Möcüzələr dükanı - Jorji Amadu - SizinKitab

Kitab haqqında

«Möcüzələr dükanı»nda həqiqətən, möcüzəli bir aləmə düşürsən. Hər dəqiqə möcüzə. Hər addımda möcüzə... Amadunun bir çox romanlarında olduğu kimi, «Möcüzələr dükanı»nda da ədalətsevər, azadlığa can atan xalqın natamamlıq kompleksi, azad təbiəti burjua mühitinə və burjua dünyagörüşünə qarşı qoyulur. Lakin başqa əsərlərindən fərqli olaraq, yazıçının bu romanında həmin qarşıdurma öz zirvəsinə çatır. Adama elə gəlir ki, böyük sənətkar «Möcüzələr dükanı»nı öz içindəki bəzi mətləbləri aydınlaşdırmaq üçün yazıb.
Səhifə sayı - 464
9789952368147
Cild - Yumşaq

Svann yolunda. İtirilmiş zamanın sorağında - Marsel Prust - SizinKitab

Kitab haqqında

“Svann yolunda” avtobioqrafik roman olmasa da, Marsel Prust özünün kiçik yaşlı qəhrəmanı ilə birlikdə vaxtaşırı qədim dədə-baba yurdu Kombreyə və oradan da bir-birinə əks iki səmtə, iki ayrı-ayrı aləmə əyani-qiyabi səyahətlərə çıxmaqla haradasa həm də “itirilmiş zamanın sorağına” çıxır və hər yerdə – istər öz otağında, ya bir küçədə, kilsədə, çəmənlikdə, çay sahilində, istərsə də hər şeydə – bir fincan çayda, bir tikə piroqda, axar suda, gül-çiçək qoxusunda, şah əsəri qarşısında, hətta röyalarında elə hey nəsə axtarır; özü də hamı tərəfindən qəbul edilmiş səciyyəvi məziyyətlər, “ütülənmiş” dəyərlər – “ifrat sığallı” bağ-bağat, “aşırı tumarlı” məhəbbət, “hədsiz dürüst” qadın siması onu çox da maraqlandırmır: çünki Əlahəzrət Həqiqət mövcud, oturuşmuş Gerçəklikdə deyil, asimmetrik gerçəklərin arxasında gizlənir; özünün, əcdadlarının əlindən alınmış Zamanı da onların arxasında axtarmaq gərəkdir – “İtirilmiş Zamanı” geri almaq, əsl Həqiqətə qovuşmaq yolunda yüzillər, minillər qabaq bəlli simaların uydurduğu hansısa başqa dünyaya can atmaq isə hədər vaxt itkisindən savayı bir şey deyil...
Səhifə sayı - 280
2001269804635
Cild - Yumşaq

İstanbul ulduzu - Gül İrepoğlu - SizinKitab

Kitab haqqında

Gül İrəpoğlunun yeni əsəri “İstanbul ulduzu” romanında əsrarəngiz bir almazın hekayəsi ətrafında demək olar ki, “bir almazın işığında Osmanlı tarixi” qələmə alınmışdır. Bu elə bir almazdır ki, daim hər tərəfə mavi işıq saçır. Və bu mavi işığın şöləsində Qanuninin bənzərsiz dəbilqəsindən II Əbdülhəmidin Parisdə satılan qiymətli daş-qaşlarına əsrlər, macəralar, iqtidar hərsliyi, ehtirasdan da üstün eşqlər, bağlılıqlar, xəyanətlər rəngərarəng təntənəli yürüyüşə çıxır.
Səhifə sayı - 176
978-9952-36-845-1
Cild - Yumşaq

