Qətreyi-matəm - İskender Pala - SizinKitab

Kitab haqqında

Şahin öz sevgilisini bir-birinə qovuşduqları ilk gecədə itirir.
O, bu itkinin arxasındakı sirri açmağa çalışır. Düz Osmanlı
sarayına qədər gedib çıxır. Bu səyahətlə oxucu gözləmədiyi
yerlərdə gözləmədiyi macəraların içinə düşür. Bir-birini əvəz
edən cinayətlər müəmmalı hadisələrə doğru aparır. Nəhayət, Lalə
Dövrünə son qoyan üsyan başlayır. Dağıdıcı siyasi qarışıqlıqda
bütün sirlər açılır.
Müəllif romanda vüsala çatmayan sevgililərin dərd-ələmli
hallarını bütün əzəməti ilə qələmə alır.
Səhifə sayı - 576
ISBN 978-9952-38-192-4
Cild - Yumşaq

Arzulara aparan yol - Sara Bağırova - SizinKitab

Kitab haqqında

Ömür paylarına sığmayacaq qədər olan istəkləri
və arzuları olmasa insanların yaşadıqları həyat sayılmaz.
Sevincin ən böyük arzusu sevib-seçdiyi sənətini
mükəmməl bilmək istəyi olur. O unudulmaqda olan
qədim nəğmələri, bayatıları, ağıları, folklor mahnılarını,
bölgələrə aid dialekt sözləri yerlərdə bilmək
üçün ata yurduna getməyə qərar verir. Onu arzularına
aparan cığır ata ocağından başlayır.
Arzularını yaşatmaq, arzuları ilə yaşamaq üçün
Sevinc həyatın qarmaqarışıq, dolanbac yollarından
keçməyi belə gözə alır.
“Arzulara aparan yol” tələbə bir qızın sahib olmaq
istədiyi sənətinə olan istəyindən bəhs edən romandır.
Səhifə sayı - 200
ISBN 978-9952-38-212-9
Cild - Yumşaq

Lolita - Vladimir Nabokov - SizinKitab

Kitab haqqında

Romanın baş qəhrəmanı haqda xoş söz deməyə heç bir
əsas yoxdur. O, öz qızlığına sataşacaq qədər alçaqdır. Əxlaqsızlığa
parlaq misaldır. Lakin azğınlıq və yüngüllük çulğaşaraq
onda şiddətli əzablara səbəb olur və bəzi duyğularını cəlbedici
edir. Qəhrəmanın qəribəlikləri, əlbəttə, çətin həzm olunur.
Etiraflarındakı səmimiyyət və doğruluq onu iblisanə hərəkətlərinin
məsuliyyətindən azad etmir.
Bütün qəzəb və nifrətimizə baxmayaraq kitabdan ayrıla
bilmirik!
Tərbiyəsiz qız uşağı, başı özünə qarışmış ana və ehtiraslarının
əsiri olan atalıq bizə təhlükəli meyllər barədə xəbərdarlıq edir,
mümkün bəlaları göstərir. Roman bizim hamımızı – valideynləri,
müəllimləri, bütün yetkin insanları ayıq-sayıq olmağa, yeni nəsil
üçün etibarlı mühit yaratmağa və sağlam gələcək yetişdirməyə
sövq edir.
Bu kitab 1955-ci ildə Fransada nəşr edilsə də uzun müddət
İngiltərə, Argentina, Yeni Zelandiya, Cənubi Afrikada yayımına
qadağa qoyulub.
Səhifə sayı - 448
ISBN 978-9952-38-209-9
Cild - Yumşaq

İblİs sonatası - Elmin Nicat - SizinKitab

Kitab haqqında

Hər qarışında qan var bu dünyanın
Hər toz zərrəsində insan cəsədi
Və zaman cəzasız bir qatildir
Hər anında ölümə məhkum edən hər kəsi
Buludlar da göz yaşıdır
Bir zamanlar Həvvanın gözlərindən
buxarlanan
Və həyat özü də bir cəzadır
Tanrıdan bizə ismarlanan...
Səhifə sayı - 168
İblİs sonatası
Cild - Yumşaq

