KRAL ZİBLİNİN DÜNYA SƏYAHƏTİ - Jean-Christophe Rufin - SizinKitab

Kitab haqqında

Mərkəzi Avropada doğulmuş, Volter və Kazanova ilə eyni dövrdə yaşamış bir zadəganın necə olur ki, günün birində yolu Sibirə, daha sonra isə Çinə düşür? Necə olur ki, o, sonda Madaqaskarın kralına çevrilir? Jean-Christophe Rufinin qələmiylə təsvir olunan bu real hadisələrdə, həqiqətən də, XVIII əsrdə çox sevilən şərq nağıllarının ruhu duyulur.
“Həbəş”, “Qırmızı Braziliya” və “Böyük ürək” əsərlərinin müəllifindən insanın ruhunu titrədən həyəcan və sevgi dolu bir roman..
Səhifə sayı - 360
978-9952-36-714-0
Cild - Yumşaq

QUŞ VƏ BALIQ - Aslan Quliyev - SizinKitab

Kitab haqqında

Yazıçı romanda “Quş” və “Balıq” ləqəbli iki keçmiş döyüşçünün, oxuduğu əsərlərin müəllifləri kimi yazmağa başlayan, insanların sifətlərindəki ktabları oxuya bilən yazıçının, gözləri heç nədən doymayan qədim Ucubunuq tayfasının, bir-birindən xarakterlərinə görə kəskin fərqlənən digər insanların maraqlı, gərgin dünyalarını, bu dünyanı daha da həyəcanlı, canlı və cəzbedici eləyən sevgi, xəyanət, kriminal çəkişmələrlə zəngin olan hadisələri özünə xas olan yumorlu bir dillə təsvir edir.


978-9952-36-711-9
Səhifə sayı - 472

Züleyxa gözlərini açır - Güzəl Yaxina - SizinKitab

Kitab haqqında

Hər şey 1930-cu ilin qışında, gözdən-qulaqdan uzaq bir tatar kəndində başlayır.
Züleyxa on beş yaşından bəri olduqca zalım və kor qayınanası, özündən xeyli yaşlı əriylə birlikdə yaşayır. Gözlənilmədən həyat məhvərindən çıxır, inqilab baş verir, ucqar bölgələri belə nəzarətə götürən sovet əsgərləri Züleyxanın ərini öldürürlər, qayınanası ölümcül təkliyə məhkum olur. Züleyxanı isə müxtəlif zümrədən, dindən olan insanlarla birlikdə Uzaq Sibirə sürgün edirlər.
Bəs Züleyxanın həyatında nə dəyişir? Taleyi Züleyxa üçün hansı gözlənilməzlikləri hazırlayıb?
Güzəl Yaxina öz romanında bir qadının faciəsindəki və ruhunun oyanışındakı bütün xırdalıqları zərif xətlərlə qabardaraq ustalıqla təqdim edir. Qadın Tanrıya qarşı, qadın təbiətə, sevgiyə, ehtiyaca və arzulara, nəhəng iblis kimi dünyanın az qala bir üzünü örtən yeni zülmün hökmünə qarşıdır, silahını hara tuşlayacaqsa, dəqiq nişan alacaq və öz ovunu ürəyindən vuracaq. Qadın bütün duruşu və əzəmətiylə həyat uğrunda mübarizə apardığı hər şey üzərində qalibiyyət əldə edəcək. Görəsən bu gecikmiş qələbə nəyəsə yarayacaqmı?..
Səhifə sayı - 424
9789952367089
Cild - Yumşaq