Yaşıl Mil - Stiven King - SizinKitab

Kitab haqqında

Əsər Pol Eskomin dili ilə nəql edilir. Öz cavanlıq illərini xatırlayan Pol haçansa ölüm hökmünün icrasını gözləyən məhkumlar üçün nəzərdə tutulmuş həbsxananın «E» blokunun sabiq baş nəzarətçisi olmuşdur. Onun «qəyyumları» arasında Con adlı nəhəng, safqəlbli bir zənci də var idi. O, iki kiçik qız uşağının qəddarcasına qətlində günahlandırılırdı. Sonradan məlum olur ki, Con bu cinayətdə günahkar deyil. O, sadəcə olaraq, uşaqları xilas etmək istərkən polislər tərəfindən yaxalanmışdır.
«Yaşıl Mil» romanını Stiven Kinq 1996-cı ildə yazmışdı. Kitab ilk nəşrindən sonra «Yaxşı roman» nominasiyasında Brem Stoker mükafatına layiq görülmüşdür. 1999-cu ildə isə bu roman çox uğurla ekranlaşdırılmışdır. «Yaşıl Mil» romanı Kinqin ən yaxşı əsərlərindən sayılır. Çox emosional, mürəkkəb süjet xəttinə və əlvan dekorasiyalara malik olan bu romanda təkcə mistik deyil, eyni zamanda fəlsəfi suallar da öz həllini tapır.
Səhifə sayı - 584
9789952267051
Cild - Yumşaq

On bir dəqiqə - Paulo Coelho - SizinKitab

Kitab haqqında

Dünyanın ən çox oxunan müəlliflərindən biri, Braziliya yazıçısı Paulo Koelyonun insan qəlbinin gizlinlərindən bəhs edən “On bir dəqiqə” adlı bestselleri həyata orijinal münasibətilə diqqəti çəkir. Roman, Braziliyadan Avropanı fəth etməyə gələn, bir il öz xoşuyla fahişəliklə məşğul olan gənc qızın romantik xəyalları və acı gerçəklik haqqında ürəktərpədən elegiyadır.
Səhifə sayı - 300
2000022967969
Cild - Yumşaq

Məhkəmə - Franz Kafka - SizinKitab

Kitab haqqında

Zavallı bəşər övladının dərkolunmaz sirli qüvvələr qarşısında acizliyi, həmişə onların qurbanına çevrilməsi Frans Kafkanın “Məhkəmə” (1914) romanının əsas ideyasını təşkil edir.
…Otuz yaşı tamam olan günü, heç bir günah işlətməsə də, vicdanlı, işgüzar bank məmuru Yozef K. həbs olunur və iş gedib məhkəməyə çıxır. Yozef K. günahsız olduğunu bilsə də, baş verənlərə soyuqqanlılıqla yanaşmağa çalışsa da, bu xəbərdən sonra nə yaşadığı evdə, nə də işdə rahatlıq tapa bilmir, daim bu gizli, qeyri-adi məhkəmə barədə düşünür. Sirli məhkəmə çoxmərtəbəli bir binanın çardağında yerləşir, işçilərinin, eləcə də mühakimə etdiyi adamların sayı-hesabı yoxdur. Burada hamı günahkardır və heç kəsin günahı üzünə oxunmasa da, hamı cəzasını çəkməlidir. İlk günlər bu məhkəmədən lap tezliklə canını qurtaracağına əmin olan Yozef yalnız özünü müdafiə etməklə kifayətlənmir, oradakıları cəsarətlə tənqid edir, “qanun keşikçilərini” qanunsuzluqda günahlandırır. Lakin daxilində baş qaldırmış etiraz hissləri tədricən zəifləməyə başlayır və o da axırda bu müəmmalı məhkəmənin sehrinə düşür, sakit, rahat həyatı öz məcrasından çıxır, daxilində baş qaldırmış narahatçılıq, günah hissləri onu hətta çağırılmayanda da ora aparır, çünki bu gözəgörünməz məhkəmə artıq onun iradəsini, ağlını əlindən alıb, sehrləyib, öz əsirinə çevirib…
Səhifə sayı - 240
2001269134633
Cild - Yumşaq