Türkiyədə danışır Bakı - Gülnar Əhməd - SizinKitab

Kitab haqqında

Bir mühacirin mücadiləsi
“Türkiyədə danışır Bakı” romanında oxucu əvvəlcə 1980-ci ilin 12 sentyabr səhəri Türkiyədə mühacir azərbaycanlı ailənin hər an həbs olunacağını gözləyən üzvünün narahat vəziyyəti ilə tanış olur. Romanın baş qəhrəmanı orta yaşlı Orxan çevrilib arxaya, Nəqşibəndi təriqətindən olan atalarının Çar sürgünündən başlayaraq 12 sentyabra qədər gəldiyi yola baxır.
Bu uzun, nahamar yolda ailənin üzvlərinin qarşılaşdığı hadisələr Rusiya İmperiyası, Osmanlı İmperiyası, Azərbaycan Xalq Cümhuriyyəti, Türkiyə Cümhuriyyəti, Azərbaycan Sovet Sosialist Respublikası və Azərbaycan Respublikasında baş verir.
Bəlkə heç ataları mühacirliyi seçməməliydi? “Niyə bu torpaqda doğuldum?”
Orxan daha sonra çevrilib öz keçmişinə, bir hissəsi Stalin repressiyalarında məhv olmuş babasına, əmilərinə; anasının dindar ailəsinə, millətçi atanın məcburən solçu olan, amma sürgündəki qohumlarına görə bolşeviklərə nifrətlə böyüyən oğluna – özünə baxır. Özünü tanıyandan başladığı ideallar uğrunda mübarizəyə davam etsin, yoxsa geriyə çəkilib Çar kazaklarının ayağı altından sağ çıxmış ailəsinin çətinliklə xilas etdiyi davamçılarını qorusun?
Orxan SSRİ-nin çöküşü ərəfəsində gəzdiyi ucsuz-bucaqsız Rusiyanı və ahıl yaşlarında səfər etdiyi Azərbaycanı tanıyır. Bundan sonra atalarının mühacirlik seçiminə münasibəti müəyyənləşir.
Romandakı içtimai-siyasi xadimlərin (Mustafa Vəkilov, Rəhim Vəkilov, Əhməd Cəfəroğlu, Vəfa Quluzadə, Mirvarid Dilbazi və s.) dialoqları orijinalda olduğu kimi saxlanılıb.
Səhifə sayı - 368
ISBN 978-9952-38-199-3
Cild - Yumşaq

Mantissa - John Fowles - SizinKitab

Kitab haqqında

“Mantissa” Faulzun yaradıcılığında ən kəskin tənqidlərlə
üzləşən romandır. Bəs, bu kütləvi tənqidin səbəbi nə
idi? Erotika? Bu, Faulzun yaradıcılığının ana xəttidir.
Yazıçı Mayls Qrin gözünü xəstəxana otağında açır. O,
yaddaşını tamamilə itirmiş vəziyyətdədir. İlham pərisi
Erato da öz növbəsində qayğıkeş həkim, onu anti-feminist,
burjua elitist kimi tənqid edən, “ədəbi cinayətləri”
ndə günahlandıran pank, bir geyşa və Qrinin yarı bulanıq
dünyasında nüfuzlu dryad kimi səhnəyə çıxır. Faulz
“Mantissa”da yazıçı Mayls Qrin ilə ilham pərisi arasındakı
fiziki və ruhi münasibəti qələmə alır. Con Faulz Mantisada
toxuduğu “zərif, lakin güclü tor”da ədəbiyyat, eşq və erotizmi
müxtəlif müstəvilərdə bir araya gətirsə də, oxucunu
əyləndirməklə yanaşı, düşündürməkdən əl çəkmir.
Səhifə sayı - 280
ISBN 978-9952-38-176-4
Cild - Yumşaq

Zolaqlı pijamalı oğlan - John Boyne - SizinKitab

Kitab haqqında

Hitlerin yəhudilərə qarşı amansız rəftarı sərhəd tanımır. Auşvits yəhudilərlə dolub. İki dostun ürək parçalayan hekayətidir bu roman. Dostların biri Auşvits rejiminə nəzarət edən komandanın oğlu, digəri isə həbsxanada qəddar işgəncələrə məruz qalan yəhudi ailəsinin üzvü...
Onların öz dünyası var, öz oyunları, öz məşğuliyyətləri, heç zaman ağıllarına gəlməyən dəhşətli bir sonluğun astanasında əyləncə axtarışındadırlar. Uşaq məsumluğu onları qaz kamerasının ağzına qədər dartıb gətirir...