Bir Üstəgəl Bir - Jojo Moyes  - SizinKitab

Kitab haqqında

JoJo Moyesin “Bir üstəgəl bir” romanı – valehedici, oxucunu sonadək həyəcanlı durumda saxlayan əsər iki tənhalığın birləşdiyi zaman nələr yarada biləcəyindən bəhs edir.
…Tənha qadın.
Cess Tomasın iki uşağı və iki işi var. Hər gün yorucu iş. Həm yad evlərdə, həm də öz evində. Ona kimsənin yazığı gəlmir, kənardan köməyə də özü bel bağlamır. Buna görə də bəzən Cess riskli qərarlar qəbul etmək məcburiyyətində qalır.
…Dəlisov ailə.
Tanzi – Cessin əcaib-qəraib, lakin istedadlı qızıdır.
Nikki – Cessin ögey oğlu da məktəbdəki bir dəstə dələduz və dəcəl yaşıdları qarşısında aciz qalıb.
Bəzən Cessə elə gəlir ki, vəssalam, hər şey bitdi. Lakin Ed Nikolsla tanışlıq onun bütün həyatını dəyişir. İki ruhən tənha adam müxtəlif və çoxsaylı çətinlikləri adlayaraq, nəhayət, birgə həyata başlayırlar. Amma buna qədər onları Şotlandiyaya uzun, çox uzun, yorucu bir səfər gözləyir.
Səhifə sayı - 588
9789952361063
Cild - Qalın

Geridə buraxdığın qadın - Jojo Moyes - SizinKitab

Kitab haqqında

Geridə buraxılan qadının başına nə gəldi?

1916-cı ildə fransız rəssamı Eduar Löfevr arvadı Sofi­dən ayrılıb cəbhəyə yola düşür. Sofinin yaşadığı kiçik şəhər düşmənlər tərəfindən işğal olunur, alman əsgərləri Sofinin atasından qalma hotelin yeməkxanasında yemək yeyərkən Fridrix adlı alman komendantı Eduarın çəkdiyi portreti divarda görür. Eduarı bir də görmək üçün Sofi risk edir. Bu vaxtacan qoruyub saxladığı təmiz adına ləkə düşsə də, inadından əl çəkmir.

Təxminən bir əsr sonra Sofinin portreti Londonda, Liv Halstonun evinin divarında asılır. Bu portreti ona əri David Halston hələ ölməmişdən qabaq toy hədiyyəsi kimi bağışlayıb. Şəkil haqda, Sofi haqda əsl həqiqət ortaya çıxır. Həqiqət ortaya çıxana qədər Liv Halstonun həyatı alt-üst olur.

“Geridə buraxdığın qadın” romanının iki əsas obrazı Sofini və Livi bir-birindən bir əsr ayırsa da, onlar sevdikləri üçün hər çətinliyə dözən qadınlardır.
Səhifə sayı - 544
9789952365580
Cild - Yumşaq

TƏLƏBƏ TAQIMI - Etibar Muradxanlı - SizinKitab

Kitab haqqında

Yazıçı Etibar Muradxanlının “Tələbə taqımı” kitabına könüllü olaraq Qarabağ cəbhəsinə yollanan tələbə gənclərin qəhrəmanlığından bəhs edən eyni adlı romanı, arxa cəbhə adamlarının mənəvi rəşadətindən danışan “Fəridə nənəgilin pəncərələri” povesti, hüquq-mühafizə orqanları işçiləri və sərhədçilərin şərəfli, çətin işindən söz açan hekayələri da­xildir. Yüksək humanizm və dərin həyatsevərliklə aşılanmış bu əsərlər oxucunu vətəni sevməyə, qanunun aliliyinə hörmət etməyə, hallallığa səsləyir. “Siz mühasirədəsiniz, leytenant” kitabından sonra bu, yazıçının oxucularla ikinci görüşüdür.
Səhifə sayı - 160
978-9952-36-617-4
Cild - Yumşaq

Rio-Pyedranın sahilində oturdum və ağladım - Paulo Coelho - SizinKitab

Kitab haqqında

Romanın qadın və kişi qəhrəmanı uşaqlıqlarını bir­lik­də keçirirlər, lakin bir gün kişi yeni həyat kəşf etmək, yeni insanlar tanımaq istəyi ilə yaşadığı şəhəri buraxıb uzaqlara gedir. Uzun illər ondan bir xə­bər-ətər gəlmir, lap sonralar isə ara-sıra bir neçə mək­tub göndərməyə başlayır….
2000002684633
Cild - Yumşaq

