Qabriella Masini:
Bu qadını keçmişi həmişə narahat edir, bədənindəki çapıq yerləri isə hər gün ona keçmişini xatırladır. O inanır ki, sevgi nağılları başqaları üçündür. “İttifaq”da işləyən bu qız rəqəmlərlə işləməkdə, hesablamaqda mahirdir. Ancaq firmanın pis ad qazanmış milyarder müştərsi ilə bağlı hesablama aparanda cavab nədənsə düz alınmır, çünki müştəri bəzi sirlərini ona açmayıb. Qabi Hanterin müvəqqəti arvadı olmaqdan imtina edəndə o, elə bir məbləğ təklif edir ki, qadın bu təklifi rədd edə bilmir. Amma görəsən, onun bu kişi ilə nikahı ömürlük davam edə bilərmi?

Qven Harrison:

İngilis hersoqunun qızı olan Qven öz gözəlliyi, yaxşı nəsildən, əsil-nəcabətli olması ilə qürur duyur. O, öz cangüdəni Neyl Makbaynı sevir. Onun Amerikaya gəlməkdə məqsədi qardaşı arvadının sahibi olduğu firmada işləməkdir. Amma kim deyə bilər ki, o, xəyalından özünə uyğun bir insanla ailə qurmağı keçirmir?

 "New York Times"ın bestsellerlər müəllifindən
Cudit Maknaut
"Cənnət"

"New York Times" reytinqində bir nömrəli bestseller olan "Sənə qovuşanadək" romanının müəllifi

"New York Times" reytinqinin bərk cildli blokbasteri nəhayət ki, yumşaq cilddə!

"Birnəfəsə oxunan sevgi romanı..." - "USA Today"

"Cudit Maknautun yazdığı növbəti bənzərsiz sevgi romanı, şübhəsiz ki, oxucuların zövqünü oxşayacaq..." - "Dallas Times Herald"
"Cəlbedici məhəbbət romanıdır... Maknaut məftunedici hekayə yaradıb" - "Publishers Weekly"

Tarixi sevgi romanları ustası Cudit Maknautun “Cənnət kimi” əsəri XVIII əsr İngiltərəsində cərəyan edən bir eşq hekayəsidir. Ali zümrənin prinsiplərindən, onun əyləncə və fitnələrindən xəbərsiz olan əyalət əsilzadəsi, gənc və gözəl Elizabet Kameron elitanın hansısa ziyafətində sirli bir kişi ilə – İan Torntonla tanış olur. Aralarında ilk baxışdan ötəri münasibətləri xatırladan qısa ünsiyyət yaranır. Nəticədə Elizabet ali zümrədən uzaqlaşdırılır, səfalət girdabına və dilə-dişə düşür. Qız bu çətinliklərə mətanətlə sinə gərir, özünü sındırmır.

Düz 13 il əvvəl Vivi LeBran rəfiqəsinin evində oturub rəsm çəkərkən ağlına da gəlməzdi ki, onun qardaşına - Deyvid Sent-Ceymsə aşiq olacaq. Onsuz da çətin həyatı olan Vivinin həmin andan etibarən əzab dolu günləri başlayır. Çünki Deyvid onu, sadəcə, ailəsinin bir üzvü və yaxın dostu kimi sevir. 13 il çəkdiyi həsrət və iztirabdan sonra Sent-Ceymslərlə Blok-Ayləndə istirahətə gedərkən Vivi yenə də, nəhayət, Deyvidin onu dosti kimi deyil, həyatını birləşdirəcəyi, ailə quracağı bir qadın kimi sevəcəyinə və qəbul edəcəyinə ümid edir.