Otaq - Emma Donoghue - SizinKitab

Otaq - Emma Donoghue - SizinKitab
Kitab haqqında

“New York Times”ın bestsellerlər siyahısından ardıcıl ola­raq 18 həftə düşməyən “Otaq” romanı dünyanın qırxdan çox dilinə tərcümə olunmuşdur. Əsərdə doğulduğu dörd divar arasından heç vaxt kənara çıxmayan, onu əhatə edən dünya barədə məlumatları yalnız kitab səhifələrindən və televizordan alan balaca Cekdən bəhs olunur. O, xoşbəxt­dir. Anası yanındadır, başqaları kimi yaşamamaq məcburiy­yə­tində qaldıqlarından xəbərsizdir. Onun üçün bütün dünya bir otaqdan ibarətdir. Doğulduğu, anası ilə birlikdə yaşadığı, ye­mək yediyi, oynadığı, televizora baxdığı və çöl haqqında hər şeyi öyrəndiyi otaqdan... Amma illüziya əbədi olmur. Cek böyüyür və günün birində həyatı dərk etməyə başlayır. Onun sualları artdıqca çarəsizlik halqası da daralır və otaqdan çıxmağın yolları aranır.
“Otaq” bir-birinə möhkəm bağlı olan ana ilə oğulun sevgi və dəhşət dolu hekayəsidir.
Səhifə sayı - 448
9789952368154
Cild - Yumşaq

Böyürtkənli Qış – Sarah Jio - SizinKitab
Kitab haqqında

Roman elə ilk sətirlərdən oxucunu özünə cəlb edir. 1933-cü ilin may ayında Sietldə oğlunu tək böyüdən ana yatmamışdan əvvəl onu öpür və gecə növbəsinə işə gedir. Səhər isə şəhərə qar yağır, Vera işdən çıxıb evə gəlir və oğlunun yoxa çıxdığını görür. Aradan az qala 80 il keçəndən sonra yenidən may ayında Sietlə qar yağır və redaksiyadan qar tufanı haqda yazmaq tapşırığı alan Kler Oldricin apardığı təhqiqatlar tükürpərdən, dəhşətli hadisələrə işıq salır.
Səhifə sayı - 328
9789952363005
Cild - Yumşaq

Mart bənövşələri - Sarah Jio - SizinKitab

Kitab haqqında

«Mart bənövşələri» müasir Amerika yazıçısı Sarah Jionun ən çox oxunan kitablarından biridir. Romanda böyük və əbədi məhəbbətdən söz açılır. Şəxsi həyatında uğursuzluğa uğrayan yazıçı qız əsəblərini dincəltmək üçün xalasının olduğu adaya gedir və burda yataq otağından bir gündəlik tapır. Bu gündəliyin sayəsində yazıçı on illərlə gizlin qalan ailə sirlərinin üstünü açır. Bununla da onun sevgi, həyəcan, təlatüm dolu əsl həyatı başlayır.
Səhifə sayı - 280
9789952362534
Cild - Yumşaq

Yaşıl bağın ölüləri - Məhəmmədrza Bayrami - SizinKitab

Kitab haqqında

Bu ictimai-siyasi roman Balaş adlı adi bir şəxsin həyatından bəhs edir. O, Təbriz bazarında satıcı işləsə də gözəl səsə malik olduğu üçün ilk öncə Azərbaycan Demokrat Firqəsinin radiosunda diktor, daha sonra firqənin “Azərbaycan” qəzetində müxbir kimi çalışır. İran mərkəzi hökumətinin qoşunları Azərbaycan əyalətinə daxil olduqdan və ADF rəhbərləri ölkəni tərk etdikdən sonra Balaşın acı və çətin günləri başlayır. O, həyat yoldaşını itirdikdən sonra tək övladı ilə keçmiş Sovetlər Birliyinin sərhədlərinə qədər gəlsə də, ölkəni tərk etmək fikirindən daşınır və qayıdarkən başına faciələr gəlir... Romanda körpə yaşlarında ikən atası qətlə yetmiş Bulud adlı bir yeniyetmədən də paralel olaraq bəhs edilir...
https://www.qanun.az/blog/336
Səhifə sayı - 384
9789952368246
Cild - Yumşaq