Səndən öncə Mən - Jojo Moyes - SizinKitab

Kitab haqqında

Onların ortaq heç nəyi yoxdur.
Luiza Klark adi bir həyat yaşayan, öz balaca kəndindən bir addım belə qırağa çıxmayan sadə qızdır. O, işə olan ehtiyacı üzündən qəza nəticəsində ömürlük əlil arabasında yaşamağa məhkum olmuş Uill Treynora baxmaq məcburiyyətindədir. Uill hər zaman dəbdəbəli həyat yaşayıb. Bütün həyatı ekstremal idman növlərində, dünya səyahətlərində keçib – indi isə bu cür yaşamağa davam gətirməyəcəyinə əmindir…
“Səndən öncə mən” “Sevdiyiniz insanı onun sizin qəlbinizi qırdığını bilə-bilə necə xöşbəxt etməli?” sualına cavab verən romantik romandır.
Endirim faizi - 30 %
9789952362091
Cild - Qalın

Elcernon üçün çiçəklər - Daniel Keyes - SizinKitab

Kitab haqqında

Müasir fantastikanın qızıl fonduna daxil olan romanda hər şeydən öncə son dərəcə maraqlı bir əhvalatla qarşılaşan oxucu əsərin qəhrəmanının yaşantılarıyla çox yaxından tanış olur.
Ağıldankəm Çarlinin cərrahiyyə əməliyyatı nəticəsində dahiyə çevrilməsi, ondan imtina edən valideynləri, bacısı ilə görüşü, yaşadığı eşq macərası əsərdə olduqca maraqlı və orijinal tərzdə təsvir olunub. Yazıçı adi, bir az da kəmağıl Çarlinin səmimi, kövrək duyğularını məşhur Çarlinin iti ağlı, yüksək intellekti, dəmir məntiqi və soyuq mühakimələriylə üz-üzə qoyur, cəmiyyətin kəmağıl və dahi insana fərqli münasibətinin psixoloji məqamlarını açır.
Endirim faizi - 30 %
9789952362084
Cild - Yumşaq

Xoşbəxt ölüm - Albert Camus - SizinKitab

Kitab haqqında

Müasir fantastikanın qızıl fonduna daxil olan romanda hər şeydən öncə son dərəcə maraqlı bir əhvalatla qarşılaşan oxucu əsərin qəhrəmanının yaşantılarıyla çox yaxından tanış olur.
Ağıldankəm Çarlinin cərrahiyyə əməliyyatı nəticəsində dahiyə çevrilməsi, ondan imtina edən valideynləri, bacısı ilə görüşü, yaşadığı eşq macərası əsərdə olduqca maraqlı və orijinal tərzdə təsvir olunub. Yazıçı adi, bir az da kəmağıl Çarlinin səmimi, kövrək duyğularını məşhur Çarlinin iti ağlı, yüksək intellekti, dəmir məntiqi və soyuq mühakimələriylə üz-üzə qoyur, cəmiyyətin kəmağıl və dahi insana fərqli münasibətinin psixoloji məqamlarını açır.
Səhifə sayı - 192
2001151494630
Cild - Yumşaq

Çöküş - Albert Camus - SizinKitab

Kitab haqqında

“Çöküş” böyük fransız yazıçısı, Nobel mükafatı laureatı Alber Kamyunun çap edilən son romanıdır. Romanın süjeti günah və günahsızlıq, azadlıq və insan varlığı kimi məsələlər kontekstində inkişaf edir. Bütün bu təsvirlərin, mühakimə və mülahizələrin son nəticəsi odur ki, həyat absurddan başqa bir şey deyildir. Yazıçı bu məsələləri şüur axını metodundan istifadə edərək şərh edir. O dövrün başqa bir böyük ədibi Jan-Pol Sartrın fikrincə, “Çöküş” Kamyunun ən anlaşıqlı və ən gözəl romanıdır.
“Çöküş” romanını Kamyunun şah əsəri olan “Ya­bançı”nın davamı kimi də oxumaq mümkündür. “Çöküş”də insan malik olduğu bütün dəyərləri itirir və öz içinin dərinliyinə çökür. Onun bütün hissləri, beynini yoran düşüncələri XX əsrdə mövcud olan əxlaq, mənəviyyat prinsipləri ilə üzbəsurət, heç bir elementi gizlədilmədən ortaya gətirilir. O dərəcədə ki, insan özü-özündən iyrənir. Romanda əsas məqam – keçmiş vəkil Klamansın yağışlı bir gecə özünü göz yaşları içində körpüdən atan qızı seyr etməsi mətnin bütün künc-bucaqlarını işıqlandırır. Həyat, ölüm, varlıq, günah, azadlıq... kimi anlayışlar bir anda bütün mənasını itirir. Bu zəmanədə ən rahat yaşayan adamlar özlərinə süni həyat qurmuş fərdlərdir. Bax bu – XX əsrin, insan həyatının ən böyük qüsurudur.
Səhifə sayı - 160
2001151374635
Cild - Yumşaq