“O anı xatırla” Cudit Maknautun ən möhtəşəm, “New York Times”ın ən çox satılan əsərlərindən biridir. Hyustonun “Bəyaz orxideya” xeyriyyə ziyafətində, ayın işıqlandırdığı eyvanda tənha dayanmış Diana Foster ailəsinə məxsus “Foster’s beautiful living” jurnalının parlaq nüfuzunu cəsarətlə qoruyub saxlamağa çalışır. Nişanlısı gənc bir italyan hersoginyası ilə ona xəyanət edib. Bu təhqiramiz hərəkət isə iyrənc mənzərə yaradıb – Diana hamının gözü qarşısında aldadılmış, nişanı qayıtmış qadına çevrilib, onun adı ətrafında alçaldıcı söz-söhbət gəzir. Bəs onda milyarder Koul Harrison əlində iki qədəh və şampan şüşəsi niyə ona yaxınlaşır?

Tanınmış model, jurnalların üz qabığını bəzəyən Ket Sent-Ceymsin həyatı heç də fotoşəkillərdə göründüyü kimi ideal deyil. O, sadəcə, yaşadıqlarını və hiss etdiklərini kameradan gizləməyi yaxşı bacarır. Bu qabiliyyətinə arxayın olan Ket qardaşının toyuna getməzdən əvvəl öz sağlamlığı ilə bağlı öyrəndiklərini ailə üzvlərindən heç birinə söyləmir və sirr olaraq saxlayır. İndi onu narahat edən yeganə insan vaxtilə qəlbini yaraladığı yaraşıqlı dülgər Henk Mitçeldir. Qardaşının toyunda Henklə yenidən qarşılaşması Ketin ona duyduğu ehtirası təkrar alovlandırır. Lakin sağlamlığı ilə yaşadığı problemlər səbəbindən o, Henkə qarşı hiss etdiklərini qəlbində boğmağa çalışır.

Anasının qəfil ölümündən sonra Samer məcburən Londonu tərk edib indiyə qədər adını belə eşitmədiyi qohumlarının yanına getməli olur. Konvalda qəribə bir malikanədə, tanımadığı qohumları ilə yaşayan Samer heç vaxt bu nəhəng evdəki kimi tənha olmamışdı. Əmisi daim narahat, səksəkə içindədir. Əmisi arvadı evi tərk edib. Ərköyün və kobud əmisi oğlu isə onu incitmək üçün əlindən gələni edir.

Olduqca praqmatik insan olan Nell Sullivanı hər kəs “Miss beşillik plan” adlandırır. Hər şeyi ən incə detalı ilə ölçüb-biçdiyindən və həyatda heç bir işi plansız görmədiyindən hamı onu belə çağırır. Amma günlərin bir günü işdən xaric olunan Nell həyat tərzini, ümumiyyətlə, həyatını kökündən dəyişməyə qərar verir. Qəhrəmanımız heç bir plan qurmadan özünü həyatın axınına buraxır. İşdən ayrıldığı üçün aldığı təzminat pulu ilə vətəni İngiltərədən uzaqlara – San-Fransiskoya səyahət etmək qərarına gəlir. Orada bir-birindən maraqlı, rəngarəng insanlarla tanış olur. Ən əsası isə təsadüfən qarşısına çıxan yaraşıqlı Maks Rossiyə vurulur. Tezliklə özünü yad şəhərdə deyil, ikinci vətənində hiss edir. Evə – doğulub boya-başa çatdığı Londona qayıtmaq zamanı gəlib çatdıqda qəhrəmanımız çətin seçim qarşısında qalır. Nell yenidən öz köhnə həyat tərzinə dönəcəkmi? Bağlandığı San-Fransiskonu, oradakı dostlarını, ən əsası isə orada qoyub gəldiyi məhəbbətini unuda biləcəkmi?

"İnsanlar neçə illər idi ki, bu romanı gözləyirdilər. "Sənə qovuşanadək" romanı sizi duyğular okeanında gəzintiyə çıxaracaq" - Keti Robin, "Romantic Times"ın redaktoru, "USA Today"

"New York Times"ın əsərləri ən çox satılan müəlliflərindən biri Cudit Maknaut yenidən Uestmorelandlar ailəsi hekayətinə qayıdaraq, pərəstişkarlarının "Uitni - mənim sevgim" romanından bəri gözlədiyi hekayəni qələmə aldı. Vəhşi Amerika çöllərindən 1820-ci ilin Londonuna, zərif bal salonlarına aparan möhtəşəm sevgi nağılında gözəl, cəsarətli bir qız romantik macəraya atılır.
Zəngin, gənc xanımlar üçün məktəbdə müəllimə işləyən Şeridan Bromley İngiltərədə nişanlısı ilə görüşə gedən tələbələrindən birini - Çariz Lankasteri müşayiət etmək üçün yola çıxır. Gənc həyat yoldaşı başqa bir adama qoşulub qaçandan sonra Şeridan fikirləşir ki, görəsən, bunu Çarizin nişanlısı Lord Börltona necə izah edəcək.