Hərb və sülh - Lev Tolstoy - SizinKitab

Kitab haqqında

Dünya ədəbiyyatında özünəməxsus yeri olan məşhur rus yazıçısı L.N.Tolstoyun 1804-1807 və 1812-1813-cü illər rus-fransız müharibələrinə həsr olunmuş “Hərb və sülh” romanında ədibin bədii dühasının xəlqiliyi tam vüsətlə öz əksini tapmışdır. Bu roman vətənpərvərlik pafosu, xalqın tarixdə həlledici rolunu təsdiqləyən sosial-fəlsəfi məzmunu, yüksək bədii dili, epik-təhkiyə üslubu, kompozisiyanın çoxplanlılığı, psixoloji təhlilin dərinliyi, insan xarakterlərinin dolğunluğu və s. keyfiyyətləri ilə XIX əsr dünya realist nəsrinin zirvələrindən sayılır.
Səhifə sayı - 1024
9789952368017
Cild - Yumşaq

Həminki mən - Jojo Moyes - SizinKitab

Kitab haqqında

Bu kitab Luiza Klarkın Nyu-Yorkdakı həyatından bəhs edir. O, Semlə tanış olandan sonra iş arxasınca Nyu-Yorka gedir. İlk günlər hər şey ürəyincə olur. Aqnes adlı qadının köməkçisi işləyir, onunla birgə maraqlı tədbirlərdə iştirak edir. Sonra hər şey qəflətən dəyişir. Aqnesin səhvi ucbatından Luiza işdən qovulur. Onun çətin günləri başlayır. Qalmağa yeri, işi olmur. Günlərlə küçələri dolaşıb iş axtarır, tanışının mənzilində gecələyir. Bir gün bəxti üzünə gülür. Qonşuluqda yaşayan yaşlı bir qadının itini küçədə görür. İti götürüb həmin qadının mənzilinə gedəndə məlum olur ki, qadın yıxılıb, onu xəstəxanaya aparmalı olur. Bundan sonra həmin qadının evində yaşayır. Sevdiyi Semdən ayrılır. Ona elə gəlir ki, Sem heç də onu başa düşmür. Gec də olsa Luiza Klark özünü kəşf edir. Arzularını həyata keçirir. Semi daha yaxından tanıyır. Həyəcanlı anlar yaşayır. Gec də olsa Semi seçməkdə yanılmadığını başa düşür.
Səhifə sayı - 504
9789952367751
Cild - Yumşaq

Aeroport - Artur Hailey - SizinKitab

Kitab haqqında

Müasir Amerika yazıçısı Arthur Hailey-in “Aeroport” romanı 1968-ci ildə ABŞ ədəbiyyatının ən yaxşı romanı hesab edilmişdir. Müəllif özünəməxsus dinamik tərzdə aeroport və onun öz ətrafında birləşdirdiyi müxtəlif adamların ehtiyaclarını, istək və arzularını, məhrumiyyətlərini, acı talelərini oxucusuna təqdim edir. Müasir aeroportdakı qarışıqlıq əslində bugünkü ABŞ-ın bədii modeli kimi verilir.
Səhifə sayı - 624
9789952368062
Cild - Yumşaq

Qum dəryasının kapitanları - Jorji Amadu - SizinKitab

Kitab haqqında

“Qum dəryasının kapitanları” yeniyetmələrin ağır həyatından söz açır. Acı həqiqətlərin zərgər dəqiqliyi ilə təsviri bu romanın fərqli cəhətidir. Yazıçı bizi həyatın axarına buraxılmış bu uşaqların güzəranının ən xırda incəliklərini belə yaşamağa sövq edir. Həm məzəli, həm də bəzən son dərəcə iyrənc təfərrüatlarla tanış olub sarsılırıq. Gözlərimizin önündə personajlar sərgilənir – bir-birindən fərqli, bir-birinə bənzəməyən talelər üzə çıxır. Bu uşaqların hərəsi öz həyatını yaşayır, amma hamısı birlikdə ağır, ac bir qisməti – qeyri-bərabər, ədalətsiz, ikiüzlü cəmiyyətdə yaşamaq yükünü öz zəif çiyinlərində daşıyır. Bu cür amansız gerçəklik, sərt həyat həqiqəti fonunda isə yeniyetmələrin zəngin, poetik iç dünyası açılır.
Səhifə sayı - 312
9789952368130
Cild - Yumşaq