Solyaris - Stanislav Lem - SizinKitab

Kitab haqqında

«Solyaris» romanında söhbət təkcə ayrı-ayrı adamlardan yox, bütün Yer sivilizasiyasının kosmosun dərinliklərində həll edilməsi mümkün olmayan tapmaca ilə üzləşməsindən gedir. Bütünlüklə planeti əhatə eləyən okean insanın Yerdəki şüur, düşüncə, məqsədəuyğunluq haqqındakı təsəvvürlərinə sığmır. Solyaristiklik tənəzzül dövrünü yaşayır, bu problem ətrafında alverlər başlayır, planetin ətrafındakı nəhəng orbital stansiya bağlanmaq ərəfəsindədir. Bununla belə, romanın düşüncə mərkəzi başqa insanın – psixoloq Kris Kel­vinin taleyidir. O, o cümlədən Breqq də öz həyatlarının müxtəlif dövrlərini birləşdirmək gücündə deyillər. Okean tərəfindən naməlum məqsədlə Kelvinin yanına göndərilən «sintetik Hari» tədricən Kelvinə sadiq olan, öz həyatına qəsd eləməyə məcbur olmuş əvvəlki Harini unutdurmağa çalışır. Nəyə görə Kelvin stansiyada qalır? Məşhur əlaqəni gözləyirdi? Sevgilisinin qayıdacağına ümid eləyirdi? Ha­disələr zəncirinin ayrılmaz surətdə bir-biri ilə əlaqəli olduğu üzə çıxır. Kris üçün əvvəlki, kosmosa qədər olan dəyər­ləri – ailə, məhəbbət, ev əzizdir, lakin onların əldə edil­məsinə yalnız burada, uzaq planetin ətrafında ümid bəsləmək olar.
Səhifə sayı - 256
2000031417967
Cild - Yumşaq

Yaşıl pəri gecəsi - Ayfer Tunç - SizinKitab

Kitab haqqında

Ayfər Tuncun bu romanı müasir dövrümüz haqqındadır. Romanda hadisələr gözəlliyini zəhərli sərmayə kimi istifadə edən gənc xanımın həyatdan intiqam almaq üçün soyunmağıyla başlayır. “Yaşıl pəri gecəsi”. Modern cəmiyyətin ikiüzlülüyünə, adət-ənənələrin, vərdişlərin vəhşiliyinə qarşı mübarizə aparan, hər şeydən xəbəri olan, buna görə də əzab çəkən bir qadının, anasıyla yola gedə bilməyən qızın hekayəsini oxumaqdan doymayacaqsınız. Bu əsəriylə ölkənin elit təbəqəsinin, orta sinfin can verən insanlarının üzləşdiyi qorxulu karnavaldan danışan müəllif cəmiyyətin və fərdin ruhunu bütün xırdalıqlarıyla qələmə almaqla, güclü təsvirləriylə Türkiyənin çürüyən tərəfinə ayna tutur.
Səhifə sayı - 424
9789952362701
Cild - Yumşaq