"Cudit Maknaut həqiqətən də dövrümüzün möhtəşəm nağılçılarından biridir" - "Affaire de Coeur"

"New York Times"ın ən çox satılan "Gecə pıçıltısı" əsərinin müəllifindən "Unudulmaz gecə"

Kitabları ən çox alınan müəllif Cudit Maknaut bu unudulmaz romanında iki güclü biznesmenin qəddarcasına mübarizə apardıqları bir aləmə - ehtiras və yalandan ibarət məhrəm, özəl və gərgin dünyaya daxil olur.

"Sevinc hissi... gözəl sevgi hekayəsi bəxş edir..." - "Romantic Times"

Gözəl Keyti Konnelli ağrı-acılı keçmişini uğurlu karyera və lüks mənzili ilə ört-basdır edib unutmağa çalışır. Kişilərlə isə məsafə saxlamağa üstünlük verir. Lakin həyatında nəsə çox dərin mənalı bir şeyin olmadığını da hiss edir. Və bir gün məğrur, sərt Ramon Qalverraya rast gəlir. Ramon şəhərli cazibəsi və ehtiraslı təbiəti ilə Keytiyə heç vaxt görüb-duymadığı bir sevgini verir. Keyti Ramonun qolları arasında hər toxunuşda sanki yenidən canlanır. Lakin qəlbini bu qəribə, iradəli, sirli adama verməkdən çəkinir. Ramon başqa bir dünyaya məxsusdur. Üstəlik gələcəyi də naməlum və qaranlıqdır...

“...Bleyk toy gecəsinin necə olacağı haqda fikirləşməmişdi. O, lüks bir hoteldə otaq sifariş vermişdi, həmin axşam taxtda tək yatdı, arvadı isə ondan bir-iki metr aralıdakı yataq otağında yuxuya getmişdi. O, kilsədəki öpüşdən hələ doymamışdı. Atasının vəkillərini inandırmaq üçün Samantanı öpmüşdü, sanki rol oynayırdı. Ancaq Samanta ilə birlikdə kilsədən çıxandan sonra bu rolunu təzədən oynamaq, təzədən təkrar etmək istəyirdi. Samantanın gözlərindəki parıltı, onun gözlərinə baxanda qızarması o demək idi ki, o da özünü eynilə Bleyk kimi hiss edir. Lənət şeytana, Bleyk bu hissləri özündən uzaqlaşdırmalı idi. Müqavilə ilə evləndiyi arvadına qarşı oyanan ehtirası içində boğmalı idi. Həmişə üzünə gülümsəyən, məşuqələri barədə sorğu-suala tutan arvadı onun içindəkiləri hiss etməməli idi. Hələ ilk dəfə Samantanın firmasına gedəndə onun dediyi “siz evləndiyiniz qadınla sevişməyəcəksiniz” sözlərini yadına saldı. Qərara gəldi ki, xanım Harrisondan tezliklə uzaqlaşmalıdır, yoxsa ehtirasını boğa bilməyəcəkdi. Bleyk üstünə örtdüyü adyalı kənara atıb Samantanın otağındakı işığın yanmasını gözlədi. O, artıq Londondakı ofisinə guya ilk baxışdan vurulduğu qızla tez-tələsik etdiyi toy barədə xəbər vermişdi...”

Bleyk Harrison:

Zəngin, vəzifəli, yaraşıqlı Bleyk böyük mirasa sahib olmaq üçün çərşənbə gününədək evlənməlidir. O, kömək üçün Sam Elliota müraciət edir və əvvəlcə onun kişi olduğunu düşünür. Amma əvəzində Samanta Elliotla qarşılaşır. Bu gözəl qadının incə səsi onun ağlını başından alır. Kişilər belə incə qadın səsi eşitmək üçün adətən 1-900 telefon xidmətinə zəng vururlar...