Səhifə sayı - 208
978-99-52-36-722-5
Cild - Yumşaq


Səhifə sayı - 208
978-99-52-36-722-5
Cild - Yumşaq

Mifin gücü - Jozef Kempbell - SizinKitab

Kitab haqqında

Romandakı hadisələr iki əsas xətt üzrə cərəyan
edir. Biznesdə uğurlar əldə edən dostlardan birinin
səhvi hər kəsin həyatına təsir edir. İçində olan şeytani
hissləri boğa bilməyən Tərlanın hərəkətləri günümüzün
reallıqlarını xatırladır. O, xəyanəti yalnız onu
dünyalar qədər sevən həyat yoldaşına deyil, həm də
ən yaxın dostlarına edir. Heç kəsin gözləmədiyi halda
baş verən qətl hadisəsi isə hətta xəyanətkarları
da təəccübləndirir. Bu qətlə görə onlar mütləq cavab
verməlidirlər. Məhz bu dönəmlərdə ucqar rayonların
birində azyaşlı qız yoxa çıxır. Onun axtarışlarına
hər kəs cəlb olunsa da, bu bir nəticə vermir. Bir aydan
sonra kənddə meyit aşkar olunur. Yandırılmış
qız meyiti hər kəsi çox sarsıdır. Həmin meyitin azyaşlı
Səbinəyə məxsus olduğunu müəyyən edən istintaq
orqanı cinayəti törətməkdə Mahiri günahkar
bilərək həbs edir. İstintaq təcridxanasında Tərlanla
bir kamerada saxlanılan Mahirin gələcəyi isə yalnız
bir nəfərdən asılıdır. Əsərin sonunda qanunla
ədalətin mübarizəsi gedir. Qanun Mahirin, ədalət
isə Tərlanın taleyini müəyyən edir. Qətlə yetirilmiş
qardaşının qan haqqına sahib Çiçəyin qərarları qadın
qisasının fərqliliyini göstərir.
Səhifə sayı - 352
ISBN 978-9952-38-163-4
Cild - Yumşaq

Min möhtəşəm günəş - Xalid Hüseyni - SizinKitab

Kitab haqqında

Roman Əfqanıstanı darmadağın edən müharibənin qurbanı olmuş iki əfqan qadınının həyatından bəhs edir: əfqanlı zəngin birisinin nikahdan kənar qızı, uşaqlıqdan ailə sevgisindən məhrum olmuş Məryəm və mehriban ailənin sevimli qızı, maraqlı və rəngarəng həyat arzusunda olan Leyla.
Onların arasında ümumi heç nə yoxdur, ayrı-ayrı dünyalarda yaşayırlar, amma müharibə onların həyat yolunu birləşdirir. Özləri də bilmir onlar kimdir – rəqib, rəfiqə, yoxsa bacı. Təklikdə orta əsr desportizminə, amansızlığa qarşı dura bilməyəcəklərini başa düşüb birlikdə mübarizə aparırlar, ağır sınaqlardan keçirlər.
“Min möhtəşəm günəş” güclü, dramatik, lirik romandır – oxucu qəlbini riqqətə gətirən ağrısı, sevinci ilə, nəcib məqsədi, sonsuz lütfü ilə.
Səhifə sayı - 456
9789952264883
Cild - Yumşaq

Tatar çölü - Dino Buzzati - SizinKitab

Kitab haqqında

Gənc leytenant Covanni Droqo hərbi xidmət keçdiyi Bastiani qalasında sıxıntılı günlər yaşayır. Orada heç bircə gün də qalmaq istəmir. Amma zaman keçdikcə hər şey dəyişir.
Bir-birini əvəz edən maraqlı hadisələr, gənc zabitin hərbçi qüruru və Tatar çölünün vəhşi cazibəsi onu öz sehrinə salır.
Dünya ədəbiyyatının şedevrlərindən sayılan roman həyatın mənasına və insanın taleyə boyun əyməsinə tamam fərqli yöndən yanaşır.
Səhifə sayı - 288
ISBN 978-9952-26-431-9
Cild - Yumşaq