Qızıl buynuzdan olan qız - Qurban Səid - SizinKitab

Kitab haqqında

Məşhur “Əli və Nino” romanının müəllifi kimi tanıdığımız Qurban Səidin ilk dəfə 1938-ci ildə Vyanada nəşr olunmuş “Qızıl Buynuzdan olan qız” əsəri yazıçının ustalığı və mətnin bədii siqləti cəhətdən diqqəti çəkir. Şərq və Qərb mədəniyyətləri, dəyərləri, adət-ənənələri, düşüncələri arasındakı amansız müba­rizəni əks etdirən roman bu gün dünyanın onlarla dilinə tərcümə edilib, oxucuların qəlbini fəth edib. Əminik ki, əsər tezliklə Azər­baycan oxucularının da diqqətini çəkəcək, onların masaüstü kitabına çevriləcək.
Səhifə sayı - 288
Qızıl buynuzdan olan qız
Cild - Yumşaq

İtirilmiş zaman - Xanım Mehdixanlı - SizinKitab

Kitab haqqında

Roman gənc bir qızın sevgilisinin Qarabağ mühari­bə­sində şəhid olması və buna görə ailə qurmaqdan imtina etməsi fonunda müharibənin insan talelərində yaratdığı faciələri oxuculara çatdırır. 90-cı illərin ab-havasını oxucuya çatdıran müəllif əsl sevginin, sədaqətin hələ də mövcud olduğunu gənc nəsilə çatdırmaq istəyir.
Kitabda yer alan ikinci əsər “Sevgi bitərsə” adlı povest isə ailəsinə, ilk məhəbbətinə xəyanət edən kişilərin qısqanclıq adı ilə həyat yoldaşlarına qarşı etdikləri ədalətsizlik qələmə alınmışdır.
Səhifə sayı - 224
Cild - Yumşaq

Gün var əsrə bərabər - Çingiz Aytmatov - SizinKitab

Kitab haqqında

Ç.Aytmatovun “Gün var əsrə bərabər” romanının baş qəhrəmanı Yedigey vicdanlı, yorulmaq bilməyən zəhmətkeş, öz yüksək mənəvi borcuna sadiq bir insandır. Müəllif qəhrəmanın taleyini müasir dövrün bir sıra problemləri və bütün bəşəriyyətin sabahkı günü ilə müqayisə edib, dünyada əmin-amanlığın, xeyirxahlığın və humanizmin təntənəsini ən böyük qələbə kimi səciyyələndirir.
Səhifə sayı - 400
9789952360301
Cild - Yumşaq

Qayıtmasam da, gözlə - Aytən Cavanşir - SizinKitab

Kitab haqqında

Uzaq illərin kədərli xatirələrinə şahidlik edə-edə qə­fil aşiq olmaq və gözlənilmədən onu itirmək... Görəsən, qayıdacağına söz verməyən birini gözləmək divanəlikdirmi?
Romanda hadisələr Azərbaycan, Polşa, İtaliya, Fran­sa, Bolqarıstan və İraqda cərəyan edir.
Keçmiş səhvlərinə görə peşman olanlar, alçaldıldı­ğı­nı gec anlayıb tərk edənlər, səbəbsiz şübhələrlə bir-bi­rinə zülm edən və bilə-bilə övladını edama göndə­rən­lərlə yanaşı, müasir dünyanın rəhmsiz qanunlarına rəğmən, əsərdə sona qədər sədaqətli olmağı bacaran insanların obrazı yaradılmışdır.
Təəccüblüdürmü? Niyə? Sədaqət nə deməkdir ki? Bəlkə, kor-koranə, cahilcəsinə, qovuşacağına inanmadan gözləmək?...
Səhifə sayı - 320
978-9952-36-799-7
Cild - Yumşaq