Aclıq oyunları - Suzanne Collins -SizinKitab

Kitab haqqında

Hadisələr qəddar rejimin hökm sürdüyü xəyali Panem dövlətində cərəyan edir. Kapitoli 12 bölgənin əhalisini vəhşicəsinə istismar edir və total qorxu altında saxlayır. Məhz bu məqsədlə mərkəz ildə bir dəfə hər bölgədən bir oğlan və bir qız iştirakçı olmaqla qladiator döyüşləri – aclıq oyunları təşkil edir. Kitabın baş qəhrəmanı Katnis Everden döyüşlərin könüllü iştirakçısıdır: o, püşkə əsasən oyunlara qoşulmalı olan kiçik bacısını əvəz edir. Bu bölgədən olan ikinci xərac – Pita Mellarkla birlikdə Katnis oyunlarda sağ qalmaq və qalib gəlmək üçün yüksək dözüm və iradə göstərməli, güc və ağıl işlətməli olur. Fantastika, macəra və detektiv elementləri ilə zəngin olan roman oxunaqlı dillə və yüksək bədii üslubda qələmə alınıb. Yazıçı əsərində totalitar dövlət nəzarəti və insan azadlığı mövzusunu ustalıqla işləyib.
Amerikan yazıçısı Suzanne Collins 1962-ci il avqustun 10-da ABŞ-nın Konnektikut ştatının Ferfild dairəsinin Sendi Huk kəndində anadan olub. 1991-ci ildən uşaq televiziya veriliş və serialları üçün ssenarilər yazmağa başlayıb. 2003-cü ildə uşaqlar üçün ilk kitabı – “Yeraltı salnamələri” seriyasından “Yerüstü Qreqor” adlı birinci romanı işıq üzü görüb. Collins 2007-ci ilə qədər populyar və oxunaqlı seriyadan daha 4 kitab çap etdirib. 2008-ci ildə “Aclıq oyunları” romanı – eyniadlı trilogiyanın birinci hissəsi çıxıb. Əsər çox qısa müddətdə bestsellerə çevrilib. Növbəti iki il ərzində trilogiyanın daha iki kitabı oxucuların ixtiyarına verilib. “Aclıq oyunları” romanı 2012-ci ildə Suzanne Collinsin öz ssenarisi əsasında ekranlaşdırılıb.
Tərcüməçi - Anzulə Əmirova
9789952267143
Səhifə sayı - 418

Böyük evin kiçik xanımı - Cek London - SizinKitab

Kitab haqqında

Cek Londonun “Böyük evin kiçik xanımı” romanı, yazıçının şah əsəridir. Romanın əsas qəhrəmanları – Dik Forrest, Paola və İven Qrehem möhkəm iradəli, hərtərəfli və zahirən gözəl insanlardır. Romanın birinci hissəsində Dikin uşaqlıq illəri, onun şəxsiyyət kimi formalaşması, həyatın çətinlikləri ilə üzləşməsi təsvir olunur. Əsas hissədə zəngin və uğurlu, lakin sadə xasiyyətli Dikin, sevdiyi Paola ilə daha rəngarəng olan həyatından bəhs edilir. Onlar, həyatlarını geniş təsərrüfatlarını idarə etməklə və “Böyük ev” adlandırılan malikanələrində qonaqlar qəbul edib, əyləncələr içində keçirirlər. Lakin Paolanın həyatında məşum görüş baş tutacaq. Artıq bütün qəhrəmanların həyatı əvvəlkindən fərqli məcrada axacaq…
Xəyanət və dürüstlük, ehtiras və sədaqət, sevgi atəşi və dərrakə bir-biri ilə əlbəyaxa olur... Qəlblərin savaşı başlayır...
Səhifə sayı - 352
2001151454634
Cild - Yumşaq

Səhnənin Çölündəkilər – Əhməd Həmdi Tanpınar - SizinKitab

Kitab haqqında

“Səhnənin çölündəkilər” 1950-ci ildə “Yeni İstanbul” qəzetində çap olunduqdan sonra 1975-ci ildə kitab halında nəşr edilmişdir. Yazıçının digər romanlarından “Mahur bəstə” ilə “Salamatlıq” bu kitabla birlikdə bir silsilə olaraq dəyərləndirilir.
“Səhnənin çölündəkilər” romanı 1920-ci illərdə İstanbulda cərəyan edən hadisələrdən bəhs edir. Türk millətinin yaşadığı o keşməkeşli günlərdə, sanki İstanbul həm səhnədir, həm də səhnənin çölü. Əsl səhnə olan Anadolu isə səhnənin çölü İstanbulda çox kiçik və müxtəlif güzgülərdən görünür.
Romanda bir çox insan xarakterləri var. Bunlar vaxtilə hakimiyyətdən uzaqlaşdırılmış, fəqət özlərinin hər an xatırlanacağını uman dövlət adamları, müharibə tərəfdarları, idealistlər, fədakar qadınlar, get-gedə dəyişən həyat şərtləri içində öz yerlərini axtaran insanlardır.
Tərcüməçi - Tofiq Qaraqaya
9789952365627
Cild - Yumşaq