Bülbülü öldürmək - Harper Lee - SizinKitab

Kitab haqqında

Balaca bir qızın söylədiyi bu həyat hekayəsi çox dramatik
və təsirlidir. Müəllif uşaqlıq xatirələrindən yola çıxaraq
möhtəşəm bir roman yaradıb. Buna görə də onu Amerika
ədəbiyyatının şah əsəri hesab edirlər.
Süjet boyu oxucu mərhəmət və qəddarlıq, sevgi və nifrət
kimi zidd anlayışlarla qarşı-qarşıya qalır.
Kitab çap olunduğu il bestsellerə çevrilib, tənqidçilər
tərəfindən yüksək qiymətləndirilib. Növbəti il Pulitzer mükafatına
layiq görülüb. İndiyədək dünyanın 40 dilində 18
milyon nüsxədən çox nəşr olunub. Sonralar əsər əsasında
film də çəkilib.
Bütün bu ağlagəlməz uğurlarına baxmayaraq müəllif öz
romanını sadə sevgi hekayəsi adlandırıb.
Səhifə sayı - 448
9789952366464
Cild - Yumşaq

Hərflərin vahiməsi - Aqşin Yenisey - SizinKitab

Kitab haqqında

Çox səsli roman janrında yazılan “Hərflərin vahimə­si”nin mövzusu XX əsrdən üzü bəri bir-birini izləyən modern romanların bəhs etdiyi iqtidar-sənət qarşıdurmasıdır. Bu, əslində, güc olanla estetik olanın konfliktidir. Müəllifin məqsədi iqtidar gücünün ona qarşı müxalif olan sənəti öz nəzarətində saxlamaq üçün hansı bürokratik oyun qaydalarını işə saldığını və bu oyunun iştirakçısına çevrilən sənət adamının hansı faciələrlə üzləşdiyini göstərməkdir.
İqtidarın ideoloji maraqlarından doğan himayədarlıq təklifinə özünün acınacaqlı ehtiyaclarının dili ilə cavab verən yazar, öz timsalında sənətin ürək həqiqətini həyatın çörək həqiqətinə qurban verdiyinin fərqində. O, seçim qar­şı­sındadır; ya məşəqqətli, amma yaradıcı azadlıq, ya da gücün himayəsinə sığınan qısır və tox rahatlıq. Romanın qəhrəmanı mənsub olduğu cəmiyyətin fikrini öyrənmək istəyir. Artıq əxlaqi aşınmaya uğradılmış cəmiyyət ona aşağılayıcı bir dillə ikincini seçməyi, yəni azadlığını rahat­lığına qurban verməyi məsləhət görür. Fərd və cəmiyyət di­a­lo­qu fərdin məğlub olması ilə başa çatır. Beləliklə, siyasət oyuna çəkdiyi sənəti neytrallaşdırır, onu bir heçə çevirir. Söz çörəyə, gözəllik gücə yenilir. Zəncirini qırmış fərd öz mağarasına geri qayıdır, lakin o, artıq burada heç kimə lazım deyil.

Səhifə sayı - 144
ISBN 978-9952-38-168-9
Cild - Yumşaq

Alma - J.M.Q. Lö Klezio - SizinKitab

Kitab haqqında

Roman bir-biriylə əlaqəli iki hekayədən – insanlar tərəfindən nəsli kəsilmiş “Dodo” quşunu axtaran Jeremiylə insanları güldürmək üçün doğulmuş “Dodo” ləqəbli Dominikdən bəhs edir. Onları birləşdirən məkan isə Alma adasıdır. Yazıçı əsərdə şəkər qamışı plantasiyalarından, quldarlıqdan, insan ayağı dəyməyənə qədər adada məskunlaşmış əfsanəvi Dront quşundan, əvvəllər adanın onda doqquzunu örtən, qaçaq qulların xatirələriylə dolu olan, indi isə ovuc boyda qalmış meşələrdən bəhs edir. Ailəsinin keçmişdə gizli qalmış sirlərini araşdırmaq üçün adaya qayıdan Jereminin axtarışlarının iziylə gedərək, oxucuya bütöv bir tarixi dövrün, bu dövrün insanlarının, adından başqa heç nəyi olmayan qulların hekayətindən, quldar nəslindən olanların keçirdiyi günahkarlıq hissindən söz açır.
Səhifə sayı - 336
ISBN 978-9952-38-063-7
Cild - Yumşaq

