Səbət
Kitab haqqında
Əhməd bəy Ağayevin (qəzetdə bu soyadla çıxış edirdi) “Kaspi” müəllifləri arasında müstəsna yeri vardı. Qəzet redaksiyasında çalışdığı 1898-1905-ci illərdə o, sözün həqiqi mənasında nəşrin simasına çevrilmişdi. Bu müddət ərzində açıq imza ilə 600-ə yaxın məqaləsi dərc olunmuşdu. Yazılar istər əhatə etdikləri coğrafiya, istərsə də toxunduqları mövzular baxımından olduqca geniş və rəngarəng idi. Lakin əsas diqqət şübhəsiz, Şərqə, islam dünyasına, rus hakim dairələrinin inadla “Qafqaz tatarları” adlandırdığı Azərbaycan türklərinin problemlərinə və bu problemlərin həlli yollarına yönəldilmişdi. Əhməd bəy Ağaoğlunun anadan olmasının 150 illiyi ərəfəsində işıq üzü görən kitaba onun “Kaspi”də çıxan çoxsaylı məqalələrindən ən səciyyəvi və aktuallığını itirməyən bir sıra nümunələr daxil edilib.