Əfqanıstan uçurumu - Zakir Sadatlı - SizinKitab

Kitab haqqında

Sovet ordusunun Əfqanıstana girməsi və 10 il aparılan mü­ha­ribənin nəticəsi nə oldu? Sovetlər Birliyi bu savaşı niyə başladı, niyə bu müharibə sona çatmadı?
Qəribə odur ki, Əfqanıstan müharibəsi barədə yüz–lərlə əsgər mahnısı, tarixi faktları əks etdirən onlarla kitab yazılsa da, bu savaşın bədii həlli tapılmayıb, bu müharibə barədə roman-xatirə yoxdur.
Zakir Sadatlı Əfqanıstana girən ilk Sovet hərbi birləş­mələ­rinin tərkibində olub. 2 il ərzində gördük­lərini – mü­haribə dəh­şətlərini, savaş iztirablarını, dost itkilərini, ölüm-itimləri – düz 30 ildən sonra yazdı, ürəyində və yaddaşında düyünlənib qalmış bu ağır yükü oxucularla bölüşdü.
Roman – detektiv əsər, çılpaq həyat fəlsəfəsi, müharibə estetikası, mübarizə poetikası təəssüratı yaradır. Amma bütün bunların heç biri təxəyyül məhsulu deyil, reallıqlardır, yazıçının eşitdikləri yox, yalnız gördükləri, içində olduqlarıdır…
Oxucu müəlliflə bərabər mühasirə dəhşətini, dö­yüş həyacanını yaşayır; müharibə görməyən, az qala, silahın nə olduğunu bilməyən oxucu belə müəlliflə bərabər döyüşlərə atılır və sonda müharibənin yükü çiyinlərində, bərkə-boşa düşmüş adam kimi romanı bitirir.
Bitirirmi? Yox, bu hiss və düşüncələr bir ömrün təəs­sürat­la­rına bəs edər

135x205
Səhifə sayı - 233

Qiraətçi - Bernhard Schlink - SizinKitab

Kitab haqqında

Çağdaş alman yazıçısı Bernhard Şlinkin “Qiraətçi” romanının (1995) fenomenal uğurunu Patrik Züskindin ondan on il qabaq nəşr edilmiş “Ətriyyatçı” romanı ilə müqayisə eləmək olar. “Qiraətçi” dünyanın qırxdan çox dilinə çevrilərək beynəlxalq bestseller olub, Avropa və Amerikanın ən sayılıb-seçilən mükafatlarını qazanıb.

Professor ailəsindən olan on beş yaşlı oğlanla yaşlı qadın arasında qəfildən tutuşan eşq romanı elə qəfildən də həmin qadının şəhərdən xəbər-ətərsiz yoxa çıxmasıyla qırılır. Səkkiz il sonra, hüquq fakültəsinin sonuncu kursunda oxuyan oğlan onu yenidən – nasist cinayətkarlarına qarşı keçirilən məhkəmə prosesində qadın konslagerinin keçmiş nəzarətçiləri arasında görür. Ancaq Bernhard Şlinkin “Qiraətçi” romanında açılan sirr təkcə bu deyil ki…

2000002694632
Cild - Yumşaq

Qırmızı və Qara - Stendal - SizinKitab

Kitab haqqında

“Qırmızı və Qara” romanı XIX əsr fransız ədəbiyyatının görkəmli nümayəndəsi, psixoloji realizm janrının banilərindən biri olan Stendalın (əsl adı Mari-Anri-Beyl – 1783-1842) yaradıcılığının zirvəsi hesab edilir. Romandakı hadisələr 1830-cu il Fransa inqilabından sonrakı dövrdə cərəyan edir.
Əsərin qəhrəmanı Jülyen Sorel kilsə xadimi olmaq istəyən savadlı, şöhrətpərəst bir gəncdir. Əslində, o heç Allahın varlığına da inanmır, din onun üçün sadəcə olaraq, karyera vasitəsidir. Jülyen ürəyində Napoleona rəğbət bəsləyir və belə hesab edir ki, əgər onun vaxtında doğulsaydı daha yüksək mənsəbə çata bilərdi.
İndisə zəmanə dəyişdiyinə, cəmiyyətdə üstün mövqelərə nail olmağın yolu yalan və riyakarlıqdan keçdiyinə görə gənc din xadimi yeni oyun qaydalarını məmnuniyyətlə qəbul edir, bu yolda qanlı cinayət törətməkdən belə çəkinməyərək həyatını faciəli sonluqla başa vurur.
Tərcüməçi - Günel Mövlud
978-9952-26-448-7
Səhifə sayı - 616