Norveç gündəliyi. Naturalist-ədəbi səyahət - Arçil Kikodze - SizinKitab

Kitab haqqında

Gürcü yazıçının əsəri Norveçə səyahət haqqındadır. Əslində, bu “səyahət” əsl səyahətdən xeyli əvvəl başlayıb. Müəllif bədii kitablardan aldığı uşaqlıq təəssüratları ilə o yerlərin xəyalını qurub. Kitabı təxəyyüllə gerçəkliyin müqayisəsi ərsəyə gətirib. Xatirələr və real təəssüratlar Norveçlə Gürcüstanı birləşdirib. Norveç dağlarında, komalarında yazılan, bu möhtəşəm Skandinaviya ölkəsinin ədəbiyyatından, təbiətindən və insanlarından bəhs edən əsər oxucuya vazkeçilməz duyğular yaşadır.
Səhifə sayı - 144
ISBN 978-9952-38-101-6
Cild - Yumşaq

Zinka Adamyan - Ana Kordzaya-Samadaşvili - SizinKitab

Kitab haqqında

Əsərin baş qəhrəmanı həyatın ağır sınaqlarından keçmiş bir akkordeonçudur. Özü gürcü olsa da, soyadı qəribədir: Adamyan. Bəlkə də, özü uydurub bu soyadı. Çünki cürbəcür əhvalatlar uydurub söyləməyi və gülümsəməyi çox sevir. Tale də onun üzünə gülümsəyib. Həyatındakı çətinliklərə baxmayaraq, ona “Raviata” akkordeonunu, yaxın dostları Kotiki və Datanı, onu gizli-gizli sevən Tamrikonu və nəvəsi Zinkanı hədiyyə edib.
Səhifə sayı - 176
ISBN 978-9952-38-111-5
Cild - Yumşaq

Ağlasığmaz - Adam Faver - SizinKitab

Kitab haqqında

Bir səhər yuxudan oyanan kimi ağlına illərdən bəri gör­mədiyin dostun gəlir. Bir saat sonra onunla küçədə rast­la­şır­san. Səncə, bu, təsadüfdürmü?
Heç lotereyada udmusan? Yox? Amma udanlar var. Həm də davamlı! Onlar səndən daha şanslıdırmı? Ümumiyyətlə, şans deyə bir şey varmı?
Sənə sirli şəkildə tanış gələn predmet və hadisələr necə? San­ki əvvəllər hardasa görmüsən. Bu, keçmişdir, yoxsa gə­lə­cək? Yuxudur, yoxsa gerçəklik?
Bütün bu suallara cavab tapmaq istəyirsənsə “Ağlasığmaz” romanını mütləq oxu. Bu, insanı düşündürən, riyazi nəzəriy­yə­lərlə macəranı birləşdirən bir kitabdır. Romanın sonunda bir tərəfdən şizofreniyanın həqiqi səbəbləri haqqında dü­şü­nəcək, o biri tərəfdən adi bir hərəkətin insan həyatını necə dəyişdiyinə təəccüblənəcəksən.

Səhifə sayı - 544
ISBN 978-9952-38-108-5
Cild - Yumşaq

Koma - Tural Həsənli - SizinKitab

Kitab haqqında

İlk yazmağa başladığım günü düşünürəm. Həyata gecikdiyimi düşünmüşdüm. İkincini qələmə alan zaman psixoloji bir dram içindəydim. Üçüncünün ərsəyə gəlməsi hərbi xidmətimin təsirində qaldığım müddəti əhatə edirdi. Onlar olmasaydı, təşəbbüs də olmazdı. Əlinizdə tutduğunuz bu kitab isə digərlərindən fərqli olaraq daha gözəl bir dünya naminə, xətrinə xəstə misalı, içində hamımıza ehtiva edən böyük bir komadır. Haradan baxsanız, on il var ki qələmlə dərdləşir və bir şey yazmağa çalışıram.
Varlıq kimi yoxluqlar da bu həyatdan bizə ərməğandır. Məhz bu səbəbdən də qazanclarımın olduğu kimi son on il müddətində, eyni zamanda bir çox şeyin yoxluğunu çəkdim. Hərçənd heç zaman düşüncə yoxluğu yaşamadım, yaşamın düşüncəsiz var olmayacağına inandım. Həyatımın hər bir hissəsində var olmağıma səbəb olan düşüncələrim mənimlə idi. Düşündükcə böyüdüm və böyüdükcə dünyaya baxışım dəyişdi. Mən dəyişdikcə də ətrafımı dəyişdirməyə davam etdim. Beləcə gördüm ki, gələcək düşüncələrimlə formalaşır. Dəyişmək gözəl idi, amma dəyişməyən ən gözəl şey qələmimə istiqamət verən sevgi idi.
Bu, bir sevgi, bu, bir dəyişim, bu, bir dünya hekayəsidir. Bu, gənc bir yazarın içində yaşadığı “Koma”dır (komadır).
Hər köşədə bir az mən, bir az sən, bir az biz varıq. Bəyəm varlığımız ən böyük xəzinəmiz deyilmi?
Səhifə sayı - 376
ISBN 978-9952-38-150-4
Cild - Yumşaq