Ürəyimə bax... Mən sənin ürəyinə baxdığım kimi...
Kolin Henkok özünə ikinci şans verərək həyatında yeni səhifə açmağı qərara alır. Keçmişdə qanun pozuntularına yol vermiş, yanlış qərarları, düşüncəsizliyi və aqressiv davranışı nəticəsində ailəsini və yaxın dostlarını özündən uzaqlaşdırmış, həbsxanaya düşməkdən güc-bəla ilə qurtulmuşdu. Lakin indi artıq Kolin xarakterini və davranışını dəyişməkdə qərarlıdır. Keçmiş səhvləri onu izləsə də, yeni tanışlıqlar qurmaqda çətinlik törətsə də, Kolin təslim olmur və dəyişdiyini hər kəsə sübut etməyə çalışır. Qarşısına yeni məqsədlər qoyur, ali təhsilini davam etdirir və ürəkdən sevə biləcəyi bir qızla ciddi münasibət qurmaq istəyir.
Mariya Sançez Meksikadan ABŞ-a mühacirət etmiş bir ailənin çalışqan, zəhmətkeş və ali təhsilli qızıdır. Universitetin hüquq fakültəsini bitirib, Uilminqtonda nüfuzlu bir hüquq şirkətində işləyir. İlk baxışdan onun həyatında hər şey qüsursuz və mükəmməl görünür, lakin Mariyanın keçmişindəki bir hadisə onu indiyədək də qarabaqara izləyir.

Karen Cons
Balacaboy, incə, sarı saçlı Karen Hollivud ulduzu ilə evlənir, o, demək olar ki, hər gün rol oynayır – sevib – sevilən xoşbəxt qadın rolunu. Məşhur aktyor şəxsi həyatı ilə bağlı şayiələrə son qoymaq üçün bir il əvvəl Karenlə evlənir. Karen boşanandan sonra 5 milyon dollar qazanacaq. Qadın saxta nigahına son qoymağa hazırlaşanda çox yaraşıqlı kişi olan qaynı Zak onun həyatına, sonra da ürəyinə daxil olur.

"Hər kəs sonsuz sevginin mümkün olduğuna inanmaq istəyir. Bir vaxtlar Amanda da inanırdı. 18 yaşı olanda..."

1984-cü ilin baharında iki məktəbli - Amanda Kolier və Douson Koul bir-birinə dəlicəsinə aşiq olurlar. Tamam fərqli mühitlərdə böyüsələr də, onlara elə gəlirdi ki, sevgilərinin gücü Şimali Karolinadakı Oriental adlı kiçik şəhərin reallıqlarının öhdəsindən gələ bilər. Zorakılığa meyilli bədnam ailənin inzivaya çəkilmiş üzvü olan Douson Amandaya duyduğu sevginin onu gözləyən qaranlıq gələcəkdən qaçış vəd etdiyinə inanırdı. Douson məşhur ailənin şahzadələr kimi böyümüş və Dyuk Universitetinə daxil olmağa hazırlaşan qızı Amandanın üsyankar və alovlu qəlbinə toxunmuşdu. Lakin yay bitəndə gözlənilməz hadisələr bu iki yeniyetməni ayırır və onlar tamam fərqli həyat cığırlarına düşürlər.

Kley Censen məktəbdən evə qayıdıb evlərinin artırmasında üstündə onun adı olan bir poçt bağlaması görür. Bağlamadan Kleyin vaxtilə sevdiyi sinif yoldaşının – iki həftə əvvəl intihar etmiş Hanna Beykerin göndərdiyi bir neçə audiokasset çıxır. Hanna bu kassetlərdə intiharının 13 səbəbini açıqlayır. Səbəblərdən biri də Kleydir. Kley günahının nədən ibarət olduğunu öyrənmək üçün kassetlərə qulaq asmalıdır.