Torpağın bərəkəti - Knut Hamsun - SizinKitab

Kitab haqqında

«Torpağın bərəkəti» (1917) romanı XX yüzil dünya ədə­biy­ya­tı­nın ən monumental epik əsərlərindən biridir. Əsərin təhkiyəsi onun qəhrəmanlarının həyatı kimi aramlı və sakitdir. Boş, heç kəs tərəfindən becərilməyən dövlətə məxsus meşəlik sahəyə İsaak adlı bir adam gəlib burada işləməyə başlayır. Bir müd­dət­dən sonra onun yanına bataqlıqdakı cığırdan keçərək İnger adlı bir qadın da gəlir. Əvvəlcə o, İsaakın yanında işçi kimi çalışır, sonra isə onlar evlənirlər…
İsaak və İngerin düşüncələri, duyğuları, zəhmət və xoşbəxtlik dolu həyatlarıtək sadə olsa da, primitiv deyil. Lakin İnger təzə doğulmuş dovşandodaq qızını tələf etdiyi üçün həbs olunur və İsaak yeddi il tək qalmalı olur.
Roman ürəyində torpaq sevgisi olanlara mənəvi qida verir. Hamsun açıq publisistikaya müraciət etmədən, sırf bədii va­si­tə­lər­­dən istifadə etməklə kənd həyatının şəhərdən üstünlüyü ide­ya­sını irəli sürür. Onun torpağa bağlı olan bütün qəh­rəman­la­rı həyatın çətinliklərinə və sınaqlarına əzmlə sinə gərirlər. Doğ­ma torpaqdan uzaq düşənlər isə narahat, qeyri-sabit həyat sü­rərək bədbəxt insanlara çevrilirlər.
Əsər çox böyük uğur qazanaraq, 1920-ci ildə Nobel sülh mü­ka­­fa­tına layiq görülmüş, dünyanın əksər dillərinə tərcümə olunaraq müəl­lifinə dünya şöhrəti qazandırmışdır.
Səhifə sayı - 456
978-9952-26-562-0
Cild - Yumşaq

Sirr kitabı - Gregory Samak - SizinKitab

Kitab haqqında

Əgər tarixi, müqəddəratınızı dəyişmək imkanınız olsaydı, nəyi dəyişərdiniz? – Qreqori Samakın “Sirr kitabı” oxucuya bu sualla müraciət edir. Əsərdəki hadisələr günümüzdə cərəyan edir. Elias Ayn tənha, müdrik qocadır, “yaşıdlarının əksəriyyəti kimi, onun da öz vərdişləri və həyatı kifayət qədər dolğun yaşamadığına dair dumanlı təəssüratları var”. Təqaüd yaşına çatanda, “ömrünü dinclik içində yaşamaq, taqətdən düşmüş vücudunun, nəhayət ki, ona xain çıxacağını və ölüm vədəsinin yetişəcəyini gözləmək üçün” Avstriyanın Braunau-am-İnn şəhərciyinə köçərək tənhalığa çəkilir. Lakin təzə evində nəhəng yeraltı kitabxananı kəşf etdikdən sonra maraqsız, tənha həyatı qeyri-adi hadisələr burulğanına çevrilir. Və Elias tənha qocadan tarixin gedişatını dəyişə bilən, zamanda və məkanda səyahət edə bilən bir insana çevrilir.
Özündə həmçinin fantastik elementləri birləşdirən bu roman Qreqori Samakın ilk əsəridir. Yazıçı belə deyir: “Bu əsər insanlığa öyüd vermək niyyətindən tamamilə uzaqdır. O, insanın taleyi ilə bağlı suallara toxunur. Bəzi tarixi hadisələr yaddaşlardan silinəndən sonra bizi nə gözləyir? Axı hazırda biz unutqanlıq prosesini yaşayırıq”.