Güzgüdəki naməlum adam - Sidni Şeldon - SizinKitab

Kitab haqqında

Zaman insanı necə məğlub edir? O, taleyimizdə hansı izləri buraxır? Öz faniliyini dərk etməyən insan üçün bu suallar əhəmiyyətsizdir. Su kimi axıb gedən zaman artıq ikinci plandadır. Hədəf şöhrət, məşhurluq və göz qamaşdıran dəbdəbədir. “Amerika cənnəti” Hollivudda baş verənlər əslində insanın nəfsi ilə imtahanıdır. Təsadüfən şöhrət zirvəsinə qalxanlar bir gün hər şeyini itirərək zamana məğlub olurlar. Roman çılğın şöhrət düşkünlərinin xəyal qırıqlığından bəhs edir. O adamlar ki, güzgüdəki simalarını belə tanıya bilmirlər...
Səhifə sayı - 384
ISBN 978-9952-38-114-6
Cild - Yumşaq

Klarnetçi - Ercüment Cengiz - SizinKitab

Kitab haqqında

Bir meyxanada klarnet ifa edən 17 yaşlı Osmanın həyatı qəfil dəyişir: Sultan II Əbdülhəmidin əmri ilə onu Amerikaya gedən musiqi heyətinə daxil edirlər. Orada mütəxəssislər tərəfindən kəşf olunan gənc Osman caz qrupları arasında yer tutur. Lakin İstanbulu, orada tərk etdiyi sevgilisini və qan qardaşını unuda bilmir. Sehrli səsi ilə tədricən yeni bir obraza çevrilən klarnet oxucunun bildiyi, lakin personajların bilmədiyi yandırıcı bir sirri gözlənilməz finala doğru aparır.
Maraqlı məkanları, canlı hekayəsi və orijinal mövzusu ilə diqqət çəkən əsər 2012-ci ildə Everestin ilk Roman Mükafatını qazanıb.

Səhifə sayı - 400
ISBN 978-9952-38-094-1
Cild - Yumşaq

Qan kimi qırmızı - Salla Simukka - SizinKitab

Kitab haqqında

Romanın qəhrəmanı təhlükə dolu hadisələri keçib məqsədinə çatır. Bəs bu qəhrəmanı fərqləndirən cəhət nədir? O, zərif cinsin nümayəndəsidir!
Əsərdə ifrat feminizm hiss olunmur. Lakin müsbət kişi obrazı yoxdur. Bütün kişilər cəzalanır: məktəbdən qovulur,
həbsə gedir, ölür, yataqda əl-qolu bağlanaraq gülünc hala salınır. Qalib gələn isə yalnız İKİ RƏFİQƏdir. Buna görə romanı feminist adlandırmaq olar.
Bədii baxımdan «Qan kimi qırmızı» müasir romançılığın yaxşı nümunəsidir. Detektiv, macəra, insan, təbiət, qorxu,
zəfər, şəhvət və sevgi kimi anlayışlar bir-biri ilə uğurlu şəkildə çulğaşaraq maraqlı əsərə çevrilir.
Səhifə sayı - 224
ISBN 978-9952-38-126-9
Cild - Yumşaq