Ay və qara qəpik - Somerset Moem - SizinKitab

Kitab haqqında

Romanda bütünlüklə özünü sənətə vermiş insanın ya­rat­maq eşqi, Ay kimi əlçatmaz dahilik işığı və onunla mü­qa­yisədə bir qara qu­ruşa dəyməyən bayağı var-dövlət meş­şanlığı üz-üzə qoyulur. Əsər dahi fransız rəssamı Pol Qogenin həyatına improvizasiyadır.
Dahi və xudpəsənd, alicənablıq və rəzillik, istedad və qəd­darlıq – eyni bir şəxsdə bu sifətlərin olması mümkün­dür­mü? Dahiliklə əc­laflıq bir araya sığa bilərmi? Sənətkar yaşadığı cəmiyyətin əxlaq qa­nunları ilə hesablaşma­lı­dır­mı? “Yaradıcı adamın içində bir iblis də var” – bu deyim doğrudurmu? Görkəmli ingilis nasiri S.Moem kitabda bu prob­lem­­ləri bədii bir dillə açıqlayır .
Səhifə sayı - 256
9789952262476
Cild - Yumşaq

Qara Şəhər- Boris Akunin -SizinKitab

Kitab haqqında

Rus yazıçısı Boris Akuninin “Qara Şəhər” romanı Azərbaycan oxucusu üçün ikiqat maraqlı olacaq. Çünki əsərdə hadi­sələr Bakıda, Qara şəhərdə, Yasamalda, İçərişəhərdə, Bibi­heybətdə cərəyan edir.
Əsərdə köhnə Bakı təsvir edilir. Hiss olunur ki, müəllif o dövrü, Bakının ictimai-siyasi, demoqrafik durumunu, neft fəv­varələri ilə varlanmış şəxslərin təmtəraqlı həyatını yaxşı öyrənib.
Bundan başqa, əsərdə Bakının Rusiyanın ucqar bir əyalət şəhəri olduğu, burada yaşayan ermənilərlə azərbaycanlıların münasibətləri dolğun şəkildə təsvir olunub.
Aydın olur ki, Bakı Rusiya imperiyasının ucqar şəhəri olsa da, buradakı həyat Moskva, Peterburq və Tiflisdəkindən də bahalıdır. Burada milyardlar dövr olunur, ona görə də istər imperiyanın özünün, istərsə də xarici dövlətlərin diqqət mərkəzindədir. O dövrdə yeni-yeni təşkilatlanan inqilabçı partiyalar da Bakıdakı milyonlardan öz nəsiblərini almaq, buradakı fəhlə sinfinin gücündən istifadə etmək istəyirlər.
Əsərin qəhrəmanı Erast Petroviç Fandorin Bakıya bacarıqlı və ələkeçməz bir inqilabçı-terrorçunu zərərsizləşdirməyə gəlir və elə qatardan endiyi andan etibarən başına ardı-arası kəsilməyən macəralar gəlir.
“Qara Şəhər” romanının ən maraqlı obrazlarından biri qoçu Qara Qasımdır. O, Fandorini ilk gündən son gününəcən müşayiət edir və sonda əsərin ən gözlənilməz personajı olduğu bilinir.
Böyük ehtimalla əsərin rezümesi olaraq gəlinən qənaət heç bir tarixi sənədə əsaslanmır və sırf yazıçı təxəyyülünün məhsuludur, amma əsərdən belə anlaşılır ki, I Dünya müharibəsinin başlanmasının başlıca səbəbi Qara Qasımın bir hərəkəti olub. O bunu etməsə, dünya müharibəsinin qarşısı alınacaqmış...
Bunu bilməkdən ötrü “Qara Şəhər”i oxumaq lazımdır.
Səhifə sayı - 448
978-9952-36-758-4
Cild - Yumşaq