9789952269420
Cild - Yumşaq

Sadəlövh - Qustav Flober - SizinKitab

Kitab haqqında

Görkəmli fransız yazıçısı Qustav Floberin bu po­ves­tin­də Felisite adlı sadə bir kəndli qızının mü­rəkkəb və kəş­məkəşli həyatı təsvir edilmişdir. Bu­rada son dərəcə sa­dəlövh bir qızın ilk nakam mə­həb­bətindən, onun xanım Obenin evində qul­luqçu kimi işləməsindən, xanıma son dərəcə sadiq olmasın­dan bəhs edilir. O, həm xanım Obenə, həm onun iki uşağına, həm öz bacısı oğluna, həm də kimsəsiz ağır xəstə Kolmiş babaya qarşı həddindən artıq qayğıkeş mün­asibət bəsləyir. Tək-tənha qaldığı zaman Lulu adlı bir tutuquşuna mehrini salır və bütün bu kimi hal­­larda çox səmimi və sadəlövhcəsinə davranır.
Tərcüməçi - Cəlil Nağıyev
110x160
Səhifə sayı - 140

Avqust işığı - Uilyam Folkner - SizinKitab

Kitab haqqında

Uilyam Folknerin ən çox sevilən və oxunulan romanlarından biri olan “Avqust
İşığı” böyük Amerikan yazarının yaradıcılığının ən güclü dövrünün məhsuludur.
Lena Qruvun hələ doğulmayan uşağına qətiyyətlə ata axtarmağı, bu zəngin və
insanın içini ümidlə dolduran hekayədə ölümlə necə əzmlə üz-üzə dayanmağın
mümkün olduğunu bizə göstərir. Bu əsərdə biz həmçinin Folknerin ən unudulmaz
qəhrəmanları ilə tanış oluruq: Qeyl Haytauer və Co Kristmas. “Avqust İşığında” bu
qəhrəmanların hekayələrini çox güclü formada etdiyi girişlərlə Folkner Şimal
haqqındakı təsəvvürlərini əks etdirib və bununla da öz heyranedici möhtəşəmliyi ilə
ədəbiyyatın ən gözəl nümunələrindən birini yaradıb. C.E Morqanın yazdığı yeni ön
söz ilə bu nəşr 1985 ci ildə Folkner yaradıcılığı üzrə ekspert Noel Polk tərəfindən
korrektə olunaraq yenidən çap olunmuşdur.
Tərcüməçi - Tehran Vəliyev
9789952365740
Səhifə sayı - 464

Baş - Elçin Əfəndiyev - SizinKitab

Kitab haqqında

Elçin Azərbaycan ədəbiyyatının canlı klassiki hesab olunur. Bir çox nüfuzlu beynəlxalq mükafatlara layiq görülüb. Romanları, povest və hekayələri, eləcə də elmi monoqrafiya və məqalələri 30-dan çox dilə tərcümə olunub. Pyesləri Nyu-York, London, İstanbul, Moskva, Sankt-Peterburq, Ankara və başqa şəhərlərin teatrlarında tamaşaya qoyulub.
Kitablarının ümumi tirajı altı milyona yaxındır.
Səhifə sayı - 368
9789952361360
Cild - Qalın

Əbuhübb - Aydın Talıbzadə - SizinKitab

Kitab haqqında

«Əbuhübb» təsəvvüf parolundan götürülmüş bir addır; mənasını tapmaq üçün gərək romanı oxuyasan.
«Monamor» isə artıq müəllif şifrəsidir. Bu sözü güzgü prinsipilə açanda «roman om» alınır, yəni «Om romanı»… Veda ənənəsində Om mantradır, özündə hər şeyi və bütövlükdə kainatı ehtiva edən sakral səsdir.
Roman iki müxtəlif gerçəklik, iki müxtəlif zaman müstəvisində inkişaf etdirilir və bu müstəvilər yalnız ruhsal qatda bir-birilə baxışır. Əslində isə bu roman müasir dərvişəbənzər bir rəssamın yaşantı və düşüncələrindən hörgülənib.
Sevgi və qanun, sevgi və mənəvi borc, sevgi və əxlaq romanın hədəflədiyi mövzulardır.
Əgər oxusanız, fərqli bir romanla qarşılaşacaqsınız…»
Səhifə sayı - 320
9789952269383
Cild - Yumşaq