir, həyatından belə küsərək antidepressant və sakitləşdiricilərin dumanında dərin bir quyunun dibinə doğru yol alır. Fırtınalı bir gecədə romanının qəhrəmanlarından biri yazıçını yenidən həyata qaytarmaq və onu sətirlərinə qovuşdurmaq üçün xəyal dünyasından çıxaraq real dünyaya – onun evinə qədəm basır. Və beləcə, Tom Boyd və qəhrəmanı Billi arasında gözəl və unudulmaz bir macəra başlayır.
Bir-birini xilas etmək üçün çırpınan iki ürək... Los-Ancelesdən Meksika çöllərinə qədər uzanan və Parisin kiçik bir mənzilində bitən həyəcan, kədər, sevinc və sevgi dolu bir macəra...
Səhifə sayı - 440
AB 022051 / İN 0478
Cild - Yumşaq

18,6 - Seymur Baycan - SizinKitab

Kitab haqqında

18,6 cm – yeni nəsil romandır. Əsərdə təsvir olunmuş əhvalatlar Azərbaycanda və Qafqaz ölkələrində cərəyan edir. Caz musiqisi kimi azad, səmimi və gözlənilməz təh­kiyəsi olan müəllifin səsindən gündəlik həyatda rast gəl­diyimiz tipləri tanıyacaqsınız. Bu əsərə yaxın keçmişimizin, artıq mövcud olmayan bir dönəmin xronologiyası da demək olar.
Səhifə sayı - 240
AB 022051 / İN 0494
Cild - Yumşaq

Başqa bir xoşbəxtlik - Mark Levi - SizinKitab

Kitab haqqında

Filadelfiya. 2010-cu ilin ilk yaz günü, hə­ya­tının 30 ilini dəmir barmaqlıqlar arxasında keçirən Aqata cəzasının bitməsinə bir neçə il qalmış həbsxanadan qaçır. Amma niyə?
Kampusun yaxınlığındakı yanacaqdoldurma məntəqəsində o, gizlicə Millinin maşınına oturur və heç bir şey anlatmadan ona dediyi yerə sürməsini əmr edir. Bir saniyə içində Millinin müntəzəm ritmli və nizamlı həyatı darmadağın olur. Aralarında iyirmi il yaş fərqi olan bu iki qadın çıxdıqları uzun yol boyu bir-biriləri ilə yaxından tanış olmağa çalışır, hətta sirlərini, arzularını belə ­paylaşırlar.
ABŞ-nın ştatlarında keçən 5 günlük yol... Bu səyahət zamanı görüşdükləri hər bir insan Aqatanın sirli həyatına bir az daha aydınlıq gətirir. Sonradan Milli isə bu qadınla görüşünün təsadüfi olmadığından ­şübhələnir.
Səhifə sayı - 368
978-9952-36-103-2
Cild - Yumşaq

Od - İskender Pala - SizinKitab

Kitab haqqında

Bənzərsiz İsgəndər Pala üslubunda qələmə alınmış “Od” romanı türk dünyasının böyük ozanı Yunus Əmrənin ömür hekayətidir. Yazıçının qələmilə könül gizlinlərini oxucuya açan Yunus canlıdır, doğmadır, ucalığa çatmağın sirlərini bölüşür.
Əsərin ilk bölümü Molla Qasımın dilindən verilir. O, balıq tutarkən bir adamın gətirdiyi şeirləri oxuyur və bu sözləri “şəriətə uyğun” görmədiyindən oda atıb yandırır. Həmin gün Molla Qasım yuxuda Yunus Əmrəni görür və şeirlərin ona aid olduğunu öyrənir. Tutduğu işdən peşman olan Molla Qasım onun iziylə yollara düşür. Uzun axtarışdan sonra Yunus Əmrə və onun oğlu İsmayılla görüşən Molla Qasım bu kitabı meydana gətirir: “Söz onların, yazı mənim”.
Səhifə sayı - 352
978-9952-26-282-7
Cild - Yumşaq