Emma - Ceyn Ostin - SizinKitab

Kitab haqqında

Ceyn Ostin hələ də haqlı olaraq ingilis ədəbiyyatının “Birinci xanımı” hesab edilir. Onun əsərləri Böyük Britaniyanın bütün kollec və universitetlərində məcburi oxunan ədəbiyyatlar siyahısındadır, kitabları şedevr kimi qəbul edilir, süjetin səmimiliyi və sadəliyi ilə cəlb edir. “Emma” haqlı olaraq Jane Austen-in ən yaxşı əsəri sayılır, onun yaradıcılığının zirvəsi hesab edilir. Romandakı hadisələr varlı mülkədar Vudhausun Emma adlı qızının ətrafında cərəyan edir. Bu hekayətin kifayət qədər tipik olmayan qəhrəmanı kasıb deyil, onun hər şeyi var – yaxşı evi, sevən atası, var-dövləti, – yalnız əri yoxdur. O, ümumiyyətlə, öz həyatından tam razıdır, buna görə də kiməsə vurulmaq, ərə getmək arzusu yoxdur. Əvəzində onu əhatə edən insanların romantik hekayətlərinə qarışmağı daha çox sevir. “Emma” kitabının qəhrəmanı öz niyyətinə elə aludə olur ki, ətrafında baş verənləri görə bilmir. Bu onu tez-tez pis vəziyyətə salır. Müxtəlif xanımlara adaxlı seçməyə aludə olan Emma, bu adaxlılardan bəzilərinin onun özü ilə maraqlandığını və özlərini bu qızların tayı saymadıqlarını güman belə etmir. Ən yaxşı dostu cənab Naytli onu dəfələrlə xəbərdar edir, amma xanım kiməsə qulaq asmağa adət etməyib. Emma heç nəyə baxmadan Harriet Smitin şəxsi həyatını qurmaq cəhdlərinə davam edir. Amma bu dəfə onun planları alt-üst olmağa məhkumdur və qız axmaq vəziyyətə düşür.
Səhifə sayı - 480
978995236722
Cild - Yumşaq

Mahur Bəstə - Ahmet Hamdi Tanpınar - SizinKitab

Kitab haqqında

“Mahur Bəstə” “keçmiş zaman insanları”nın həyatını təs­vir edən bir roman və ya bir-birinə bağlı hekayələr silsiləsidir.
Tanpınar digər əsərlərində olduğu kimi “Mahur Bəstə” də insan ilə zaman və ya tarix arasındakı münasibəti göstərməyə çalışır. Hər bir insan içində yaşadığı mühit və zamana görə formalaşır. Fəqət Tanpınar üçün zaman, sadəcə insanın xaricində işləyən bir mexanizm deyil, həyatın bir növ özüdür; yaşanılan hər bir an zamanın bir hissəsidir.
Səhifə sayı - 224
9789952367850
Cild - Yumşaq

Aydakı qadın - Ahmet Hamdi Tanpınar - SizinKitab

Kitab haqqında

Ahmet Hamdi Tanpınar (1901-1962) şeir, roman, hekayə, esse və tədqiqat sahələrində yazdığı əsərlərlə hərtərəfli bir sənət adamı olaraq Cümhuriyyətdən sonrakı türk ədəbiyyatında özünəməxsus yer qazanmışdır.
Yazıçının ölümü səbəbi ilə yarımçıq qalan bu romanın eskizləri 1974-cü ildə Tanpınarın İstanbul Türkiyat İnstitutuna verilən digər sənədləri arasında qarışıq bir şəkildə nömrələnmiş halda idi. “Aydakı qadın”ı kitab halına gətirmək üçün onu əvvəlcə təxminən dörd min səhifəyə yaxın materialın içindən ayırmaq lazım gəlirdi. Daha sonra bir neçə eskizi olan və səhifələrinin çoxu nömrələnmiş olan roman müəllifin plan və qeydlərinə əsasən uyğun vəziyyətə gətirildi.
Səhifə sayı - 320
978-9952-36-773-7
Cild - Yumşaq