Damazlıq qızın əhvalatı - Marqaret Etvud - SizinKitab

Kitab haqqında

Of-Fred əvvəllər Birləşmiş Ştatlar adlandırılan Gilead Respublikasında, dini-totalitar dövlətdə xidmətçidir. O, Komandor Fred Uoterfordun evinə göndərilib; onun adı Of-Freddir, yəni “Fredə məxsus”. Of-Fredin yalnız bir vəzifəsi var: doğub-törəmək. Əgər o, viranə qalmış, kimsəsizləşmiş dü­n­yanı yenidən məskunlaşdırmaq üçün seksual köləliyə girməkdən imtina edərsə, asılacaq. Amma, hətta repressiv bir dövlət də ümid və arzunu yox edə bilməz. İnqilabdan əvvəlki həyatını ara-sıra xatırlayan Of-Fred günümüzün qorxunc işgəncə və təqiblər dünyasında, həmçinin gə­lə­cə­yinin asılı olduğu iki kişi arasında vurnuxmağa məcburdur.
Məharətlə düşünülmüş və təsvir edilmiş, gələcəyə dair bu maraqlı mənzərə Marqaret Etvudu distopik fantastikanın ön cərgələrinə çıxarır.
Səhifə sayı - 448
ISBN 978-9952-38-025-5
Cild - Yumşaq

Gertruda - Herman Hesse - SizinKitab

Kitab haqqında

Başına qəfil gələn bədbəxt hadisə nəticəsində ömürlük şikəst qalan gənc musiqiçi Kunun qayğısız həyatı еlə bu hadisə ilə başa çatır. O, həyatının tək təsəllisini yaradıcılıqda görməyə başlayır, bütün gənclik еnеrjisini işə sərf еtməyə qərar verir. Oxucu onun qarşılıqsız sеvgi, səmimi dostluq, şöhrət dolu həyatına laqеyd qala bilməyəcək...
Səhifə sayı - 264
ISBN 978-9952-38-081-1
Cild - Yumşaq

Sevgi səhrası - Fransua Moriak - SizinKitab

Kitab haqqında

Bədənlərin yardımına ehtiyac duymadan ruhların bir-biri ilə dil tapacağı o gün gələcək...
Bu məhəbbət üçbucağının, bu eşq fırtınasının iki bucağında həkim ata və sərsəm oğul dayanıb. Üçüncü tərəf bütün Bordonu ovsunlayan sehrli ­qadın hər ikisinə eyni uzaqlıqdadır.
Nobel mükafatı laureatı Fransua Moriak yaradıcılığında məhəbbət mövzusuna geniş yer ayırıb və müxtəlif əsərlərində bu yüksək bəşəri hissi fərqli rakurslardan işıqlandırmağa çalışıb.
Yazıçının 1925-ci ildə qələmə aldığı bütün dövr­lərin ən maraqlı sevgi romanlarından olan “Sevgi səhrası” Fransız Akademiyasının mükafatına layiq görülüb.
Tərcüməçi - Zahid Sarıtorpaq
ISBN 978-9952-38-082-8
Cild - Yumşaq

Söyüdlü arx - İlyas Əfəndiyev - SizinKitab

Kitab haqqında

Yazıçının ilk romanıdır. Milli nəsrimizdə lirik-psixoloji təmayülün başlanğıcı hesab edilir. Əsərdə dostluq, azadlıq, birlik, zəhmətkeşlik kimi bəşəri dəyərlər kənd həyatının fonunda real təsvirlərlə və canlı dildə təqdim edilir. Dialoqlar təsirli ifadə tərzi, kəskinliyi və dramaturgiyası ilə seçilir. Roman nəşr olunan kimi oxucuların ürəyinə yol tapdı, sevildi və dünyanın bir çox dillərinə tərcümə olundu.
Səhifə sayı - 224
9789952367768
Cild - Yumşaq

Kor bayquş - Sadiq Hidayət - SizinKitab

Kitab haqqında

Modern İran ədəbiyyatının parlaq imzalarından olan Sadiq Hidayətin bu romanı öz ölkəsində qadağan edilmişdi. “Kor bayquş” kitab kimi ilk dəfə 1937-ci ildə Hindistanda çap olundu. Əsərdəki hadisələr zaman və məkan xaricində cərəyan edir. Həmçinin hamı bir nəfər, bir nəfər hamıdır. Bir-birilə həm bağlı, həm də ayrı olan bir kişi və bir qadın qəhrəmanın həyati təsvirləri mifik psixoloji düşüncələr arasında əriyir, oxucunu mürəkkəb insan yaşantılarının dərin qatlarındakı sirli detalların təsirinə salır. İndi və keçmiş, yaddaş, xatirə və xəyallar görünməz tellərlə birləşərək hadisələrin həqiqətlə mücərrədlik arasındakı axınına şahidlik edir.
Səhifə sayı - 112
ISBN978-9952-38-057-6
Cild - Yumşaq